Read Dagara, Northern 1 Bibie za yel-manɩ 20 Bible Online

1 Bibie za yel-manɩ 20 - Dagara, Northern bible

1 Bibie za yel-manɩ 20

¹A vɩɛr daarɩ́, a lɛn daar a na-mɩnɛ na mɩ́ cen a zɛbr a, a Zowab tɩ tɛr'ɩ a zɛbr-nɩbɛ cen nɩ tɩ sãw nɩ a Amɔ̃ tẽw bɛr, ɛ́ cen tɩ piw a tẽ-kpɛ̃ɛ Araba. A Daviir ʋl tɩ be n a Zerizalɛm. A Zowab na tɩ zɛb de a Araba ɛ́ sãw ʋ bɛr a,

²A Daviir tɩ vɔw nɩ a nãà-kpawʋɔ na tɩ vɔblɩ a Amɔ̃ tẽw dem ŋmɩn Mɩlkɔm zũú a. A nãà-kpawʋɔ ŋa tɩ ɩ n salm-zɩɛ kpawʋɔ ɛ́ a ʋ tɩbrʋ ta kilo[10] lɩzɛr'ɩ pie nɩ dɔwlɛ, ɛ́ kʋsɛ-bi-nyɩla kãw tɩ be a ʋ zu, bɛ ír ʋ ƴãw a Daviir nãà-kpawʋɔ zu. A Daviir mɩ̀ tɩ wob'ɩ bʋ̃-yaga yaga bɛ na tɩ zɛb de a tẽw pʋɔ a cen nɩ.

³A Daviir tɩ ƴãw na bɛ diw a tẽw nɩbɛ cen nɩ tɩ ƴãw bɛ pɔ̃tɔrɩ tome: daar fɔwfʋ, kʋsɛbɛ pɛnʋ nɩ tɩɩr cɛb. À ŋá n'a ʋ mɩ̀ tɩ ɩ a Amɔ̃ tẽw tẽ-bɛrɛ na cɛ a. Al pùorí, a Daviir nɩ a ʋ zɛbr-nɩbɛ za tɩ lɛb'a kul a Zerizalɛm.

⁴A pùorí, a Ɩsɩrayɛl nɩbɛ tɩ zɛb'ɩ nɩ a Filisɩtɛ̃ mɩnɛ, Gezɛɛr tẽw. A be n'a Sibekaɩ na yi Husa tẽw a tɩ kʋ Sɩpaɩ, Erefayitɩ mɩnɛ bʋʋrɛ kãw. A Filisɩtɛ̃ mɩnɛ tɩ nyɛ̃ nɩ vĩ a yel ŋa pʋɔ.

⁵A Ɩsɩrayɛl nɩbɛ nɩ a Filisɩtɛ̃ mɩnɛ zɛbr kãw pʋɔ mɩ̀ tɩ n'a, a Yayiir bidɛb Ɛlhanan tɩ kʋ Lami na ɩ a Gatɩ tẽw Golɩatɩ yɛb a. A Golɩatɩ kafin dàa tɩ bɛrmɛ na sɛw pɛn-wobre da-gbiwligi.

⁶Zɛbr kãw lɛb tɩ lo n a Gatɩ tẽw. Nɩr kãw na tɩ kɛrɩ yaga a tɩ be n be tɛr nobie ayʋɔb a nũu za ƴãw, nɩ gbɛbie ayʋɔb a gbɛ́r za ƴãw, a za ɓã taa ɩ lɩzɛr'ɩ anaar. A Harafa bʋʋrɛ kãw mɩ̀ tɩ n'ʋ.

⁷Ʋ tɩ tʋʋr'ɩ a Ɩsɩrayɛl nɩbɛ. Lɛ n'a a Daviir yɛb Simeya bidɛb Yehonatan tɩ ŋmɛ ʋ kʋ.

⁸A Filisɩtɛ̃ mɩnɛ sojarɩ bɛ ŋa tɩ ɩ n a Harafa na yi a Gatɩ tẽw a bʋʋrɛ, ɛ́ a Daviir nɩ a ʋ sojarɩ nɛbɛ tɩ kʋ bɛ.