Read Dagara, Northern 1 Bibie za yel-manɩ 27 Bible Online

1 Bibie za yel-manɩ 27 - Dagara, Northern bible

1 Bibie za yel-manɩ 27

¹A Ɩsɩrayɛl nɩbɛ na tone a nãà a nʋɔr: yie nɩ-bɛrɛ, sojarɩ túre nɩ-bɛrɛ bɩɩ sojarɩ kɔbr nɩ-bɛrɛ, nɩ sɛ-sɛbrbɛ. Bɛlɛ tɩ so a sojarɩ na põ põ a kaafʋ. A sojarɩ bɛ ŋa tɩ tone na lɩɛrɛ taa cuw cuw za, a yũon-ɓil ƴãw. A sojarɩ na tɩ põ põ a, zi-been za nɩbɛ mɩ́ tɩ ɩ n tùr-lɩzɛr'ɩ anaar (24 000).

²Nɩ-bɛrɛ bɛ ŋa nɛbɛ tɩ dɩrɛ naalʋ a bɛ zu: A cuw-dãw-niwn sob: Perɛsɩ dɔwlʋ Zavɩdɩɛl bidɛb Yasoveam. Ʋlɛ n'ʋ tɩ ɩ a nɩ-kpɛ̃ɛ a zɛbr-nɩbɛ nɩ-bɛrɛ za zu a cuw dãw-niwn sob daar. A cuwr ayi sob: Ahowa tẽw Dodaɩ. Mɩkɩlɔtɩ na ɩ sojarɩ-nɩ-kpɛ̃ɛ a n'ʋ tɩ sõwne ʋ. A cuwr ata sob: A bàwr-maal-kara Yehoyada bidɛb Benayahu. A Benayahu tɩ pʋɔ nɩ a «Nɩbɛ lɩzɛr'ɩ pie lãw» pʋɔ. Ʋ na wa lɩɛbɩ a bɛ nɩ-kpɛ̃ɛ a, a ʋ bidɛb Amizavadɩ n'ʋ lɩɛr'ʋ ɩ a nɩ-kpɛ̃ɛ a ʋ sojarɩ zu. A cuwr anaar sob: Asayɛl na ɩ a Zowab yɛb a, ɛ́ a pùorí a ɩ a ʋ bidɛb Zevadɩa. A cuwr anũu sob: Yizɩra dɔwlʋ nɩr Samutɩ. A cuwr ayʋɔb sob: Tekowa tẽw Ɩkɛsɩ bidɛb Ira. A cuwr ayopõi sob: Palɔ̃ tẽw Helɛsɩ, Efarayim dɔwlʋ pʋɔ. A cuwr ani sob: Husa tẽw Sibekaɩ, Zera dɔwlʋ pʋɔ. A cuwr piwaɩ sob: Anatɔtɩ tẽw Aviezɛɛr, Bɛ̃zamɛ dɔwlʋ pʋɔ. A cuwr pie sob: Netofa tẽw Maraɩ, Zera dɔwlʋ pʋɔ. A cuwr pie nɩ been sob: Pireaton tẽw Benaya, Efarayim dɔwlʋ pʋɔ. A cuwr pie nɩ ayi sob: Netofa tẽw Hɛldaɩ, Otɩn(...)

¹⁶Nɩ-bɛrɛ bɛ ŋa nɛbɛ tɩ ɩ a Ɩsɩrayɛl dɔwlʋ niw-dierbɛ: - Urubɛn dɔwlʋ: Zikiri bidɛb Eliezɛɛr. - Sɩmɩ̃ɔ dɔwlʋ: Maaka bidɛb Sefatɩahu.

¹⁷- Levi dɔwlʋ: Kemuyɛl bidɛb Hasavɩa. - Aarɔ̃ dɔwlʋ: Sadɔkɩ.

¹⁸- Zuda dɔwlʋ: Elihu na ɩ a Daviir yɛb kãw a. - Ɩsakaar dɔwlʋ: Mɩkayɛl bidɛb Omiri.

¹⁹- Zabulɔ̃ dɔwlʋ: Ovadɩahu bidɛb Yisimayahu. - Nɛfɩtali dɔwlʋ: Azirɩɛl bidɛb Yerimɔtɩ.

²⁰- Efarayim dɔwlʋ: Azazɩa bidɛb Hosea. - Manase dɔwlʋ põ-zɛ̃-taa: Pedayahu bidɛb Yowɛl.

²¹- Manase dɔwlʋ põ-zɛ̃-taa na be a Galaadɩ a: Zekarɩahu bidɛb Ido. - Bɛ̃zamɛ dɔwlʋ: Avɩnɛɛr bidɛb Yaasɩɛl.

²²- Dan dɔwlʋ: Yeroham bidɛb Azarɛl. A Ɩsɩrayɛl dɔwlʋ nɩ-bɛrɛ tɩ n'ɩ a bɛ ŋa.

²³A Daviir bɛ tɩ ƴãw bɛ sɔ́r a yome lɩzɛr pɔlbili nɩ a bɛl na bɛ ta a yome lɩzɛr a ɩ, bʋ̃ʋ n'ʋ vɛ̃, a Sore tɩ yel'a k'ʋʋ na ɩ na a Ɩsɩrayɛl nɩbɛ yãwmɛ mɛ̃ a saa ŋmar-bie a.

²⁴Zowab a mã na tɩ dɩ kɛ́ Seruya a tɩ tĩ nɩ a nɩbɛ sɔ́rʋ, ɛcɛ ʋ bɛ tʋ̃ɔ́ sɔ́r baarɩ ɛ, bʋ̃ʋ n'ʋ vɛ̃, a Sore suur tɩ ìr'ɩ a Ɩsɩrayɛl ƴãw a sɔ́rʋ ŋa zũú. Alɛ n'a so a nɩbɛ za na ɓã taa a nʋɔr bɛ sɛb ƴãw a nãà Daviir ɩ-ɩrɩ sɛbɛ pʋɔ ɩ.

²⁵Adɩɛl bidɛb Azɩmawɛtɩ n'ʋ tɩ so a nãà na-bome kaafʋ. Uziyahu bidɛb Yehonatan tɩ so a bʋ̃-dɩrɩ kaafʋ: a al bɛ na ír bin kõkowrí a nɩdaar ƴãw a be a kura pʋɔ, a tẽ-bɛrɛ pʋɔ, a tẽli pʋɔ nɩ a sojarɩ yir-kpɛn pʋɔ a.

²⁶Keluvʋ bidɛb Eziri n'ʋ tɩ kaarɛ a kɔb tõ-tõ-biir na tone a tẽw pʋɔ a zie.

²⁷Arama tẽw Simeyi n'ʋ tɩ kaarɛ a divɛ̃ tɩɩr póru zie. Sefam tẽw Zavidi n'ʋ tɩ kaarɛ a divɛ̃ na yire a póru á ŋá pʋɔ ɛ́ bɛ mɩ́ maal bin a zie.

²⁸Bɛtɩ-Gedɛɛr tẽw Baal-Hanan n'ʋ tɩ kaarɛ a olivʋ tɩɩr póru zie nɩ a sɩkomɔɔr[17] tɩɩr zie a Ba-Peyi. Yowasɩ n'ʋ tɩ kaarɛ a kãá al bɛ na maal bin a zie.

²⁹A nĩi al na 'wɔbr a mʋ̃ɔ a Saron tẽw dʋn mʋ̃ɔ 'wɔbrʋ zie a, Saron tẽw Sitɩraɩ n'ʋ tɩ kaarɛ a zie. Ɛ́ a nĩi al na tɩ 'wɔbr a mʋ̃ɔ a fʋɔl-yoru pʋɔ a, Adɩlaɩ bidɛb Safatɩ n'ʋ tɩ kaarɛ a zie.

³⁰Ɩsɩmayɛl bʋʋrɛ nɩr Ovil n'ʋ tɩ kaarɛ a nyɔ̃wmɩ zie. Ɛ́ Meronɔtɩ tẽw Yedeyahu kaarɛ a bòn-nyamɛ zie.

³¹Hagiritɩ bʋʋrɛ nɩr Yazizɩ n'ʋ tɩ kaarɛ a píir nɩ a bʋʋr zie. A nãà Daviir bʋ̃-tɛrɩ kaarbɛ yée na tu taa a n'ɩ à á ŋá.

³²A Daviir sãà yɛb Yehonatan tɩ ɩ n a ʋ yã-wule, ʋ tɩ tɛr'ɩ yã ɛ́ ɩ sɛ-sɛbrɛ. Hakimoni bidɛb Yehɩɛl tɩ so a nãà bibiir wulu.

³³Ahitofɛl mɩ̀ tɩ ɩ n a nãà yã-wule. Arkitɩ bʋʋrɛ nɩr Husaɩ tɩ ɩ n a nãà bá.

³⁴Benayahu bidɛb Yehoyada nɩ Abɩataar nɛbɛ tɩ lɩɛrɩ a Ahitofɛl. Zowab tɩ n'ɩ a zɛbr-nɩbɛ nɩ-kpɛ̃ɛ.