Read Dagara, Northern Eziptɩ tẽw yib 27 Bible Online

Eziptɩ tẽw yib 27 - Dagara, Northern bible

Eziptɩ tẽw yib 27

¹«A bagɛ maalʋ ƴãw a, bɛ na maal'ɩ bàwr-maal-kuur nɩ akasɩa dàar. A ʋ lõboge za na sɛw nɩ taa. Lõbowr za wogo na mɩ́ ɩ n mɛtɩr ayi nɩ ŋmãa, ɛ́ a bàwr-maal-kuur kɛrʋ ɩ mɛtɩr been nɩ ŋmãa.

²Bɛ na ƴãw ʋ nɩ ɩ́lɛ́[106], a ʋ saa-zu gõgone anaar ƴãw, ɛ́ ɩ a nyɛ nyɔw ʋ. Bɛ na nyɩl'ɩ kur-zɩɛ pàw a bàwr-maal-kuur.

³Kur-zɩɛ n'a bɛ na maal'ɩ a bàwr-maal-kuur bome za: a tãpɛlʋ bʋ̃-ƴãwnɩ, a pɛ́lɛ̀[107], a lali, a tɩr-jajaar nɩ a parfɛ̃ nyɩwfʋ-koli.

⁴Bɛ na maal'ɩ mɩ̃ɛ nɩ kur-zɩɛ bã-mɩɩlɛ, ɛ́ ƴãw kur-zɩɛ bamɛ a gõgone anaar ƴãw.

⁵Bɛ na ƴãw nɩ a mɩ̃ɛ ŋa viiri koli a bàwr-maal-kuur a ʋ nɔgbãbie pile, ʋʋ yi a pɛr ƴãw ɛ́ do tɩ ta a põ-zɛ̃-taa zie.

⁶Bɛ na pɛnɩ nɩ akasɩa dàar ayi nyɩl kur-zɩɛ pàw.

⁷Bɛ na tõ a na ƴãw a bamɛ na be a bàwr-maal-kuur lõboge ƴãw a ƴãw mɩ́ tuo nɩ ʋ.

⁸A bàwr-maal-kuur ŋa bɛ na na maal'ɩ dapawli a, a pʋɔ na ɩ n vuo. Bɛ na maal'ʋ na mɛ̃ a lɛ ɩ̃ na wul fʋ a tãw zu a.»

⁹«Bɛ na maal'ɩ davʋra nɩ lɛ̃ fomi-kpɛn pɛnɛ viiri koli a zi-sõw. A saa-pɛrɩ́-dʋrʋ-lowr lowr a, bɛ na dɔl'ɩ a pɛnɛ cen nɩ tɩ ta mɛtɩr lɩz'a ayi nɩ pie.

¹⁰Kur-zɩɛ kpule lɩzɛr na ba dɔwlʋ ziir lɩzɛr bɛ na maal'ɩ kur-zɩɛ a zu a n'a bɛ na yawlɩ a pɛnɛ, nɩ salm-pla bã-mɩɩlɛ nɩ salm-pla bʋ̃-cawrɩ.

¹¹A saa-pɛrɩ́-gʋba-lowr lowr a, a pɛnɛ mɩ̀ na dɔl'a tɩ ta mɛtɩr lɩz'a ayi nɩ pie, ɛ́ a yawlʋ ɩ been.

¹²A davʋra yɛ̀lʋ ƴãw, a mʋ̃tɔ̃w-kpɛb-lowr lowr a, a pɛnɛ na dɔl'a cen tɩ ta mɛtɩr lɩzɛr'ɩ anũu. Bɛ na yawl'a nɩ kpule pie na ba dɔwlʋ ziir pie zu a ƴãw.

¹³A kpɛb zie lowr a saa-pɛrɩ́ a, a davʋra yɛ̀lʋ mɩ̀ na ɩ n mɛtɩr lɩzɛr'ɩ anũu.

¹⁴A dɩ̃dɔr dʋrʋ lowr nɩ a gʋba lowr a, pɛnɛ na dɔl'a cen tɩ ta mɛtɩr ayopõi nɩ ŋmãa, ɛ́ kpule atarɩ nɩ dɔwlʋ ziir atarɩ be be.

¹⁶A davʋra dɩ̃dɔr ƴãw a, mɛtɩr pie pɛn-yawla n'ʋ na be be. Pɛn-mawrbɛ na maal'ʋ na nɩ lɛ̃ fomi-kpɛn kpɛn na jɛr'ɩ píir kɔblʋ fomi-zɩɩr-mʋɔlɛ, fomi-zɩɩr-kãbala nɩ fomi-zɩɩr ɓõɓõ a, ɛ́ bɛ na yawl'ʋ nɩ kpule anaar na ba dɔwlʋ ziir anaar zu a ƴãw.

¹⁷A kpule za na ŋmãa a davʋra ír a, salm-pla bã-mɩɩlɛ na nyɔw a nɩ taa cen nɩ. A bʋ̃-cawrɩ mɩ̀ na ɩ n salm-pla, ɛcɛ a kpule dɔwlʋ ziir al na ɩ n kur-zɩɛ.

¹⁸A davʋra wogo na ɩ n mɛtɩr lɩz'a ayi nɩ pie, ɛ́ a yɛ̀lʋ ɩ mɛtɩr lɩzɛr'ɩ anũu. A lɛ̃ pɛnɛ na na mɩ́ yi a saa-zu ɛ́ siw tɩ tɔ a pɛr a, a wogo na mɩ́ ɩ n mɛtɩr ayi nɩ ŋmãa. A kpule dɔwlʋ ziir na ɩ n kur-zɩɛ.

¹⁹Kur-zɩɛ cãà n'a bɛ na maal'ɩ a bʋ̃-kpɛ̃kpɛrsɩ na pʋɔ a kpɛb zie maalʋ pʋɔ a, tɩ lãwnɩ a kpawbie za nɩ a davʋra kpawbie.»

²⁰«A fʋ̃ʋ Moyiir, fʋ na yel'ɩ a Ɩsɩrayɛl nɩbɛ kɛ́ bɛ kʋ̀ b olivʋ tɩɩr wɔmɛ kãá na vɩɛl vɩɛl a, bɛ mɩ́ ƴãw nɩ a fɩ̃tɩlɩ vũu zaanʋɔrɛ za.

²¹A Aarɔ̃ nɩ a ʋ bidɛbr na bin nɩ a fɩ̃tɩlɩ dɔwlʋ zie a tuor-taa pɛn-sɛw pʋɔ, a pɛn-yawla na piw a wõ-taa daga a niŋé. A fɩ̃tɩlɩ na mɩ́ 'lere nɩ a ɩ̃ niŋé, a zaanʋɔra tɩ ta n a biɓaara. Nʋɔr'ʋ ƴãw gã kʋralɛ a Ɩsɩrayɛl nɩbɛ na dɔwr lɩɛrɛ taa a zie.»