Read Dagara, Northern 1 Bibie za yel-manɩ 5 Bible Online

1 Bibie za yel-manɩ 5 - Dagara, Northern bible

1 Bibie za yel-manɩ 5

¹A Urubɛn tɩ n'ɩ a Zakɔb bidɛb-dãw. Ɛcɛ ʋ na wa gã nɩ a ʋ sãà pɔw kãw a, bɛ faa nɩ a ʋ kpɛ̃ɛnʋ kʋ̀ a Zuzɛb mɩ̀ na ɩ a Zakɔb bidɛb kãw a. À ŋá n'a a Urubɛn bɛ tɩ cãà ɩ a kpɛ̃ɛ ɩ. A Zuda ʋl a, a ʋ yɛbr pʋɔ a, ʋlɛ n'ʋ tɩ kpɛmɛ gãw bɛ za, ɛ́ a ʋ bʋ̃-dɔwra kãw n'ʋ wa lɩɛbɩ a Ɩsɩrayɛl nãà. Ɛcɛ Zuzɛb'ʋ bɛ tɩ de a kpɛ̃ɛnʋ kʋ̀. A Zakɔb bidɛb-dãw Urubɛn bidɛbr: Hanɔkɩ, Palu, Hɛsɩron nɩ Karmi.

⁴Yowɛl yir dɛbr: a Yowɛl bidɛb Semaya, Semaya bidɛb Gɔgɩ, Gɔgɩ bidɛb Simeyi,

⁵Simeyi bidɛb Mɩka, Mɩka bidɛb Ereaya, Ereaya bidɛb Baal,

⁶Baal bidɛb Beera. Ʋ tɩ ɩ n a Urubɛn dɔwlʋ nɩ-kpɛ̃ɛ a Asiiri tẽw nãà Tilgatɩ-Pilnesɛɛr na nyɔw cen nɩ a Babɩlɔn a.

⁷A Beera yɛbr dɔwlʋ bɩɩ yie nɩ-bɛrɛ, mɛ̃ a lɛ bɛ na sɛb tu taa tu n a dɔwfʋ a: a dãw-niwn sob Yeyɩɛl, a pùorí, Zekarɩahu,

⁸pãa de nɩ Azazɩ bidɛb Bɛla na ɩ Sema yãw ɛ́ ɩ a Yowɛl yãw-suwle a. A Urubɛn bʋʋrɛ tɩ kpɩɛr'ɩ a vuo ʋl na be ten á ŋá cara pʋɔ a: Arowɛɛr na be a saa-pɛrɩ́-dʋrʋ-lowr a, Nebo tãw nɩ Baal-Mewon tẽw na be a saa-pɛrɩ́-gʋba-lowr a.

⁹A saa-pɛrɩ́ a, bɛ tɩ zɩ̃ na tɩ tɔ a wɛja-kpalɛ na bʋ́r a bɛ tẽw nɩ a Efaratɩ man a, bʋ̃ʋ n'ʋ vɛ̃, bɛ tɩ tɛr'ɩ dʋn yaga a Galaadɩ tẽw.

¹⁰A Sawul daar a, bɛ tɩ zɛb'ɩ nɩ a Hagiritɩ mɩnɛ tʋ̃ɔ́ bɛ. Al pùorí bɛ zɩ̃ a Galaadɩ tẽw saa-pɛrɩ́ voru za pʋɔ.

¹¹A Gadɩ bʋʋrɛ tɩ kpɩɛr'ɩ a Urubɛn nɩbɛ tẽw saa-pɛrɩ́-dʋrʋ-lowr a Basan tã-sɛr zu ɛ́ tɩ tɔ a Salka na be a saa-pɛrɩ́ a.

¹²Dɔwlʋ á ŋá n'a tɩ be a be: Yowɛl dɔwlʋ na ɩ a kpɛ̃ɛ za a, Safam dɔwlʋ tu, pãa de nɩ Yaenaɩ nɩ Safatɩ dɔwlʋ.

¹³Dɔwlʋ ayopõi mɩ̀ tɩ be n be: Mɩkayɛl, Mesulam, Seva, Yoraɩ, Yaekan, Zia nɩ Ebɛɛr dɔwlʋ.

¹⁴Avihayil bidɛbr nɛbɛ tĩ a dɔwlʋ á ŋá. A Huuri bidɛb Avihayil sãàkʋm-kore n'ɩ bɛ ŋa: Huuri, Yaroa, Galaadɩ, Mɩkayɛl, Yesisaɩ, Yado nɩ Buuzɩ.

¹⁵Avɩdɩɛl bidɛb Ahi, na ɩ Guni yãw a, tɩ n'ɩ a dɔwlʋ á ŋá nɩ-kpɛ̃ɛ.

¹⁶A Gadɩ bʋʋrɛ tɩ kpɩɛr'ɩ a Galaadɩ nɩ a Basan ten nɩ a voru al a ten á ŋá na so a, tɩ lãwnɩ a Saron tẽw dʋn mʋ̃ɔ 'wɔbrʋ ziir tɩ tɔ a tʋr-bɔwrɩ.

¹⁷A Zuda naalʋ-tẽw nãà Yotam, nɩ a Ɩsɩrayɛl naalʋ-tẽw nãà Zerobowam daar'a bɛ tɩ sɛb a dɔwlʋ nɩbɛ yée ƴãw a yée sɛbɛ pʋɔ.

¹⁸A Urubɛn dɔwlʋ nɩ a Gadɩ dɔwlʋ nɩ a Manase dɔwlʋ põ-zɛ̃-taa na tʋ̃ɔ́ na nyɛ̃ soja-gãdaar tùr-lɩz'a ayi nɩ anaar dɔwlɩ kɔbr ayopõi lɩz'a ata (44 760). Bɛ tɩ bãw nɩ a zɛbr-kur-pãgala, a zɛbr-sɔ-kpɛ̃ɛ nɩ a tam yele, ɛ́ cɔbrɩ a zɛbr cenu.

¹⁹Bɛ tɩ zɛb'ɩ nɩ a Hagiritɩ mɩnɛ nɩ a Yetuur, a Nafisɩ nɩ a Nodavʋ bʋʋrɛ.

²⁰A zɛbr daar, bɛ tɩ puor'a zɛlɩ a Naaŋmɩn k'ʋʋ sõw bɛ. Bɛ na tɩ ƴãw a bɛ tɩɛrʋ za a Naaŋmɩn ƴãw a, ʋ tɩ sàw na de a bɛ puoru ɛ́ sõw bɛ. Lɛ n'a bɛ tɩ zɛb tʋ̃ɔ́ a Hagiritɩ mɩnɛ nɩ a bɛ nɩbɛ.

²¹Bɛ tɩ fa n a bɛ dʋn: nyɔ̃wmɩ tùr-lɩz'a ayi nɩ pie (50 000), píir nɩ bʋʋr tùr-kɔbr ayi dɔwlɩ tùr-lɩz'a ayi nɩ pie (250 000), bòn túr-ayi (2 000), ɛ́ nyɔw gaso-nɩbɛ tùr-kʋba (100 000).

²²Bɛ mɩ̀ tɩ kʋ n nɩbɛ yaga yaga, Naaŋmɩn na n'ʋ tɩ so a zɛbr a ƴãw. Bɛ tɩ faa nɩ a bɛ tẽw kpɩɛr, tɩ ta n a Babɩlɔn tẽw diw-cenu daar.

²³A Manase dɔwlʋ põ-zɛ̃-taa nɩbɛ tɩ wa na wa kpɩɛr a vuo ʋl na yi a Basan na be a saa-pɛrɩ́-dʋrʋ-lowr, ɛ́ cen tɩ tɔ a Báàl-Hɛrmɔ̃, a Seniir nɩ a Hɛrmɔ̃ tãw na be a saa-pɛrɩ́-gʋba-lowr a. Bɛ tɩ yãwmɛ na bɛ dɩ vuo ɩ.

²⁴A bɛ yie nɩ-bɛrɛ n'ɩ bɛ ŋa: Efɛɛr, Yiseyi, Elɩɛl, Azirɩɛl. Yirmeya, Hodawiya nɩ Yadɩɛl. Nɩ-yée nɩ nɩ-tɩbr tɩbr tɩ n'ɩ bɛ za.

²⁵A Urubɛn nɩ a Gadɩ dɔwlʋ nɩbɛ nɩ a Manase dɔwlʋ põ-zɛ̃-taa nɩbɛ bɛ tɩ tu a bɛ sãàkʋm-kore Naaŋmɩn ɛ. Bɛ tɩ zawrɩ ʋ na bɛr ɛ́ puore a nɩ-bʋʋrɛ bɛl a Naaŋmɩn na tɩ kʋ pàw pɛr a bɛ tab daar a ŋmɩmɛ. Lɛ n'a a Ɩsɩrayɛl Naaŋmɩn tɩ ƴãw a Asiiri tẽw na-mɩnɛ Pul nɩ Tilgatɩ-Pilnesɛɛr tɩɛrʋ, bɛ wa diw a dɔwlʋ á ŋá nɩbɛ cen nɩ Hala, Habɔɔr nɩ Hara voru pʋɔ, nɩ Gozan man nʋɔr, bɛ cãà na kpɩɛr a be a dɩ̃a.

²⁷Levi bidɛbr: Gɛrson, Kehatɩ nɩ Merari.

²⁸Kehatɩ bidɛbr: Amɩram, Yisehaar, Ebrɔ̃ nɩ Uzɩɛl.

²⁹Amɩram bibiir: Aarɔ̃, Moyiir nɩ Miriyam. Aarɔ̃ bidɛbr: Nadavʋ, Avihu, Eleazaar nɩ Itamaar.

³⁰Eleazaar tɩ dɔw nɩ Pɩnasɩ, Pɩnasɩ dɔw Avisuwa,

³¹Avisuwa dɔw Buki, Buki dɔw Uzi,

³²Uzi dɔw Zeraya, Zeraya dɔw Merayɔtɩ,

³³Merayɔtɩ dɔw Amarɩa, Amarɩa dɔw Ahituvʋ,

³⁴Ahituvʋ dɔw Sadɔkɩ, Sadɔkɩ dɔw Ahimaasɩ,

³⁵Ahimaasɩ dɔw Azarɩa, Azarɩa dɔw Yohanan,

³⁶Yohanan dɔw Azarɩa. Ʋlɛ n'ʋ tɩ ɩ a bàwr-maalɛ a Ŋmɩn-yir-kpɛ̃ɛ a Salomɔ̃ na tɩ ŋmãa a Zerizalɛm a pʋɔ.

³⁷Azarɩa tɩ dɔw nɩ Amarɩa, Amarɩa dɔw Ahituvʋ,

³⁸Ahituvʋ dɔw Sadɔkɩ, Sadɔkɩ dɔw Salum,

³⁹Salum dɔw Hɩlkɩa, Hɩlkɩa dɔw Azarɩa,

⁴⁰Azarɩa dɔw Seraya ɛ́ Seraya dɔw Yehosadakɩ.

⁴¹A Nabikodonozɔɔr tɩ diw nɩ a Yehosadakɩ cen nɩ a lɛn daar a Sore na tɩ ír a Zerizalɛm tẽw dem nɩ a Zuda naalʋ-tẽw nɩbɛ cen nɩ a Babɩlɔn a.