Read Dagara, Northern Ziditɩ 13 Bible Online

Ziditɩ 13 - Dagara, Northern bible

Ziditɩ 13

¹A zie na wa bɩ tɔl a, a tõ-tõ-biir tɩ paw na lɛb kul. A Bagowasɩ tɩ yi na ɛ́ pàw a Holofɛn pɛn-sɛw dɩ̃dɔr, ɛ́ diw a nɩbɛ bɛ cen zãá. Bɛ za tɩ cen na tɩ gã, bɛ tɩ bàl'ɩ bɛ za, bɛ na nyũ zuo a ƴãw.

²A Ziditɩ yõ n'ʋ tɩ be a Holofɛn zie a ʋ pɛn-sɛw pʋɔ. A Holofɛn tɩ kuol'a gã kpãlãkpãlã a ʋ gado zu.

³A Ziditɩ tɩ yel'ɩ a ʋ tõ-tõ-bi-pɔw k'ʋʋ yi a pɛn-sɛw pʋɔ àr a yẽw, ɛ́ gù ʋ wa yi, mɛ̃ a lɛ ʋ na ɩrɛ a bibir za a. Ʋ tɩ cãà na yel ʋ k'ʋʋ na yi n a puoru ƴãw. Ɛ́ mɩ̀ yel a lɛ kʋ̀ a Bagowasɩ.

⁴Lɛ n'a a nɩbɛ za tɩ lɛb cen. Nɩr za bɛ tɩ cãà be a di-gana pʋɔ ɩ. A Ziditɩ tɩ àr'a pɩɛlɩ a Holofɛn gado ɛ́ puori à ŋá a ʋ socir pʋɔ: «Sore e, kpɛnʋ za Naaŋmɩn i, jɩ́r'ɩ nɔ̃wfʋ a yel ʋl ɩ̃ na na maalɩ a ƴɛrɛŋa, a Zerizalɛm zɛwfʋ ƴãw a.

⁵A fʋ nɩ-bʋʋrɛ faafʋ daar'ɩ à ŋá na ta a. Ɩ a lɛ ɩ̃ na cɔbrɩ a dɔ̃ dem kʋb ƴãw a tu, bɛl na ìr a tɩ ƴãw a.»

⁶Al pùorí, ʋ tɩ taw na ta a gado dàa na pɩɛlɩ a Holofɛn zu a, ɓáw a Holofɛn zɛbr-sɔ-kpɛ̃ɛ.

⁷Ʋ tɩ lɛb'a bãw taw pɩɛlɩ a gado, nyɔw a Holofɛn zukɔbɛ ɛ́ yel: «Sore e, Ɩsɩrayɛl Naaŋmɩn i, kʋ̀ m fãw a ƴɛrɛŋa.»

⁸Ʋ tɩ cɛ n a Holofɛn nyũumɩ́ gb'a ayi nɩ a ʋ fãw za, cɛ a zu ŋmãa.

⁹Al pùorí, ʋ bili a ƴã-gan bɛr a gado pile, ɛ́ yaw a sãje a dàar ƴãw, ɛ́ yi n a Holofɛn zu fɔ̃wlɛ tɩ kʋ̀ a ʋ tõ-tõ-bi-pɔw.

¹⁰A ʋ tõ-tõ-bi-pɔw tɩ de na ƴãw a bʋ̃-dɩrɩ vʋɔra pʋɔ. Bɛ za ayi tɩ tu n taa yi, mɛ̃ a lɛ bɛ na ɩrɛ a bibie za a puoru ƴãw a. Bɛ tɩ tɔl'ɩ a laɩ pʋɔ, dɛ a fʋɔla ɛ́ do a Betuli tãw tɩ ta a tẽw dɩ̃dɛɛ ƴãw.

¹¹A Ziditɩ tɩ cãà na zãá ɛ́ gbanɩ yel a dɩ̃dɔ-gùrbɛ: «Nyɩ yuo, nyɩ yuo a dɩ̃dɔr! A Naaŋmɩn, a tɩ Naaŋmɩn be n a tɩ zie! Ʋ wul'ɩ a ʋ kpɛnʋ a Ɩsɩrayɛl, ɛ́ wul a ʋ fãw a tɩ dɔ̃ dem a dɩ̃a.»

¹²A Betuli tẽw dem na dɛ wa wõ a Ziditɩ kɔkɔr a, bɛ siw nɩ fɔ̃wlɛ a tẽw dɩ̃dɔrɩ́, ɛ́ ƴãw bɛ bʋɔlɩ a nɩ-kore.

¹³A nɩbɛ za tɩ zɔrɛ na waar, a pʋrmɛ tɩ tɔ a bɛrɛ, bʋ̃ʋ n'ʋ vɛ̃, bɛ bɛ tɩ sàw k'aa Ziditɩ n'ʋ lɛb waar ɛ. Bɛ tɩ yuo nɩ a tẽw dɩ̃dɔr, tuori nyɔw a Ziditɩ nɩ a ʋ tõ-tõ-bi-pɔw, ɛ́ gbɔw vũu kɛ́ bɛ tʋ̃ɔ́ nyɛrɛ vla, ɛ́ tɩ ŋmãa viiri koli bɛ.

¹⁴A Ziditɩ tɩ zɛw nɩ kɔkɔr yel bɛ à ŋá: «Nyɩ danɛ a Naaŋmɩn! Nyɩ danɛ ʋ! Nyɩ danɛ a Naaŋmɩn na sàw tu n a Ɩsɩrayɛl nɩ-bʋʋrɛ a ʋ su-ɓaarʋ a. Ʋ tu n a ɩ̃ zie, a dɩ̃a tɩ̃ɩsɔw, sãw a tɩ dɔ̃ dem bɛr.»

¹⁵Lɛ n'a ʋ tɩ ír a zu a vʋɔra pʋɔ wul bɛ ɛ́ yel: «Nyɩ nyɛ̃ a Holofɛn zu, a Asiiri tẽw zɛbr-nɩbɛ nɩ-bɛrɛ nɩ-kpɛ̃ɛ kpɛ̃ɛ. Nyɩ nyɛ̃ a sãje ʋl pile ʋ na tɩ kuoli gã a. Pɔw nũu n'ʋ a Sore kʋ n ʋ.

¹⁶A Sore, ʋ vʋʋrɛ! Ʋ gù m'ɩ a yel ŋa maalʋ ƴãw, a ɩ̃ niwn vɩɛlʋ bɛlɩ nɩ a dɛb ŋa nyɔw a ʋ kũu ƴãw. Ʋ bɛ tʋ̃ɔ́ páw mɛ̃ maal'ɩ mɛ̃ yel-bier ɛ. À ŋá n'a ɩ̃ bɛ nyɛ̃ vĩ ɛ, ɛ́ a ɩ̃ yúor bɛ sãw ɛ.»

¹⁷A tɩ ɓãá nɩ a nɩbɛ za nʋɔr yaga za. Bɛ tɩ gbĩ n dume puori a Naaŋmɩn ɛ́ lãw yel'ɩ kɔkɔr-been: «Tɩ Naaŋmɩn i, tɩ danɛ fʋ na, fʋ na sãw a fʋ nɩ-bʋʋrɛ dɔ̃ dem bɛr a dɩ̃a bibir a.»

¹⁸A Ozɩasɩ tɩ de nɩ a ƴɛ̀rʋ yel a Ziditɩ: «Ɩ̃ pɔwyaa a, a Naaŋmɩn-na-do-saa-bɛ-pɩɛl-a maalɩ fʋ na gãw a tẽw zu pɔwbɛ za. A Sore na ír a salom nɩ a tẽw a tɛr'ɩ danʋ! Ʋlɛ n'ʋ tɛr fʋ, fʋ tɩ cɛ a tɩ dɔ̃ dem nɩ-kpɛ̃ɛ zu ŋmãa.

¹⁹A nɩbɛ kʋ̃ yiiri a tɩɛrʋ fʋ na ƴãw a Naaŋmɩn ƴãw a ɩ. A nɩbɛ na cãà na tɩɛrɛ a Naaŋmɩn tõ-kpɛ̃w ŋa kʋralɛ.

²⁰A Naaŋmɩn mɩŋa, ʋ ɩ a fʋ yúor yi kʋralɛ! Ʋ paalɩ fʋ nɩ a ʋ yel-vɩɛlɩ, fʋ na sàw tɩ cɛ blã nãá tɩ kpi a fʋ nɩ-bʋʋrɛ vĩ daar a! A fʋ ɩb na tu sɔ́r a Naaŋmɩn niŋé a, ɩ na tɩ bɛ lo ɩ!» A nɩbɛ za tɩ sɔw na: «Amɛn! A sɩrɩ ɩ a lɛ!»