Read Dagara, Northern 1 Bibie za yel-manɩ 10 Bible Online

1 Bibie za yel-manɩ 10 - Dagara, Northern bible

1 Bibie za yel-manɩ 10

¹Bibir kãw, a Filisɩtɛ̃ mɩnɛ tɩ ŋmãa nɩ nɩ a Ɩsɩrayɛl nɩbɛ zɛbr a Gilbowa tãw zu. A Ɩsɩrayɛl nɩbɛ tɩ lɩɛb'a zɔ a Filisɩtɛ̃ mɩnɛ niŋé, ɛ́ bɛ kʋ nɩ-yaga.

²A Filisɩtɛ̃ mɩnɛ tɩ gbʋnɛ nɩ a Sawul nɩ a ʋ bidɛbr. Bɛ tɩ kʋ n a Sawul bidɛbr Zonatã, Abinadab nɩ Malki-Suwa.

³Lɛ n'a a zɛbr tɩ lɛb zul ʋ za cen a Sawul lowr. A tã-tɛbrbɛ tɩ nyɛ̃ ʋ na bãw. A Sawul na wa nyɛ̃ a tã-tɛbrbɛ a, pʋ̀lá tɩ vʋ̃ɔ ʋ na.

⁴Lɛ n'a ʋ tɩ yel a ʋ zɛbr-bʋ̃-tɛrɛ: «Vʋ̃ɔ a fʋ zɛbr-sɔ-kpɛ̃ɛ cɔr'ɩ mɛ̃ kʋ, a ƴɔ-ɓile dem bɛ ŋa taa wa kʋrɛ mɛ̃ bɛl mɩŋa, ɛ́ ɩrɛ mɛ̃ laar ɛ.» Ɛcɛ a ʋ zɛbr-bʋ̃-tɛrɛ tɩ zawr'a, dɛ̃bɩ̃ɛ na tɩ ɩrɛ ʋ yaga za a ƴãw. Lɛ n'a a Sawul tɩ lɩɛbɩ a ʋ zɛbr-sɔ-kpɛ̃ɛ ba tul, ɛ́ lo a ʋ zu.

⁵A Sawul zɛbr-bʋ̃-tɛrɛ na tɩ nyɛ̃ k'aa Sawul kpi na a, ʋ mɩ̀ tɩ ba n a ʋ zɛbr-sɔ-kpɛ̃ɛ tul, ɛ́ lo a ʋ zu kpi.

⁶À ŋá n'a a Sawul nɩ a ʋ bidɛbr ata tɩ lãw kpi. A nãà yir'ʋ tɩ baarɩ a lɛ.

⁷A Ɩsɩrayɛl nɩbɛ bɛl na tɩ kpɩɛr a fʋɔla pʋɔ a, tɩ wõ na k'aa Ɩsɩrayɛl zɛbr-nɩbɛ lɩɛb'a zɔ a Filisɩtɛ̃ mɩnɛ niŋé, nɩ k'aa Sawul nɩ a ʋ bidɛbr kpi na. Lɛ n'a bɛ tɩ yi zɔ ɛ́ bɛr a bɛ ten a Filisɩtɛ̃ mɩnɛ wa de kpɩɛr.

⁸A bio daarɩ́, a Filisɩtɛ̃ mɩnɛ tɩ cen na kɛ́ bɛ tɩ de a Ɩsɩrayɛl nɩbɛ bɛ na kʋ a bome, bɛ tɩ nyɛ̃ nɩ a Sawul nɩ a ʋ bidɛbr kũuni a Gilbowa tãw zu.

⁹Bɛ tɩ de nɩ a Sawul bome, ŋmãa ʋ a zu ɛ́ de a ʋ zɛbr bome ƴãw bɛ cɔlɩ nɩ a bɛ tẽw za kɛ́ bɛ tʋ̃ɔ́ yel a yel-vla ŋa kʋ̀ a bɛ tɩbɛ nɩ a bɛ nɩbɛ.

¹⁰Bɛ tɩ ƴãw nɩ a Sawul zɛbr bome a bɛ ŋmɩn kãw yir pʋɔ, ɛ́ kpa a ʋ zu ƴãw a bɛ ŋmɩn Dagon yir pʋɔ.

¹¹A Yavɛsɩ tẽw na be a Galaadɩ a nɩbɛ tɩ wõ n a lɛ za a Filisɩtɛ̃ mɩnɛ na tɩ ɩ a Sawul a.

¹²A tẽw dɛbr bɛl za na kpɛ socir zuo bɛ za a tɩ ìr'a cen tɩ ɓáw a Sawul nɩ a ʋ bidɛbr kũuni wa n a Yavɛsɩ tẽw. Bɛ tɩ ũù nɩ a bɛ kɔbɛ a Yavɛsɩ terebɛ̃tɩ tɩɛ pile, ɛ́ tɛr mʋta-tuo bibie ayopõi.

¹³A Sawul na bɛ tɩ tu a Sore a n'a so ʋ na kpi a: ʋ bɛ tɩ tu a lɛ a Sore na yel a ɩ, ɛ́ cen tɩ páw nɩr na sowre a kpɩmɛ[7] a ƴãw pʋɔ,

¹⁴ɛ́ bɛr a Sore sowru. Lɛ so a Sore ɩ ʋ kpi, ʋʋ de a naalʋ kʋ̀ a Zese bidɛb Daviir.