Read Dagara, Northern Neemi 10 Bible Online

Neemi 10 - Dagara, Northern bible

Neemi 10

¹A yele á ŋá za na tɩ ta tɩ a zũú, a tɩɩm Ɩsɩrayɛl nɩbɛ, tɩ tɩ yel'ɩ a lɛ tɩ na na ɩ tuotuo a, ɛ́ sɛb a ƴãw sɛbɛ pʋɔ. A tɩ nɩ-bɛrɛ, a tɩ levitɩ mɩnɛ nɩ a tɩ bàwr-maalbɛ tɩ nɛ̃ nɩ a nũu a sɛbɛ na tɛr a ŋmaarʋ-bʋ̃-ƴãwna a zu.

²A nɩbɛ na nɛ̃ a nũu a yée n'ɩ á ŋá: - A na-kpɛ̃ɛ-lɩɛrɛ Neemi, Hakalɩa bidɛb. - Sidikiya,

³Seraya, Azarɩa, Yirmeya,

⁴Pasehuur, Amarɩa, Malkɩa,

⁵Hatusɩ, Sevanɩa, Malukɩ,

⁶Harim, Meremɔtɩ, Ovadɩa,

⁷Danɩɛl, Gineton, Barukɩ,

⁸Mesulam, Aviya, Miyamin,

⁹Maazɩa, Bilɩgaɩ nɩ Semaya. Bɛ za tɩ ɩ n bàwr-maalbɛ. -

¹⁰Yesua na ɩ Azanɩa bidɛb a, Binuwi na ɩ Henadadɩ bʋʋrɛ a, Kadɩmɩɛl nɩ a bɛ yɛbr: Sevanɩa, Hodiya, Kelita, Pelaya, Hanan, Mɩka, Erehovʋ, Hasavɩa, Zakuur, Serevɩa, Sevanɩa, Hodiya, Bani nɩ Beninu. Bɛ za tɩ ɩ n levitɩ mɩnɛ. -

¹⁵Pareɔsɩ, Pahatɩ-Mowab, Elam, Zatu, Bani, Buni, Azɩgadɩ, Bevaɩ, Adonɩasɩ, Bigɩwaɩ, Adin, Atɛɛr, Hizikiya, Azuur, Hodiya, Hasum, Besaɩ, Harifʋ, Anatɔtɩ, Nevaɩ, Magipiasɩ, Mesulam, Heziir, Mesezaveɛl, Sadɔkɩ, Yadua, Pelatɩa, Hanan, Anaya, Hosea, Hananɩa, Hasuvʋ, Ha-Lohɛsɩ, Pileha, Sovɛkɩ, Erehum, Hasavɩna, Maaseya, Ahiya, Hanan, Anan, Malukɩ, Harim nɩ Baana. Bɛ za tɩ ɩ n nɩbɛ nɩ-bɛrɛ.

²⁹A Ɩsɩrayɛl nɩbɛ bɛl na cɛ a, a bàwr-maalbɛ, a levitɩ mɩnɛ, a dɩ̃dɔ-gùrbɛ, a yiel-yielbɛ, a Ŋmɩn-yir-kpɛ̃ɛ tõ-tõ-biir nɩ a tɩɩm za na ow yi a nɩbɛ na tɩ cãà kpɩɛr a tẽw a pʋɔ a diw-cenu daar a, a tɩɩm na tu a Naaŋmɩn wulu pùor a, de nɩ a tɩ pɔwbɛ nɩ a tɩ bidɛbr nɩ a tɩ pɔwyaar bɛl na na tʋ̃ɔ́ bãw bom pɛr a, tɩ tɩ lãw nɩ nɩ a nɩbɛ bɛ ŋa.

³⁰A tɩɩm nɩ a nɩ-yée bɛ ŋa tɩ pɔ na yel kɛ́ tɩ na sàwr'ɩ a wulu a Naaŋmɩn na ƴãw a ʋ tõ-tõ-bie Moyiir kʋ̀ tɩ a, kɛ́ tɩ na sàwr'ɩ a nɛ-ƴãwnɩ za, a tub nɩ a lɛ za a Sore tɩ Naaŋmɩn na yel a.

³¹Tɩ bɛ kʋ̀rɛ a tɩ pɔwyaar a nɩbɛ na tɩ kpɩɛr a tẽw pʋɔ a diw-cenu daar a bɛ kule ɩ. Tɩ mɩ̀ bɛ dier a bɛ pɔwyaar kʋ̀rɛ a tɩ bidɛbr bɛ kule ɩ.

³²A nɩbɛ bɛ ŋa wa wa n ble bɩɩ yɛ̀rʋ́ bom za a pɩ̃ɛnʋ-bibir bɩɩ cuwr bibie a, tɩ bɛ dàar bom za ɩ, ɛ́ a yome ayopõi sob a, tɩ na mɩ́ bɛr'ɩ a tẽsɔw ʋ pɩ̃ɛnɩ, ɛ́ tɩ lɛb bɛr a samɛ za[26].

³³Tɩ ŋmãa nɩ tub ŋa kʋ̀ tɩ tʋɔra, kɛ́ yũon za a, ŋa za mɩ́ tɩr gɩram[27] anaar salm-pla libir a tɩ Ŋmɩn-yir-kpɛ̃ɛ kaafʋ ƴãw:

³⁴a libir ŋa n'ʋ na mɩ́ sõw a dipɛ̃ bɛ na mɩ́ kʋ̀ a Naaŋmɩn a páwfʋ ƴãw, a nyɩw-a-za-bagɛ maalʋ ƴãw nɩ a bibi-vɩɛrɩ za kukur bome de-kʋ̀b ƴãw, a bagɛ bɛ na mɩ́ maalɩ a pɩ̃ɛnʋ-bibir, a cuw-paala bibir nɩ a cuwr a mɩnɛ bibir a. A bome a mɩnɛ bɛ na mɩ́ de kʋ̀ a Naaŋmɩn a, nɩ a bagɛ a Ɩsɩrayɛl nɩbɛ na mɩ́ maalɩ a bɛ yel-bebe suur páwfʋ ƴãw a. A libir ŋa na cãà na mɩ́ sõw a tɩ Naaŋmɩn yir maal-ƴãwfʋ tome za ƴãw.

³⁵A tɩɩm, bàwr-maalbɛ, levitɩ mɩnɛ, nɩ a Ɩsɩrayɛl nɩbɛ na cɛ a, tɩ mɩ̀ tɩ ŋmɛ n a gbãw bãw a lɛn daar yir ŋa za na na mɩ́ wa n a dàar de-kʋ̀b[28] a tɩ Naaŋmɩn yir ƴãw a. Bʋ̃ʋ n'ʋ vɛ̃, a tɛm nɛ bɛ na ƴãw a, tɩ na mɩ́ wa n nɩ a dàar a bàwr-maal-bome nyɩwfʋ ƴãw a tɩ Naaŋmɩn bàwr-maal-kuur zu, mɛ̃ a lɛ a wulu na yel a.

³⁶Yũon za mɩ̀ a, tɩ na mɩ́ wa n nɩ a tɩ tẽsɔw bʋ̃-dan nɩ a tɩ tɩ-wɔ̃-dan a tɩ Naaŋmɩn yir.

³⁷Tɩ na mɩ́ de nɩ a tɩ bi-dãw-dɔwrɩ nɩ a tɩ dʋn bil-dãw-dɔwrɩ tɩr a be, mɛ̃ a lɛ a wulu na yel a. Tɩ na mɩ́ wa n nɩ a tɩ nĩi, a tɩ píir nɩ a tɩ bʋʋr bil-dãw-dɔwrɩ a tɩ Ŋmɩn-yir-kpɛ̃ɛ́ wa de a kʋ̀ a bàwr-maalbɛ na so a tome a Ŋmɩn-yir-kpɛ̃ɛ pʋɔ a.

³⁸Tɩ mɩ̀ na mɩ́ wa n nɩ a tɩ zɔ̃-vla zie a mɩnɛ, a tɩ tɩ-wɔmɛ, a divɛ̃-paala nɩ a kãá de-kʋ̀b wa kʋ̀ bɛ, ɛ́ tɩ na mɩ́ bin a nɩ a Ŋmɩn-yir-kpɛ̃ɛ diru pʋɔ. Tɩ na mɩ́ kʋ̀ n a levitɩ mɩnɛ a tɩ bʋ̃-kʋ́ɔrɩ ziir pie sob. Bɛl mɩŋa na mɩ́ cen nɩ a ziir al tɩ na tone a tɩ de a bome á ŋá ziir piir sob.

³⁹Bàwr-maalɛ kãw, na ɩ Aarɔ̃ bʋʋrɛ a, na mɩ́ bɩɛlɩ a levitɩ mɩnɛ a lɛn daar bɛ na dier a bome ziir pie sob a. A levitɩ mɩnɛ na mɩ́ ír'ɩ a bome ziir pie sob ziir pie sob wa bin a libie yir diru pʋɔ.

⁴⁰A Ɩsɩrayɛl nɩbɛ nɩ a levitɩ mɩnɛ na mɩ́ wa n nɩ a bɛ zɔ̃, a divɛ̃-paala nɩ a bɛ kãá de-kʋ̀b a Ŋmɩn-yir-kpɛ̃ɛ diru á ŋá pʋɔ, a be a zi-sõw bome na mɩ́ be a, nɩ a be a bàwr-maalbɛ na so a tome a, a dɩ̃dɔ-gùrbɛ nɩ a yiel-yielbɛ na mɩ́ be a. À à ŋá n'a tɩ kʋ̃ mɩ́ bɛr a tɩ Naaŋmɩn yir ʋ gã ɩ.