Read Dagara, Northern Neemi 12 Bible Online

Neemi 12 - Dagara, Northern bible

Neemi 12

¹A bàwr-maalbɛ nɩ a levitɩ mɩnɛ na yi a diw-cenu zie lɛb wa nɩ Salatɩɛl bidɛb Zorobabɛl nɩ Zozue a, a bɛ yée na sɛb tu taa a n'ɩ á ŋá: Seraya, Yirmeya, Ɛzɩra,

²Amarɩa, Malukɩ, Hatusɩ,

³Sekanɩa, Erehum, Meremɔtɩ,

⁴Ido, Ginetɔɩ, Aviya,

⁵Miyamin, Maadɩa, Bilga,

⁶Semaya, Yoyarivʋ, Yedaya,

⁷Salu, Amɔkɩ, Hɩlkɩa nɩ Yedaya. A Zozue daar a, a bɛ ŋa za tɩ ɩ n bàwr-maalbɛ nɩ levitɩ mɩnɛ yie nɩ-bɛrɛ.

⁸A levitɩ mɩnɛ pʋɔ a, Yesua, Binuwi, Kadɩmɩɛl, Serevɩa, Yehuda nɩ Matanɩa tɩ be n be. A Matanɩa nɩ a ʋ yir dem nɛbɛ mɩ́ tɩ cɛ̀ a danʋ yielu,

⁹a levitɩ Bakɩbukɩa nɩ Uni na àr tori bɛ a tome ƴãw a sɔw.

¹⁰Zozue tɩ dɔw nɩ Yoyakim, Yoyakim dɔw Ɛlyasivʋ, Ɛlyasivʋ dɔw Yehoyada,

¹¹Yehoyada dɔw Yonatan, ɛ́ Yonatan dɔw Yadua.

¹²A lɛn daar a Yoyakim na tɩ ɩ a bàwr-maal-kara a, a bàwr-maalbɛ yie nɩ-bɛrɛ tɩ n'ɩ bɛ ŋa: Meraya tɩ n'ɩ Seraya yir nɩ-kpɛ̃ɛ, Hananɩa ɩ Yirmeya yir nɩ-kpɛ̃ɛ,

¹³Mesulam ɩ Ɛzɩra yir nɩ-kpɛ̃ɛ, Yehohanan ɩ Amarɩa yir nɩ-kpɛ̃ɛ,

¹⁴Yonatan ɩ Meliku yir nɩ-kpɛ̃ɛ, Yosɛfʋ ɩ Sevanɩa yir nɩ-kpɛ̃ɛ,

¹⁵Adɩna ɩ Harim yir nɩ-kpɛ̃ɛ, Hɛlkaɩ ɩ Merayɔtɩ yir nɩ-kpɛ̃ɛ,

¹⁶Zakari ɩ Ido yir nɩ-kpɛ̃ɛ, Mesulam ɩ Gineton yir nɩ-kpɛ̃ɛ,

¹⁷Zikiri ɩ Aviya yir nɩ-kpɛ̃ɛ, ...[29] ɩ Minyamin yir nɩ-kpɛ̃ɛ, Piletaɩ ɩ Moadɩa yir nɩ-kpɛ̃ɛ,

¹⁸Samua ɩ Bilga yir nɩ-kpɛ̃ɛ, Yehonatan ɩ Semaya yir nɩ-kpɛ̃ɛ,

¹⁹Matenaɩ ɩ Yoyarivʋ yir nɩ-kpɛ̃ɛ, Uzi ɩ Yedaya yir nɩ-kpɛ̃ɛ,

²⁰Kalaɩ ɩ Salaɩ yir nɩ-kpɛ̃ɛ, Ebɛɛr ɩ Amɔkɩ yir nɩ-kpɛ̃ɛ,

²¹Hasavɩa ɩ Hɩlkɩa yir nɩ-kpɛ̃ɛ, ɛ́ Netanɛl ɩ Yedaya yir nɩ-kpɛ̃ɛ.

²²A Ɛlyasivʋ, a Yehoyada, a Yohanan nɩ Yadua daar, a levitɩ mɩnɛ na ɩ yie nɩ-bɛrɛ a, nɩ a bàwr-maalbɛ yée tɩ sɛb'a ƴãw sɛbr pʋɔ tɩ ta n a Pɛrsɩ tẽw nãà Daarisɩ naalʋ-dɩb daar.

²³A levitɩ mɩnɛ yie nɩ-bɛrɛ yée tɩ sɛb'a ƴãw yel-bɛrɛ sɛbɛ pʋɔ, tɩ ta n Ɛlyasivʋ bidɛb, Yohanan, daar.

²⁴A levitɩ mɩnɛ nɩ-bɛrɛ tɩ n'ɩ bɛ ŋa: Hasavɩa, Serevɩa nɩ Kadɩmɩɛl bidɛb Yesua. Bɛlɛ nɩ a bɛ levitɩ taabɛ mɩ́ tɩ àr'a tori taa, a bɛ tome deb daar na mɩ́ wa ta a, kɛ́ bɛ cáarɛ danɛ nɩ a Naaŋmɩn. À ŋá n'a bɛ tɩ tuur a lɛ a Naaŋmɩn nɩr Daviir na ƴãw a.

²⁵A dɩ̃dɔ-gùrbɛ Matanɩa, Bakɩbukɩa, Ovadɩa, Mesulam, Talmon nɩ Akuvʋ tome tɩ n'ɩ kɛ́ bɛ piwre a bʋ̃-bini diru na pɩɛlɩ a Ŋmɩn-yir-kpɛ̃ɛ dɩ̃dɛɛ a.

²⁶Bɛ tɩ tone nɩ a bɛ tome a Yosadakɩ yãw nɩ Zozue bidɛb Yoyakim daar, nɩ a na-kpɛ̃ɛ-lɩɛrɛ Neemi nɩ a bàwr-maalɛ Ɛsɩdɩrasɩ na ɩ a Naaŋmɩn wulu bãw-bãw-kara a daar.

²⁷A Zerizalɛm dacĩ-kpɛ̃ɛ na tɩ lɛb mɛ baar'a, bɛ tɩ ƴãw na a levitɩ mɩnɛ yi a ziir al za bɛ na kpɩɛr a, wa a Zerizalɛm. Bɛ tɩ maal'ɩ cuw na ɩrɛ nʋ̃ɔ̀ yaga a, tɛr'ɩ danʋ yielu bɛ na ŋmɩɛr sɛ̃sɛgɛ, korijom, nɩ pɛ̀nɛ́ ƴãwn a.

²⁸A yiel-yielbɛ tɩ ɓã n taa: a tẽli bɛ na ŋma a Zerizalɛm vuo pʋɔ, bɩɩ pɩɛlɩ Netofa a, be n'a bɛ tɩ yi wa, de nɩ Bɛtɩ-Gilgal nɩ Geva nɩ Azɩmawɛtɩ voru pʋɔ.

²⁹

³⁰A bàwr-maalbɛ nɩ a levitɩ mɩnɛ tɩ so n a bɛ dɛwr bɛr, ɛ́ yel k'aa nɩbɛ za mɩ̀ so a bɛ dɛwr bɛr, al pùorí, bɛ mɩ̀ tu a dɛwr-so-bɛrʋ tub a tẽ-kpɛ̃ɛ dɩ̃dɛɛ nɩ a ʋ dacine ƴãw.

³¹Ɩ̃ tɩ ƴãw na a Zuda tẽw nɩ-bɛrɛ do a dacĩ-kpɛ̃ɛ zu. Ɩ̃ tɩ maal'ɩ yiel-yielbɛ lãw-bɛrɛ ayi. A dãw-niwn sob tɩ tu n a dʋrʋ lowr cere a dacin zu a Pʋɔrʋ dɩ̃dɔr lowr.

³²Hosaya nɩ a Zuda nɩ-bɛrɛ ŋmãa tɩ cere na tuur a yiel-yielbɛ bɛ ŋa,

³³al pùorí, Azarɩa, Ɛzɩra, Mesulam,

³⁴Yehuda, Bɛ̃zamɛ, Semaya nɩ Yirmeya tu.

³⁵Al pùorí, bàwr-maalbɛ na tɛr wɩɩr a nɛbɛ tɩ tuur. Zekarɩa tɩ ɩ n Yonatan bidɛb, Yonatan ɩ Semaya bidɛb, Semaya ɩ Matanɩa bidɛb, Matanɩa ɩ Mikaya bidɛb, Mikaya ɩ Zakuur bidɛb, Zakuur ɩ Asafʋ bidɛb,

³⁶de nɩ a bɛ taabɛ Semaya, Azarɛl, Milalaɩ, Gilalaɩ, Maɩ, Netanɛl, Yehuda nɩ Hanani na tɩ tuur a. Bɛ tɩ tɛr'ɩ bʋ̃-ŋmɩɛrɩ a Naaŋmɩn nɩr Daviir na tɩ ƴãw bɛ maalɩ a. A Naaŋmɩn wulu bãw-bãw-kara Ɛsɩdɩrasɩ n'ʋ tɩ de a nɩbɛ bɛ ŋa niwn.

³⁷Bɛ na tɩ ta a Bule dɩ̃dɔr ƴãw a, a tɩ ɩ n a zie ʋl na dúor a «Daviir Tẽ-kpɛ̃ɛ́» a. A dacin mɩŋa n'ʋ bɛ tɩ nyɔw do, tɩ àr do gãw a nãà Daviir yir. Al pùorí, bɛ tɩ cãà na cen tɩ ta a Kʋ̃ɔnɩ dɩ̃dɔr na be a Zerizalɛm saa-pɛrɩ́ a.

³⁸A yiel-yielbɛ lãw ayi sob, tɩ tu n a gʋba lowr cere. Ɩ̃ tɩ tu bɛ nɩ a dacĩ-kpɛ̃ɛ zu, mãa nɩ a nɩbɛ ŋmãa. Tɩ tɩ tu na tɔl a Damɛ yir-cõcowla ƴãw, al pùorí, tɩ tu yi a be a dacĩ-kpɛ̃ɛ na yɛ̀lɩ a.

³⁹Tɩ tɩ cãà na cen tɔl a Efarayim dɩ̃dɔr zu-sɔw, a Yesana nɩ a Zʋ́mɛ́ dɩ̃dɛɛ zu-sɔw. A Hananeyɛl yir-cõcowla nɩ a Kɔbr yir-cõcowla pùorí a, tɩ zuo nɩ a Píir dɩ̃dɔr bɛr ɛ́ ta a Zi-gùrbɛ dɩ̃dɔr.

⁴⁰A yiel-yielbɛ lãw a za ayi tɩ tɛw na àr a Ŋmɩn-yir-kpɛ̃ɛ pɛr. Ɩ̃ mɩ̀ tɩ tɛw na àr, mãa nɩ a nɩ-bɛrɛ na tɩ bɩɛlɛ mɛ̃ a.

⁴¹A bàwr-maalbɛ Elɩakɩm, Maaseya, Minyamin, Mikaya, Ɛlyoenaɩ, Zekarɩa nɩ Hananɩa tɩ pɛblɛ nɩ wɩɩr.

⁴²Maaseya, Semaya, Eleazaar, Uzi, Yehohanan, Malkɩa, Elam nɩ Ezɛɛr mɩnɛ mɩ̀ tɩ be n be. Yiziraya tɩ kaa nɩ a yiel-yielbɛ zie, bɛ ɩ a nɩbɛ wõ a bɛ yielu.

⁴³A nɩbɛ tɩ maal'ɩ bagɛ yaga a ʋlɩ bibir nɛ, ɛ́ nʋ̃ɔ̀ ɩrɛ. Bʋ̃ʋ n'ʋ vɛ̃, a Naaŋmɩn tɩ paal'ɩ a ʋ nɩ-bʋʋrɛ nɩ nʋ̃ɔ̀ yaga. A Zerizalɛm tẽw pʋɔ a, nʋ̃ɔ̀ tɩ ɩrɛ nɩ a pɔwbɛ nɩ a bibiir bɛ cɩɩrɛ ɩrɛ gɔmɛ, a cuw gɔmɛ tɩ yire a zi-zãána.

⁴⁴A lɛn daar mɩ̀ a, bɛ tɩ ƴãw nɩ nɩbɛ bɛ jɩ́rɛ a diru al pʋɔ bɛ na bin a tɩ-wɔ̃-dan, nɩ a bʋ̃-kʋ́ɔrɩ ziir pie sob a. A bʋ̃-dieri ŋmãa al a wulu na yel kɛ́ bɛ mɩ́ kʋ̀ a bàwr-maalbɛ nɩ a levitɩ mɩnɛ a, ɛ́ a mɩ́ yi a póru na jil koli a tẽ-bɛrɛ a pʋɔ a, alɛ n'a a mɩ́ tɩ fɛr k'aa nɩbɛ bɛ ŋa de bin a be. A Zuda nɩbɛ za pʋʋr tɩ pɛlɩ nɩ a bàwr-maalbɛ nɩ a levitɩ mɩnɛ tome ƴãw.

⁴⁵Bɛ tɩ kaarɛ nɩ a bɛ Naaŋmɩn tome zie, ɛ́ tuur a dɛwr-so-bɛrʋ tub. A yiel-yielbɛ nɩ a dɩ̃dɔ-gùrbɛ mɩ̀ tɩ tuur'ɩ a lɛ a nãà Daviir nɩ a ʋ bidɛb Salomɔ̃ na tɩ wul bɛ kɛ́ bɛ tuur a.

⁴⁶Bʋ̃ʋ n'ʋ vɛ̃, a Daviir daar za, nɩ a yielu nɩ-kpɛ̃ɛ Asafʋ daar za a, yiel-yielbɛ nɩ-bɛrɛ tɩ be n be kaarɛ a yielu zie, bɛ na mɩ́ yiele danɛ nɩ, ɛ́ puore nɩ a Naaŋmɩn yãanɩ a.

⁴⁷A Zorobabɛl daar nɩ a Neemi daar a, a Ɩsɩrayɛl nɩbɛ mɩ́ tɩ kʋ̀ n a yiel-yielbɛ nɩ a dɩ̃dɔ-gùrbɛ a alɩ bome nɛ a na fɛr kɛ́ bɛ mɩ́ kʋ̀ bɛ a bibir za a. Bɛ mɩ̀ mɩ́ tɩ de nɩ a de-kʋ̀b bome a Naaŋmɩn na so a, kʋ̀ a levitɩ mɩnɛ, a levitɩ mɩnɛ mɩ̀ kʋ̀ a bàwr-maalbɛ, a Aarɔ̃ bʋʋrɛ, a bɛ dem.