Read Dagara, Northern 2 Bibie za yel-manɩ 8 Bible Online

2 Bibie za yel-manɩ 8 - Dagara, Northern bible

2 Bibie za yel-manɩ 8

¹A na wa maalɩ yome lɩzɛr a, a Salomɔ̃ tɩ ŋmãa nɩ a Sore Ŋmɩn-yir-kpɛ̃ɛ nɩ a ʋl mɩŋa nãà yir baarɩ.

²Ʋ tɩ lɛb'a mɛ a tẽ-bɛrɛ a Tɩ́ɩ̀r tẽw nãà, Hiram, na tɩ kʋ̀ ʋ a, ɛ́ ƴãw a Ɩsɩrayɛl nɩbɛ kpɩɛr a pʋɔ.

³Al pùorí, a Salomɔ̃ tɩ zɛb'ɩ nɩ a Hamatɩ-Sova tẽw, zɛb de ʋ.

⁴Ʋ tɩ lɛb'a mɛ a Tadɩmɔɔr[11] tẽw a wɛja-kpalɛ pʋɔ, nɩ a tẽ-bɛrɛ al za ʋ na tɩ mɛ a Hamatɩ vuo pʋɔ, kɛ́ bɛ mɩ́ maal bin a ʋ bʋ̃-dɩrɩ a pʋɔ a.

⁵Ʋ mɩ̀ tɩ lɛb'a mɛ a Bɛtɩ-Horon-le-Ho[12] nɩ a Bɛtɩ-Horon-le-Ba tẽ-kpɛn kpɛn, dacine na mɛ viiri koli a, ɛ́ ƴãw pamɛ na tɛr kparɩ a.

⁶Ʋ mɩ̀ tɩ lɛb'a mɛ Baalatɩ[13] nɩ a tẽ-bɛrɛ al za pʋɔ ʋ na mɩ́ tɩ ƴãw bɛ maal bin a ʋ bʋ̃-dɩrɩ a, a al pʋɔ ʋ na mɩ́ tɩ ƴãw a ʋ zɛbr-torkori a, nɩ a al pʋɔ ʋ na mɩ́ tɩ ƴãw a ʋ wie a. Ʋ tɩ mɛ n alɩ bome nɛ za ʋ na bɔbr a, a Zerizalɛm tẽ-kpɛ̃ɛ tɔr za pʋɔ, a Libã tãw zu nɩ a tẽw za pʋɔ ʋ na dɩrɛ a naalʋ a.

⁷Nɩbɛ na bɛ ɩ a Ɩsɩrayɛl bʋʋrɛ a tɩ cãà na kpɩɛr a tẽw: Hititɩ mɩnɛ, Amoritɩ mɩnɛ mɩnɛ, Perizitɩ mɩnɛ, Hivitɩ mɩnɛ nɩ Zebi tẽw dem.

⁸Bɛ tɩ cãà nɩ a be, a Ɩsɩrayɛl nɩbɛ na bɛ tɩ tʋ̃ɔ́ kʋ bɛ pàw pɛr a ƴãw. Bɛlɛ nɛbɛ a Salomɔ̃ tɩ ír ƴãw a pɔ̃tɔrɩ tome pʋɔ, bɛ cãà be nɩ dɩ̃a.

⁹A Salomɔ̃ bɛ tɩ ír Ɩsɩrayɛl nɩr kãw za ƴãw a pɔ̃tɔrɩ tome pʋɔ ɩ: bɛ nɩ̃ɛ na tɩ ɩ zɛbr-nɩbɛ, a ʋ tõ-tonbɛ, a ʋ zɛbr-nɩbɛ nɩ-bɛrɛ, a ʋ wie kaarbɛ, a ʋ zɛbr-torkori nɩ-bɛrɛ nɩ a ʋ wi-zɔmnbɛ nɩ-bɛrɛ.

¹⁰A na-kpɛ̃ɛ-lɩɛrbɛ tɩ kaa na ír tõ-tõ-nɩ-bɛrɛ kɔbr ayi dɔwlɩ lɩz'a ayi nɩ pie (250) kɛ́ bɛ jɩ́rɛ a Salomɔ̃ tome a zu-sɛbla na tone a.

¹¹A Salomɔ̃ tɩ ƴãw nɩ a ʋ pɔw, a Faarawɔ̃ pɔwyaa, ʋ yi a Daviir Tẽ-kpɛ̃ɛ́, cen a yir ʋl pʋɔ ʋ na tɩ ŋmãa kʋ̀ ʋ a. Bʋ̃ʋ n'ʋ vɛ̃, a nãà tɩ yel'a: «A ɩ̃ pɔw bɛ tɛr sɔ́r na kpɩɛr a Ɩsɩrayɛl nãà Daviir yir pʋɔ ɩ, bʋ̃ʋ n'ʋ vɛ̃, a ziir al a Sore wõ-taa daga na kpɛ a ɩ n zi-son.»

¹²A lɛ n'a a Salomɔ̃ tɩ maalɩ nyɩw-a-za-bagɛ kʋ̀ a Sore, a bàwr-maal-kuur ʋl ʋ na tɩ ƴãw bɛ mɛ a Ŋmɩn-yir-kpɛ̃ɛ dɩ̃dɔr nʋɔrɩ́ a zu.

¹³Mɛ̃ a lɛ a Moyiir na yel kɛ́ bɛ tuur bibir za a, ʋ mɩ́ tɩ maal'ɩ bagɛ a pɩ̃ɛnʋ-bibir, cuw-paalɛ daar, nɩ a cuw-bɛrɛ ata á ŋá daar: a dipɛ̃ na bɛ ƴãw dãbɩl a cuw, a bʋ̃-dieri cuw nɩ a Sɛwr cuw.

¹⁴Mɛ̃ a lɛ a ʋ sãà Daviir na tɩ yel a, a Salomɔ̃ tɩ zɩɩl'ɩ a bàwr-maalbɛ palɛ palɛ a bɛ tome pʋɔ, nɩ a levitɩ mɩnɛ na so a Sore danʋ yielu, bɩɩ be a bàwr-maalbɛ sõwfʋ ƴãw a. Ʋ mɩ̀ tɩ báa na zɩɩlɩ a dɩ̃dɔ-gùrbɛ na gùre a Ŋmɩn-yir-kpɛ̃ɛ dɩ̃dɛɛ a. À ŋá n'a a Naaŋmɩn nɩr Daviir tɩ yel k'aa ɩ.

¹⁵A lɛ na càarɩ a bàwr-maalbɛ nɩ a levitɩ mɩnɛ nɩ a na-bome tɛɛ za a, bɛ tɩ tu n a lɛ tɔr za a nãà Daviir na tɩ yel a, bɛ gãw been kãw za bɛr ɛ.

¹⁶À ŋá n'a a tome al za a Daviir na tɩ tɩɛrɩ k'ʋʋ tõ a tɩ tõ: a na tĩ a Ŋmɩn-yir-kpɛ̃ɛ pɛr sʋ̃ɔ́fʋ tome tɩ ta n a baarʋ daar tome a. A Ŋmɩn-yir-kpɛ̃ɛ tɩ vɩɛl'a bɛ cɛ ɩ.

¹⁷Lɛ n'a a Salomɔ̃ tɩ cen a Esion-Gevɛɛr nɩ Eilatɩ lowr, a Edɔm tẽw kʋ̃ɔ-kpɛ̃ɛ nʋɔr.

¹⁸A nãà Hiram tɩ ƴãw nɩ a ʋ tõ-tõ-biir cen nɩ gbor-bɛrɛ nɩ nɩbɛ na bãw a kʋ̃ɔ-kpɛ̃ɛ a tɩ kʋ̀ a Salomɔ̃. Bɛlɛ nɩ a Salomɔ̃ tõ-tõ-biir tɩ ta n a Ofɩɩr[14] tẽw, de salm-zɩɛ tɔn pie nɩ ata lɛb wa n wa kʋ̀ a nãà Salomɔ̃.