Read Dagara, Northern 1 Na-mɩnɛ 6 Bible Online

1 Na-mɩnɛ 6 - Dagara, Northern bible

1 Na-mɩnɛ 6

¹A Ɩsɩrayɛl nɩbɛ na yi a Eziptɩ tẽw a maalɩ yome kɔbr anaar dɔwlɩ lɩz'a anaar (480) a n'a, a Salomɔ̃ tĩ a Sore Ŋmɩn-yir-kpɛ̃ɛ ŋmãafʋ. A tome tɩ tĩ nɩ a Salomɔ̃ naalʋ-dɩb yome anaar sob, Zivʋ[8] cuw pʋɔ, a pɛr lɛ k'aa yũon cuwr ayi sob.

²A Ŋmɩn-yir-kpɛ̃ɛ a Salomɔ̃ na tɩ ŋmãa a Sore ƴãw a, a wogo tɩ ɩ n mɛtɩr lɩzɛr'ɩ pie, a yɛ̀lʋ ɩ mɛtɩr pie, ɛ́ a kɛrʋ ɩ mɛtɩr pie nɩ anũu.

³Zawle tɩ be n a Ŋmɩn-yir-kpɛ̃ɛ càará niŋé, a yɛ̀lʋ ɩ mɛtɩr pie, mɛ̃ a Ŋmɩn-yir-kpɛ̃ɛ yɛ̀lʋ a, ɛ́ a wogo ɩ mɛtɩr anũu.

⁴Bɛ tɩ ƴãw nɩ a Ŋmɩn-yir-kpɛ̃ɛ tokori vɛɛ na ƴãw dàar a nɛ́ɛ ƴãw, ɛ́ bɛ pàw nɩ kure zɛlɩ a.

⁵Bɛ tɩ ŋmãa nɩ yir na tɛr di-suwli ata a, tɩɛ nɩ a càará nɩ a di-nidaar dacine.

⁶A yir ŋa dĩo ʋl na be a pile za a yɛ̀lʋ tɩ ɩ n mɛtɩr ayi nɩ ŋmãa, a dĩo ʋl na do tu be a sɔwlɩsɔw a yɛ̀lʋ ɩ mɛtɩr ata, ɛ́ a dĩo ʋl na be a saa-zu za a yɛ̀lʋ ɩ mɛtɩr ata nɩ ŋmãa. Bʋ̃ʋ n'ʋ vɛ̃, a Ŋmɩn-yir-kpɛ̃ɛ yẽw dacin bɛ tɩ bɛrmɛ man taa do tɩ tɔ ɩ. Ʋ mɩ́ tɩ do na ta ka a bɛ́rʋ siwri, ʋ lɛb do ta ka a bɛ́rʋ siwri. A ɩ à ŋá a gàr wɛwr bɛ mɩ́ kpɛ a Ŋmɩn-yir-kpɛ̃ɛ dacine pʋɔ ɩ.

⁷A yir ŋmãafʋ ƴãw a, bɛ mɩ́ tɩ de nɩ a kʋsɛbɛ, mɛ̃ a lɛ a na yi a kʋsɛ-bɔw pʋɔ wa a, tone nɩ. A na ɩ à ŋá a, a yir ŋmãafʋ daar za a, nɩr bɛ wõ 'hama[9], pĩi-gara nɩ kure tõ-tõ-bom kon za ɩ.

⁸Dɩ̃dɔr tɩ be n a Ŋmɩn-yir-kpɛ̃ɛ saa-pɛrɩ́-dʋrʋ-lowr, bɛ mɩ́ tʋ̃ɔ́ tu kpɛ a di-suwli yir pile dĩo pʋɔ. Dɛ́r be n a be, dúor kɛ́ lɩɛbɛ, bɛ mɩ́ tu do a sɔwlɩsɔw dĩo pʋɔ, nɩ a dĩo ʋl na be a saa-zu za a.

⁹A Ŋmɩn-yir-kpɛ̃ɛ baarʋ ƴãw a, bɛ tɩ maal'ɩ a gàr nɩ sɛɛdɩr wɛwr nɩ sɛɛdɩr da-pãgalɩ.

¹⁰A yir bɛ na tɩ ŋmãa ɓɛrɩ nɩ a Ŋmɩn-yir-kpɛ̃ɛ a, tɩ viir'a koli ʋ ʋ za, ɛ́ a di-suwle za dacin kɛrʋ mɩ́ ɩ mɛtɩr ayi nɩ ŋmãa. A ʋ sɛɛdɩr wɛwr tɩ tɩɛ nɩ a Ŋmɩn-yir-kpɛ̃ɛ dacin.

¹¹A Sore tɩ ƴɛ̀r'ɩ a Salomɔ̃ zie.

¹²Ʋ tɩ yel ʋ na: «Fʋ̃ʋ n'ɩ ŋan ŋmaarɛ a yir ŋa a ɩ̃ ƴãw! Fʋ̃ʋ wa tuur a ɩ̃ wulu a, fʋ̃ʋ wa tɛr a ɩ̃ tub tuur a, fʋ̃ʋ wa sàwr a ɩ̃ nɛ-ƴãwnɩ a, ɩ̃ na tu n a lɛ ɩ̃ na tɩ yel a fʋ ƴãw a fʋ sãà Daviir zie a.

¹³Ɩ̃ na wa na wa kpɩɛr a yir ŋa a Ɩsɩrayɛl nɩbɛ sɔgɔ, ɩ̃ɩ bɛ zawrɛ a ɩ̃ nɩ-bʋʋrɛ Ɩsɩrayɛl bɛrɛ towtow ɛ.»

¹⁴A Ŋmɩn-yir-kpɛ̃ɛ na tɩ ŋmãa baarɩ mɛ̃ a lɛ a Salomɔ̃ na yel a,

¹⁵bɛ tɩ ƴãw nɩ sɛɛdɩr dà-pawlɩ pàw a di-pʋʋr dacine, a pile tɩ tɔ a saa-zu, ɛ́ pɩɛrɩ sɩpɩrɛ dàar pàw a tẽsɔw za.

¹⁶Bɛ mɩ̀ tɩ ƴãw nɩ sɛɛdɩr dà-pawlɩ pàw a di-nidaa dacine, mɛtɩr pie bɛ na ƴãw a dàar cen nɩ a, a pile tɩ tɔ a saa-zu. Al pùorí, bɛ tɩ cɔbr'ɩ a dĩo ŋa pʋɔ k'ʋʋ tʋ̃ɔ́ ɩ a wõ-taa daga dĩo, bɛ na bʋɔlɛ “zi-sõw-za-zi-sõw” a.

¹⁷A Ŋmɩn-yir-kpɛ̃ɛ zie ʋl na cɛ a, a pɛr lɛ k'aa càará fʋ na mɩ́ kpɛ ɛ́ yi kpɛ a zi-sõw-za-zi-sõw pʋɔ a, tɩ tɛr'ɩ mɛtɩr lɩzɛr.

¹⁸Bɛ tɩ wi n tɩ-wɔmɛ nɩ tɩ-puuru na yɩɩrɩ a ƴãw a sɛɛdɩr dà-pawlɩ zu, bɛ na pàw nɩ a Ŋmɩn-yir-kpɛ̃ɛ di-pʋʋr dacine a. Sɛɛdɩr dà-pawlɩ tɩ pàw nɩ a dacine za, kʋsɩɛr za bɛ tɩ sãá ɩ.

¹⁹A Salomɔ̃ tɩ ƴãw na bɛ cɔbrɩ a zi-sõw-za-zi-sõw, na ɩ a Ŋmɩn-yir-kpɛ̃ɛ zi-tuo a, k'ʋʋ ƴãw a Sore wõ-taa daga a be.

²⁰A dĩo ŋa wogo tɩ ɩ n mɛtɩr pie, a yɛ̀lʋ ɩ mɛtɩr pie, a kɛrʋ ɩ mɛtɩr pie mɩ̀. Bɛ tɩ nyɩl'ɩ salm-zɩɛ mɩŋa pàw ʋ, lãwnɩ a Ŋmɩn-yir-kpɛ̃ɛ pʋɔ za. A dĩo ŋa dɩ̃dɔr ƴãw a, bɛ tɩ dɔl'ɩ salm-zɩɛ bãzɔlɛ, ɛ́ bin sɛɛdɩr dàar bàwr-maal-kuur, bɛ na nyɩl salm-zɩɛ pàw a.

²²A Salomɔ̃ tɩ ƴãw na bɛ nyɩl salm-zɩɛ pàw a Ŋmɩn-yir-kpɛ̃ɛ za, lãwnɩ a bàwr-maal-kuur bɛ na bin pɩɛlɩ a wõ-taa daga dĩo dɩ̃dɔr a.

²³A Salomɔ̃ tɩ ƴãw na bɛ maalɩ seribɛ̃ ayi nɩ olivʋ tɩɛ dàar, a zi-sõw-za-zi-sõw ƴãw. Ŋa za kɛrʋ tɩ ɩ n mɛtɩr anũu.

²⁴A dãw-niwn sob tɩ tɛr'ɩ pɩgɛ ayi, a wogo na mɩ́ ɩ mɛtɩr ayi nɩ ŋmãa a. A ɩ à ŋá pɩwr nyʋɔr tɩ tɔ pɩwr nyʋɔr wogo mɩ́ ɩ mɛtɩr anũu.

²⁵A seribɛ̃ ayi sob mɩ̀ tɩ tɛr'ɩ mɛtɩr anũu. A ʋ kɛrʋ nɩ a dãw-niwn sob kɛrʋ tɩ ɩ n been, ɛ́ a ŋmɛ̃ ŋmɛ̃ taa.

²⁶Seribɛ̃ ŋa za kɛrʋ tɩ ɩ n mɛtɩr anũu.

²⁷Bɛ tɩ bin nɩ a seribɛ̃ a zi-sõw-za-zi-sõw sɔwlɩsɔw. A pɩgɛ tɩ dɔl'a, a seribɛ̃ dãw-niwn sob pɩwr kãw tɩ tɔ a dĩo dacin kãw, ɛ́ a ayi sob pɩwr kãw mɩ̀ tɩ tɔ a dacin ƴen sob. A pɩgɛ ayi al na cɛ a tɩ tuor'a tɔ taa a dĩo sɔwlɩsɔw.

²⁸Bɛ tɩ nyɩl'ɩ salm-zɩɛ pàw a seribɛ̃ a za ayi.

²⁹A Ŋmɩn-yir-kpɛ̃ɛ dacine za zu a, a diru a za ayi pʋɔ a, bɛ tɩ wi n seribɛ̃ mɩnɛ, kpãkparmɛ wuli nɩ tɩ-puuru na yɩɩrɩ a.

³⁰Bɛ tɩ nyɩl'ɩ salm-zɩɛ pàw a Ŋmɩn-yir-kpɛ̃ɛ tẽsɔw, a diru a za ayi pʋɔ.

³¹Bɛ tɩ maal'ɩ pan na tɛr pawrɩ ayi a, nɩ olivʋ tɩɛ dàar, a zi-sõw-za-zi-sõw dɩ̃dɔr pàwfʋ ƴãw. A dɩ̃dɔr saa-zu dàa nɩ a dɩ̃dɔr dàar tɩ tɛr'ɩ bʋ̃-wiri anũu.

³²Bɛ tɩ wi n seribɛ̃, kpãkparmɛ wuli nɩ tɩ-puuru na yɩɩrɩ a, a pan pawrɩ a za ayi zu, ɛ́ bɛ nyɩl salm-zɩɛ pàw a. Bɛ mɩ̀ tɩ nyɩl'ɩ a salm-zɩɛ pàw a seribɛ̃ nɩ a kpãkparmɛ wuli.

³³Bɛ mɩ̀ tɩ maal'ɩ pan, a càará pàwfʋ ƴãw. A ʋ dàar tɩ ɩ n olivʋ tɩɛ dàar na tɛr bʋ̃-wiri anaar a.

³⁴Pɛ̃ tɩɛ dàar'a bɛ tɩ maal'ɩ a ʋ pawrɩ a za ayi, ɛ́ wi bã-vilo vilo ayi ƴãw pawra za zu.

³⁵Bɛ tɩ wi n seribɛ̃, kpãkparmɛ wuli, nɩ tɩ-puuru na yɩɩrɩ a, a pan pawrɩ zu, ɛ́ bɛ nyɩl salm-zɩɛ pàw a bʋ̃-wiri.

³⁶Al pùorí, bɛ tɩ mɛ n dacin viiri koli a davʋrle, kʋsɛ-pɛnɩ gbɛlɛ ata na dɔwlɩ taa a, nɩ sɛɛdɩr tɩɛ wɛwr gbɛ̀l-been.

³⁷A Salomɔ̃ naalʋ-dɩb yome anaar sob'a bɛ tɩ sʋ̃ɔ́ a Ŋmɩn-yir-kpɛ̃ɛ pɛr, Zivʋ cuw pʋɔ.

³⁸Bɛ tɩ baar'ɩ a mɩɛrʋ tome, a yel-kpɛ̃kpɛrsɩ za pʋɔ, nɩ a lɛ za bɛ na tɩɛrɩ a mɩɛrʋ bin a, a Salomɔ̃ naalʋ-dɩb yome pie nɩ been sob, Bul[10] cuw pʋɔ, a pɛr lɛ k'aa cuwr ani sob. A na ɩ à ŋá a, yome ayopõi n'a bɛ tɩ ŋmãa a Ŋmɩn-yir-kpɛ̃ɛ.