Read Dagara, Northern 1 Bibie za yel-manɩ 9 Bible Online

1 Bibie za yel-manɩ 9 - Dagara, Northern bible

1 Bibie za yel-manɩ 9

¹Bɛ tɩ sɛb'ɩ a Ɩsɩrayɛl nɩbɛ za, yie yie, ƴãw a Ɩsɩrayɛl na-mɩnɛ sɛbɛ pʋɔ. Bɛ tɩ diw nɩ a Zuda naalʋ-tẽw nɩbɛ cen nɩ Babɩlɔn, bɛ na bɛ tɩ tu a Naaŋmɩn a ƴãw.

²A bɛlɩ dem na tɩ de niwn lɛb wa a bɛ tẽw pʋɔ, kɛ́ bɛ wa lɛb de a bɛ bʋ̃-tɛrɩ a, bɛ tɩ ɩ n a Ɩsɩrayɛl nɩ-zawlɛ, al pùorí a bàwr-maalbɛ, a levitɩ mɩnɛ nɩ a Ŋmɩn-yir-kpɛ̃ɛ tõ-tõ-biir.

³Zuda, Bɛ̃zamɛ, Efarayim nɩ Manase dɔwlʋ nɩbɛ bɛ mɩnɛ nɛbɛ tɩ wa kpɩɛr a Zerizalɛm.

⁴A Zuda dɔwlʋ pʋɔ a, Utaɩ tɩ be n be, ʋ tɩ ɩ n Amihudɩ bidɛb, a Amihudɩ ɩ Omiri bidɛb, ɛ́ ɩ Imɩri yãw, ɛ́ ɩ Bani na ɩ Perɛsɩ dɔwlʋ nɩr a yãw-suwle.

⁵A Sela dɔwlʋ pʋɔ a, Asaya na ɩ a bi-dãw a tɩ be n be nɩ a ʋ bidɛbr.

⁶A Zera dɔwlʋ pʋɔ a, Yewuɛl tɩ be n be. A Zuda dɔwlʋ nɩbɛ na tɩ zɩ̃ a Zerizalɛm a tɩ ɩ n nɩbɛ kɔbr ayʋɔb lɩz'a anaar nɩ pie (690).

⁷A Bɛ̃zamɛ dɔwlʋ pʋɔ a, Mesulam bidɛb Salu tɩ be n be, ʋ tɩ ɩ n Hodawiya yãw ɛ́ ɩ Ha-Senua yãw-suwle.

⁸Yeroham bidɛb Yivneya, Uzi bidɛb Ela, na ɩ Mikiri yãw a, Sefatɩa bidɛb Mesulam na ɩ Erewuyɛl yãw, ɛ́ ɩ Yivniya yãw-suwle a.

⁹A nɩbɛ bɛ ŋa za tɩ ɩ n a bɛ yie pʋɔ nɩ-bɛrɛ. A Bɛ̃zamɛ dɔwlʋ nɩbɛ na tɩ zɩ̃ a Zerizalɛm a tɩ ɩ n nɩbɛ túr vʋ̃ɔ kʋba lɩz'a ayi nɩ pie nɩ ayʋɔb (956).

¹⁰A bàwr-maalbɛ pʋɔ a, nɩbɛ bɛ ŋa nɛbɛ tɩ be be: Yedaya, Yehoyarivʋ, Yakin,

¹¹nɩ Azarɩa. A bɛ sãàkʋm-kore tɩ n'ɩ Mesulam bidɛb Hɩlkɩa, Sadɔkɩ bidɛb Mesulam, Merayɔtɩ bidɛb Sadɔkɩ, Ahituvʋ bidɛb Merayɔtɩ, ɛ́ a Ahituvʋ tɩ n'ɩ a Ŋmɩn-yir-kpɛ̃ɛ kaafʋ nɩ-kpɛ̃ɛ.

¹²Adaya mɩ̀ tɩ be n be, a ʋ sãàkʋm-kore tɩ n'ɩ bɛ ŋa: Yeroham, Pasehuur nɩ Malkɩa. Masaɩ mɩ̀ tɩ pʋɔ na, a ʋ sãàkʋm-kore tɩ n'ɩ Adɩɛl, Yazera, Mesulam, Mesilemitɩ nɩ Ɩmɛɛr.

¹³A yie nɩ-bɛrɛ bɛ ŋa, de nɩ a bàwr-maalbɛ na cɛ a, tɩ ɩ n nɩbɛ túr dɔwlɩ kɔbr ayopõi lɩz'a ata (1 760), dɛb-gãdaar na so a Ŋmɩn-yir-kpɛ̃ɛ tome a.

¹⁴A levitɩ mɩnɛ pʋɔ a, Semaya tɩ be n be, a ʋ sãàkʋm-kore tɩ n'ɩ bɛ ŋa: Azirikam bidɛb Hasuvʋ, Hasavɩa bidɛb Azirikam, ɛ́ a Hasavɩa ɩ Merari dɔwlʋ nɩr.

¹⁵Bakibakaar, Hɛrɛsɩ, Galal nɩ Matanɩa mɩ̀ tɩ be n be, ɛ́ a Matanɩa sãàkʋm-kore tɩ n'ɩ Mɩka, Zikiri nɩ Asafʋ.

¹⁶Ovadɩa mɩ̀ tɩ cãà na be be, a ʋ sãàkʋm-kore tɩ n'ɩ Semaya, Galal nɩ Yedutun, pãa de nɩ Asa bidɛb Berekɩa na ɩ Ɛlkana yãw a, a Ɛlkana tɩ kpɩɛr'ɩ a vuo ʋl a Netofa tẽ-kpɛ̃ɛ na so a.

¹⁷A dɩ̃dɔ-gùrbɛ pʋɔ a, Salum na ɩ a nɩ-kpɛ̃ɛ a n'ʋ tɩ be be, de nɩ a ʋ yɛbr Akuvʋ, Talmon, Ahiman.

¹⁸Nɩ dɩ̃a a, a bɛ bʋʋrɛ nɛbɛ cãà tone a nãà dɩ̃dɔrɩ́, a saa-pɛrɩ́. A bɛ sãàkʋm-kore tɩ dãw na ɩ a levitɩ mɩnɛ laɩ dɩ̃dɔ-gùrbɛ.

¹⁹Koore bidɛb Salum na ɩ Avɩasafʋ yãw, ɛ́ ɩ Koore yãw-suwle a, nɩ a Koore yir nɩbɛ ŋmãa na cɛ a, bɛlɛ nɛbɛ tɩ so a tuor-taa pɛn-sɛw dɩ̃dɔr gùb, mɛ̃ a lɛ a bɛ sãàkʋm-kore na tɩ so a Sore nɩbɛ laɩ dɩ̃dɔr gùb a.

²⁰Eleazaar bidɛb Pɩnasɩ tɩ dãw n'ɩ a bɛ nɩ-kpɛ̃ɛ, bʋ̃ʋ n'ʋ vɛ̃, a Sore tɩ be n a ʋ zie.

²¹Meselemɩa bidɛb Zekarɩa mɩ̀ tɩ ɩ n a tuor-taa pɛn-sɛw dɩ̃dɔ-gùre kãw.

²²A bɛl za bɛ na tɩ kaa ír bɛ ɩ a dɩ̃dɔ-gùrbɛ a tɩ ɩ n nɩbɛ kɔbr ayi dɔwlɩ pie nɩ ayi (212). A bɛ tẽ-yiri pʋɔ n'a bɛ tɩ sɔ́r bɛ. A Daviir nɩ a naaŋmɩn-ƴɛ̀r-manɛ Samɩɛl nɛbɛ tɩ zɩɩlɩ bɛ a bɛ tõ-nʋɔr ŋa na be kʋralɛ a pʋɔ.

²³Lɛ n'a, a bɛ na tɩ dɔwr lɩɛrɛ taa a, bɛ tɩ so a Sore zi-sõw nɩ a ʋ dɩ̃dɛɛ gùb tõ-nɛ́ɛ.

²⁴Dɩ̃dɔ-gùrbɛ tɩ be n a dɩ̃dɛɛ a za anaar ƴãw: a saa-pɛrɩ́, a mʋ̃tɔ̃w-kpɛb-lowr, a saa-pɛrɩ́-gʋba-lowr nɩ a saa-pɛrɩ́-dʋrʋ-lowr.

²⁵Dɩ̃dɔ-gùrbɛ bɛ mɩnɛ na tɩ kpɩɛr a bɛ ten pʋɔ a, mɩ́ tɩ waar'ɩ a bɛ zie cãcã, wa lãwnɩ bɛ a dɩ̃dɛɛ gùb tome pʋɔ maalɩ bibie ayopõi.

²⁶Ɛcɛ a dɩ̃dɔ-gùrbɛ nɩ-bɛrɛ anaar bɛl a, bɛ tɩ be n be kʋralɛ. Levitɩ mɩnɛ tɩ nɛbɛ, bɛlɛ nɛbɛ tɩ kaarɛ a Ŋmɩn-yir-kpɛ̃ɛ diru nɩ a na-bome zie.

²⁷A tɩ̃ɩsɔw a, bɛ mɩ́ tɩ gã na pɩɛlɩ a Ŋmɩn-yir-kpɛ̃ɛ, bʋ̃ʋ n'ʋ vɛ̃, bɛlɛ nɛbɛ tɩ so a ʋ gùb, ɛ́ bɛlɛ nɛbɛ mɩ́ tɩ yuo ʋ biɓaara za.

²⁸Dɩ̃dɔ-gùrbɛ bɛ mɩnɛ tɩ so a puoru bome sɔ́rʋ, bɛlɛ wa dier yire nɩ bɩɩ bɛlɛ wa lɛb waar'ɩ a.

²⁹Bɛ mɩnɛ tɩ so a labɛ kaafʋ, baa zuo a za a la-son, a zɔ̃, a divɛ̃, a kãá, a tɩ-suur-zɔ̃-na-nyùur-vla-vla-a nɩ a parfɛ̃.

³⁰Ɛcɛ bàwr-maalbɛ nɛbɛ tɩ so a parfɛ̃ nyaw-taa cɔbrʋ.

³¹Levitɩ kãw na dɩ Matitɩa, ɛ́ ɩ Koore dɔwlʋ nɩr Salum bidɛb-dãw a, ʋlɛ n'ʋ tɩ so a sɛ̃sɛ̃ bɛ na mɩ́ de kʋ̀ a Sore a maalʋ kʋralɛ.

³²A Kehatɩ dɔwlʋ levitɩ bɛ mɩnɛ kãw tɩ so a dipɛ̃ maalʋ, a dipɛ̃ al bɛ na mɩ́ de kʋ̀ a Naaŋmɩn pɩ̃ɛnʋ-bibir za a.

³³A levitɩ mɩnɛ yie nɩ-bɛrɛ na tɩ so a yielu a tɩ kpɩɛr'ɩ a bɛl mɩŋa diru pʋɔ. Bɛ bɛ tɩ lɛb tɛr ton kãw za ƴãw pʋɔ ɩ, bʋ̃ʋ n'ʋ vɛ̃, bɛ tɩ tone nɩ a bɛ tome mʋ̃tɔ̃w nɩ tɩ̃ɩsɔw za.

³⁴A levitɩ mɩnɛ yie nɩ-bɛrɛ tɩ n'ɩ a bɛ ŋa, mɛ̃ a lɛ bɛ na dɔw lɩɛrɩ taa a. Bɛ tɩ kpɩɛr'ɩ a Zerizalɛm.

³⁵A Gabaɔ̃ tẽ-mɩɛrɛ Yeyɩɛl tɩ kpɩɛr'ɩ a Gabaɔ̃ tẽw nɩ a ʋ pɔw Maaka,

³⁶nɩ a ʋ bidɛb-dãw Avidon, nɩ a ʋ bidɛbr bɛl na cɛ a, Suur, Kisɩ, Baal, Nadavʋ,

³⁷Gedɔɔr, Ahio, Zekarɩa nɩ Mɩkɩlɔtɩ.

³⁸Mɩkɩlɔtɩ tɩ dɔw nɩ Simeyam. A nɩbɛ bɛ ŋa bɛ tɩ ɩ mɛ̃ a bɛ yir dem a ɩ, bɛ tɩ lãw nɩ nɩ a bɛ dɔwlʋ nɩbɛ ŋmãa kpɩɛr a Zerizalɛm.

³⁹Nɛɛr tɩ dɔw nɩ Kisɩ, Kisɩ dɔw Sawul, Sawul dɔw Zonatã, Malki-Suwa, Abinadab nɩ Ɛsɩbaal.

⁴⁰A Zonatã bidɛb tɩ n'ɩ Meribaal. Meribaal tɩ dɔw nɩ Mɩka.

⁴¹A Mɩka bidɛbr tɩ n'ɩ Piton, Melɛkɩ, Tareya.

⁴²Ahazɩ tɩ dɔw nɩ Yayera, Yayera dɔw Alɛmɛtɩ, Azɩmawɛtɩ nɩ Zimiri, Zimiri dɔw Mosa,

⁴³Mosa dɔw Bineya, Bineya dɔw Erefaya, Erefaya dɔw Eleasa, Eleasa dɔw Asɛl.

⁴⁴Asɛl tɩ dɔw nɩ bidɛbr ayʋɔb, a bɛ yée n'ɩ á ŋá: Azirikam, Bokuru, Yisɩmayɛl, Searɩa, Ovadɩa nɩ Hanan.