Read Dagara, Northern 1 Na-mɩnɛ 10 Bible Online

1 Na-mɩnɛ 10 - Dagara, Northern bible

1 Na-mɩnɛ 10

¹A Saba[18] tẽw pɔw-nãà tɩ wõ n a Salomɔ̃ yele, ìr wa k'ʋʋ wa sowr'ʋ sowru na kpɛmɛ a, ɩ ʋ kaa nyɛ̃ ʋ sɩrɩ na tɛr a yã-bãwfʋ ʋ.

²Ʋ tɩ ta n a Zerizalɛm nɩ pùor dem na yãwmɛ yaga a, nɩ nyɔ̃wmɩ na tuo kãá-nyuure, nɩ salm-zɩɛ yaga nɩ kʋsɛ-bi-nyɩlɩ vɩɛlɩ vɩɛlɩ a. Ʋ tɩ wa n a Salomɔ̃ zie wa sowr'ʋ a sowru al za ʋ na cɔbrɩ a.

³A Salomɔ̃ tɩ sɔw nɩ a ʋ sowru za. Sowru kãw za bɛ tɩ ka be, a sɔwfʋ kpɛmɛ ʋ sɔw gù ɛ.

⁴A Saba tẽw pɔw-nãà tɩ nyɛ̃ nɩ a Salomɔ̃ yã-bãwfʋ, a yir ʋ na ŋmãa a,

⁵a bʋ̃-dɩrɩ na mɩ́ bin a ʋ tabalɛ zu a, a ʋ tõ-tõ-biir yie, a bʋ̃-dɩrɩ de-tɩrʋ na vɩɛl a, a tõ-tõ-biir na waar'ɩ a bʋ̃-dɩrɩ a, nɩ a bɛl na waar'ɩ a bʋ̃-nyúuri a suuru, a bagɛ a nãà na mɩ́ tɩ maalɩ a Sore Ŋmɩn-yir-kpɛ̃ɛ pʋɔ a. Ʋ tɩ nyɛ̃ nɩ à á ŋá za, a nʋɔr ɓãá ʋ.

⁶Lɛ n'a ʋ tɩ yel a nãà à ŋá: «A fʋ ƴɛ̀rʋ nɩ a fʋ yã-bãwfʋ ƴɛ̀rʋ ɩ̃ na tɩ wõ bɛ ƴɛ̀r a ɩ̃ tẽw pʋɔ a, sɩza na bãw n'a a!

⁷Ɩ̃ na bɛ tɩ wa wa nyɛ̃ nɩ mimir a, ɩ̃ bɛ tɩ sàw kɛ́ a lɛ bɛ na yere a ɩ n sɩza ɩ. Ɛcɛ, yel-mɩŋa sa ziri, bɛ bɛ tɩ yel a põ-zɛ̃-taa zie kʋ̀ m ɛ! A fʋ yã-bãwfʋ nɩ a fʋ tɛra zuo nɩ a lɛ ɩ̃ na wõ bɛ yel a.

⁸A fʋ pɔwbɛ nɩ a fʋ yir dem za tɛr'ɩ zu-nʋ̃ɔ̀ yaga! Bɛ mɩ́ be n a fʋ zie kʋralɛ wone a fʋ yã-bãwfʋ ƴɛ̀rʋ.

⁹A Sore, fʋ Naaŋmɩn, tɛr'ɩ puoru, ʋl na sàw kaa ír fʋ kɛ́ fʋ dɩrɛ naalʋ a Ɩsɩrayɛl zu a. A Sore na nɔnɛ a Ɩsɩrayɛl nɩbɛ kʋralɛ a n'a so ʋ ƴãw fʋ ɩ a bɛ nãà, kɛ́ fʋ tʋ̃ɔ́ ɩ a lɛ-na-tu-sɔr-a nɩ a mɩnʋ a be be.»

¹⁰Al pùorí, a Saba tẽw pɔw-nãà tɩ kʋ̀ n a nãà Salomɔ̃ salm-zɩɛ tɔn ata nɩ ŋmãa, kãá-nyuure na yãwmɛ yaga a, de nɩ kʋsɛ-bi-nyɩlɩ vɩɛlɩ vɩɛlɩ. Nɩr bɛ lɛb dãw nyɛ̃ kãá-nyuure a kpɛ a Ɩsɩrayɛl tẽw pʋɔ man a al a Saba tẽw pɔw-nãà na tɩ kʋ̀ a nãà Salomɔ̃ a ɩ.

¹¹A nãà Hiram gbee na tɩ cen a Ofɩɩr a, tɩ tuo nɩ salm-zɩɛ nɩ sãtal dàar[19] wa n, de nɩ kʋsɛ-bi-nyɩlɩ vɩɛlɩ vɩɛlɩ yaga za.

¹²A Salomɔ̃ tɩ de nɩ a sãtal dàar maal'ɩ dàar dacĩ-vɛɛ vɛɛ a Ŋmɩn-yir-kpɛ̃ɛ pʋɔ, ɛ́ lɛb maal'ɩ kãw a nãà yir. Ʋ mɩ̀ tɩ maal'ɩ nɩ korijom nɩ pɛ̀nɩ́, a yiel-yielbɛ ƴãw. A ʋlɩ bibir nɛ wa tɔ dɩ̃a a, nɩr bɛ lɛb nyɛ̃ sãtal dàar a wa a Ɩsɩrayɛl tẽw pʋɔ sɛw a lɛ ɩ.

¹³A nãà Salomɔ̃ mɩ̀ tɩ kʋ̀ n a Saba tẽw pɔw-nãà a alɩ bome nɛ za ʋ na tɩ bɔbr ɛ́ zɛlɩ a. Ʋ tɩ kʋ̀ ʋ nɩ bʋ̃-kʋ̀rɩ na ɩ nãà bʋ̃-kʋ̀rɩ a ƴãw pʋɔ. Al pùorí, a pɔw-nãà nɩ a ʋ tõ-tõ-biir tɩ lɛb'a kul a bɛ tẽw.

¹⁴Yũon-been yõ pʋɔ a, a Salomɔ̃ tɩ páw nɩ salm-zɩɛ tɔn lɩzɛr,

¹⁵de nɩ a yar bʋʋrɛ bʋʋrɛ a nɩbɛ na mɩ́ ya a tẽ-yoru bome na kpɩɛr a tẽw pʋɔ a ƴãw, nɩ a yɛ̀rʋ́ ƴãw a, nɩ a zuru-yar a na-yoru nɩ a tẽw nãà-lɩɛrbɛ na mɩ́ tɩr a.

¹⁶A nãà Salomɔ̃ tɩ ƴãw na bɛ ŋmɛ salm-zɩɛ nɩ 'hama[20] maal'ɩ zɛbr kur-pãgalɩ bɛrɛ kɔbr ayi (200), a been za maalʋ mɩ́ tɩ de nɩ salm-zɩɛ kilo[21] ayʋɔb.

¹⁷Ʋ mɩ̀ tɩ ƴãw na bɛ ŋmɛ salm-zɩɛ nɩ 'hama maal'ɩ salm-zɩɛ zɛbr-kur-pãgalɩ pʋrmɛ kɔbr ata (300), a been za maalʋ na mɩ́ tɩ de salm-zɩɛ kilo been nɩ ŋmãa a, ɛ́ ƴãw bɛ bin a a yir ʋl bɛ na bʋɔlɛ kɛ́ «Libã Tuw» a pʋɔ.

¹⁸A nãà tɩ cãà na ƴãw bɛ maalɩ naalʋ-dà-kɔw-kpɛ̃ɛ na ƴãw wɔb nyɩmɛ pɩ̃ɛmɛ, ɛ́ nyɩl salm-zɩɛ mɩŋa pàw a.

¹⁹A naalʋ-dà-kɔw ŋa tɩ dɔwl'ɩ gboro na tɛr dɛr-mimie ayʋɔb a zu, a dɩ́ɛlʋ zie tɩ ɩ n vilovilo, ɛ́ kpãkpamɛ dɔwlʋ zie be ka lowr, ɛ́ be ka lowr. Gben ayi bɛ na pɛnɩ a, tɩ àr'ɩ a naalʋ-dà-kɔw dʋrʋ lowr nɩ a gʋba lowr,

²⁰ɛ́ pie nɩ ayi àr a dɛr-mimie zu, ayʋɔb a gʋba lowr, ayʋɔb a dʋrʋ lowr. Nɩr bɛ maalɩ a bom ŋa tɔ naalʋ-tẽw kãw za pʋɔ ɩ.

²¹A nãà Salomɔ̃ koli-nyúuri za tɩ ɩ n salm-zɩɛ, ɛ́ a labɛ za na be a «Libã Tuw» pʋɔ a, ɩ salm-zɩɛ mɩŋa. Bɛ bɛ tɩ maalɛ bom za nɩ salm-pla ɩ, bʋ̃ʋ n'ʋ vɛ̃, a Salomɔ̃ daar a, a salm-pla bɛ tɩ maal ɩ bʋ̃-sɩza ɩ.

²²A nãà tɩ tɛr'ɩ gbee mɩ́ tõ bɛr a zi-zãána, alɛ nɩ a nãà Hiram gbee. Yome atarɩ tarɩ, a gbee á ŋá mɩ́ lɛb'a wa, tuo salm-zɩɛ, salm-pla, wɔb nyɩmɛ, ŋmáar nɩ lili-vɩɛlɩ vɩɛlɩ.

²³A nãà Salomɔ̃ naalʋ nɩ a ʋ yã-bãwfʋ tɩ ɩ na ʋ zuo a tẽw zu na-mɩnɛ za.

²⁴Bʋ̃ʋ n'ʋ vɛ̃, a Naaŋmɩn tɩ kʋ̀ ʋ nɩ yã-bãwfʋ na bɛ tɛr tɛwr a, a nɩbɛ tɩ yire ziir za waar kɛ́ bɛ wa bɛr wõ a ʋ ƴɛ̀rʋ.

²⁵Yũon za a, a nɩbɛ bɛ ŋa mɩ́ tɩ wa n nɩ bome wa kʋ̀ ʋ, salm-pla nɩ salm-zɩɛ bome, kparɩ, zɛbr bome, kãá-nyuure, wie nɩ mílɛ̀[22].

²⁶A nãà Salomɔ̃ tɩ bɔ n zɛbr-torkori nɩ wie ɓã taa: ʋ tɩ tɛr'ɩ zɛbr-torkori túr'ɩ kɔbr anaar (1 400) nɩ wie tùr-pie nɩ ayi (12 000). Ʋ tɩ tɛr'ɩ a mɩnɛ a ʋ zie, a Zerizalɛm, ɛ́ ƴãw a mɩnɛ a tẽ-bɛrɛ al pʋɔ ʋ na tɩ cɔbrɩ a al ƴãw a.

²⁷A nãà zũú n'a a salm-pla tɩ yãwmɛ a Zerizalɛm mɛ̃ kʋsɛbɛ a, ɛ́ a sɛɛdɩr tɩɩr yãwmɛ mɛ̃ a sɩkomɔɔr[23] tɩɩr na be a Ba-Peyi a.

²⁸Eziptɩ nɩ Silisi ten n'a a Salomɔ̃ wie mɩ́ tɩ yi. Yɛ-yɛrbɛ nɛbɛ mɩ́ tɩ cen tɩ dà a a be, a nãà ƴãw.

²⁹A zɛbr-torko-been na mɩ́ tɩ yi a Eziptɩ tẽw wa a, dàarʋ mɩ́ tɩ ɩ n salm-pla libie kɔbr ayʋɔb (600), ɛ́ wur-been ɩ salm-pla libie lɩz'a ayopõi nɩ pie. A yɛ-yɛrbɛ bɛ ŋa mɩ̀ mɩ́ tɩ ɩ na zɛbr-torkori nɩ a wie a wa, a Hititɩ mɩnɛ na-mɩnɛ za nɩ a Siiri tẽw na-mɩnɛ ƴãw.