Read Dagara, Northern 1 Bibie za yel-manɩ 2 Bible Online

1 Bibie za yel-manɩ 2 - Dagara, Northern bible

1 Bibie za yel-manɩ 2

¹A Zakɔb bɛ mɩ̀ na bʋɔlɛ Ɩsɩrayɛl[4] a bidɛbr'ɩ bɛ ŋa: Urubɛn, Sɩmɩ̃ɔ, Levi nɩ Zuda, Ɩsakaar nɩ Zabulɔ̃,

²Dan, Zuzɛb nɩ Bɛ̃zamɛ, Nɛfɩtali, Gadɩ nɩ Asɛɛr.

³Bidɛbr ata n'a a Zuda tɩ dɔw nɩ a Kanãa tẽw Suwa pɔwyaa. Bɛlɛ n'ɩ Ɛɛr, Onan nɩ Sela. Ɛcɛ a Zuda bidɛb-dãw Ɛɛr bɛ tɩ pɛlɩ a Sore pʋɔ ɩ, ʋ ɩ ʋ kpi.

⁴A pùorí, a Zuda tɩ dɔw nɩ bidɛbr ayi nɩ a ʋ bie-pɔw Tamaar: Perɛsɩ nɩ Zera. A Zuda bidɛbr za tɩ ɩ n anũu.

⁵Perɛsɩ bidɛbr: Hɛsɩron nɩ Hamul.

⁶Zera bidɛbr: Zimiri, Etan, Heman, Kalkɔl nɩ Dara, bɛ za ɩ anũu.

⁷Karmi bidɛb: Akaar. Ʋlɛ n'ʋ tɩ ɩ zu-bio páw a Ɩsɩrayɛl nɩbɛ, ʋ na tɩ tɛr a zɛbr bome ŋmãa a Naaŋmɩn yõ na so a.

⁸Etan bidɛb: Azarɩa.

⁹Hɛsɩron bidɛbr: Yerameyɛl, Aram nɩ Kelubaɩ mɩ̀ na dɩ kɛ́ Kalɛb a.

¹⁰Aram tɩ dɔw nɩ Aminadab, Aminadab dɔw Nason, a Zuda dɔwlʋ nɩ-kpɛ̃ɛ.

¹¹A Nason tɩ dɔw nɩ Salma, Salma dɔw Bowaazʋ,

¹²Bowaazʋ dɔw Ovɛdɩ, Ovɛdɩ dɔw Zese.

¹³A Zese tɩ dɔw nɩ bidɛbr ayopõi. A bidɛb-dãw n'ɩ Eliyaavʋ, a ayi sob'ɩ Abinadab, a ata sob'ɩ Simeya,

¹⁴a anaar sob'ɩ Netanɛl, a anũu sob'ɩ Aradaɩ,

¹⁵a ayʋɔb sob'ɩ Osɛm, a ayopõi sob'ɩ Daviir.

¹⁶A bɛ yeepuuli tɩ n'ɩ Seruya nɩ Avigayil. A Seruya bidɛbr tɩ ɩ n ata: Avɩsaɩ, Zowab nɩ Asayɛl.

¹⁷A Avigayil tɩ dɔw nɩ Amasa, ɛ́ a Amasa sãà tɩ n'ɩ a Ɩsɩmayɛl bʋʋrɛ nɩr Yetɛɛr.

¹⁸A Hɛsɩron bidɛb Kalɛb tɩ dɔw nɩ bidɛbr ata nɩ a ʋ pɔwbɛ Azuva nɩ Yeriyɔtɩ: a bidɛbr bɛl n'ɩ bɛ ŋa: Yesɛɛr, Sovavʋ nɩ Ardon.

¹⁹A Azuva tɩ kpi na, ɛ́ a Kalɛb kul Efaratɩ, ʋ dɔw Huur kʋ̀ ʋ.

²⁰A Huur tɩ dɔw nɩ Uuri, a Uuri dɔw Besalɛl.

²¹Al pùorí, a Hɛsɩron tɩ tɛr'ɩ yome lɩz'a ata, ɛ́ kul a Galaadɩ sãà Makɩɩr pɔwyaa ʋ dɔw Seguvʋ kʋ̀ ʋ.

²²A Seguvʋ tɩ dɔw nɩ Yayiir, ʋ páw ten lɩzɛr'ɩ ata a Galaadɩ tẽw pʋɔ.

²³Ɛcɛ a Gesuur tẽw nãà nɩ a Aram tẽw nãà tɩ zɛb'a de a Yayiir tẽli lãwnɩ a Kenatɩ tẽw nɩ a tẽ-kpɔwlɩ, ten lɩz'a ata a za. A bɛlɩ dem za na tɩ kpɩɛr a pʋɔ a tɩ ɩ n a Galaadɩ sãà Makɩɩr bʋʋrɛ bɛ za.

²⁴A Hɛsɩron kũu pùorí, a Kalɛb tɩ páw nɩ a ʋ sãà pɔw Efaratɩ ʋ dɔw Asehuur kʋ̀ ʋ. A Asehuur'ʋ ŋmãa a Tekowa tẽw.

²⁵A Hɛsɩron bidɛb-dãw Yerameyɛl bidɛbr tɩ n'ɩ: a bidɛb-dãw Aram, al pùorí, Buna, Orɛn, Osɛm nɩ Ahiya.

²⁶A Yerameyɛl tɩ kul'ɩ pɔw-yũo ʋ dɩ Atara, ɛ́ ʋlɛ tɩ n'ɩ a Onam mã.

²⁷A Yerameyɛl bidɛb-dãw Aram bidɛbr: Maasɩ, Yamin nɩ Ekɛɛr.

²⁸Onam bidɛbr: Samaɩ nɩ Yada. Samaɩ bidɛbr: Nadavʋ nɩ Avisuur.

²⁹A Avisuur pɔw tɩ dɩ na kɛ́ Avihayil, na dɔw Aban nɩ Molidɩ kʋ̀ ʋ a.

³⁰Nadavʋ bidɛbr: Selɛdɩ nɩ Apayim. A Selɛdɩ bɛ tɩ dɔw bie ɩ, ɛ́ kpi.

³¹A Apayim bidɛb: Yiseyi. A Yiseyi bidɛb: Sesan. A Sesan bidɛb: Alaɩ.

³²A Samaɩ yɛb Yada bidɛbr: Yetɛɛr nɩ Yonatan. A Yetɛɛr bɛ tɩ dɔw bie ɩ, ɛ́ kpi.

³³Yonatan bidɛbr: Pelɛtɩ nɩ Zaza. A Yerameyɛl bʋʋrɛ tɩ n'ɩ a bɛ ŋa.

³⁴A Sesan bɛ tɩ dɔw bidɛb ɛ, ɛ́ dɔw pɔwyaar tɛwr. A Sesan tɩ tɛr'ɩ Eziptɩ tẽw gbãgbaa kãw na dɩ Yara a,

³⁵ʋ tɩ de nɩ a ʋ pɔwyaa kãw kʋ̀ ʋ, ʋ kul. Ʋ tɩ dɔw nɩ Ataɩ kʋ̀ ʋ.

³⁶A Ataɩ tɩ dɔw nɩ Natan, Natan dɔw Zavadɩ,

³⁷Zavadɩ dɔw Efilal, Efilal dɔw Ovɛdɩ,

³⁸Ovɛdɩ dɔw Yehu, Yehu dɔw Azarɩa,

³⁹Azarɩa dɔw Helɛsɩ, Helɛsɩ dɔw Eleasa,

⁴⁰Eleasa dɔw Sɩsɩmaɩ, Sɩsɩmaɩ dɔw Salum,

⁴¹Salum dɔw Yekamiya, Yekamiya dɔw Elisama.

⁴²A Yerameyɛl yɛb Kalɛb bidɛbr: a bidɛb-dãw Mesa na ɩ Zifɩ sãà a, nɩ Maaresa na ɩ Ebrɔ̃ tẽw dem sãàkʋm-kʋra a.

⁴³Ebrɔ̃ bidɛbr: Koora, Tapuwa, Erekɛm nɩ Sema.

⁴⁴A Sema tɩ dɔw nɩ a Yɔrkeam sãà, Araham, ɛ́ Erekɛm dɔw Samaɩ.

⁴⁵Samaɩ bidɛb: Maon, ɛ́ a Maon tɩ n'ɩ a Bɛtɩ-Suur sãà.

⁴⁶A Kalɛb pɔw-bile Eifa, tɩ dɔw nɩ Haran, Mosa nɩ Gazɛzɩ. A Haran tɩ dɔw nɩ bidɛb ʋ mɩ̀ dɩ Gazɛzɩ.

⁴⁷Yadaɩ bidɛbr: Eregɛm, Yotam, Gesan, Pelɛtɩ, Eifa nɩ Saafɩ.

⁴⁸A Kalɛb pɔw-bile kãw, Maaka, tɩ dɔw nɩ Sevɛɛr nɩ Tirana kʋ̀ ʋ.

⁴⁹A pùorí, ʋ tɩ dɔw nɩ a Madimana sãà, Saafɩ, nɩ Sewa na ɩ Makɩbena nɩ Givea sãà a. A Kalɛb tɩ tɛr'ɩ pɔwyaa ʋ dɩ Akɩsa.

⁵⁰A Kalɛb bʋʋrɛ bɛ mɩnɛ mɩ̀ cãà n'ɩ bɛ ŋa: a ʋ pɔw Efarata bidɛb-dãw Huur tɩ tɛr'ɩ bidɛbr ata: Soval na ŋmãa a Kɩrɩyatɩ-Yeyarim tẽw a,

⁵¹Salma na ŋmãa a Bɛtɩlɛm tẽw a, Harɛfʋ na ŋmãa a Bɛtɩ-Gadɛɛr tẽw a.

⁵²A Kɩrɩyatɩ-Yeyarim sãà Soval tɩ páw nɩ bidɛbr: a Harowe tẽw dem, a Manatɩ tẽw nɩbɛ põ-zɛ̃-taa,

⁵³nɩ a Kɩrɩyatɩ-Yeyarim yie dɔwlʋ nɩbɛ, a pɛr lɛ k'aa Yitiritɩ mɩnɛ, a Putitɩ mɩnɛ, a Sumatitɩ mɩnɛ nɩ a Mɩsɩrayitɩ mɩnɛ na zɩ̃ a Sorea nɩ a Ɛsɩtawul ten a.

⁵⁴A Salma bʋʋrɛ: a Bɛtɩlɛm tẽw dem, a Netofa tẽw dem, a Atɩrɔtɩ-Bɛtɩ-Yowavʋ tẽw dem, nɩ a Manahatɩ nɩ Sorea tẽw dem põ-zɛ̃-taa,

⁵⁵nɩ a sɛb-bãwnbɛ yie dɔwlʋ na kpɩɛr a Yaebɛsɩ a, a pɛr lɛ k'aa Tireatitɩ mɩnɛ, a Simeyatitɩ mɩnɛ, a Sukatɩ mɩnɛ. — A Kenitɩ mɩnɛ na ɩ a Erekaavʋ sãàkʋm-kʋra Hamatɩ yir dem a nɛbɛ—.