Read Dagara, Northern Zɔb 10 Bible Online

Zɔb 10 - Dagara, Northern bible

Zɔb 10

¹Ɩ̃ bɛ cãà laar'ɩ a ɩ̃ nyɔ-vʋʋrʋ ɛ, ɩ̃ kʋ̃ cãà sɩb a ɩ̃ kon tɛr ɛ, su-sãwna n'a ɩ̃ na ƴɛ̀rɛ nɩ.

²Ɩ̃ na yel'ɩ a Naaŋmɩn: ta ɩrɛ mɛ̃ mɛ̃ sãwna sob a ɩ, wul mɛ̃ a bom nɛ ɩ̃ na ɩ sãw fʋ a.

³Fʋ na dɔwrɛ mɛ̃ a, fʋ na jewre a fʋ nuru bʋ̃-maala, ɛ́ ɩrɛ a nɩ-faar pʋ-tɩɛrʋ maalɛ a, a nʋmɛ nɩ a fʋ zie e?

⁴Nɩsaal mimie n'a fʋ ƴãw bɩɩ? A lɛ a nɩsaal na nyɛrɛ a yele a, lɛ n'a fʋ mɩ́ nyɛrɛ a bɩɩ?

⁵A fʋ nyɔ-vʋʋrʋ ɩ n ŋmãa mɛ̃ a tɩ nyɔ-vʋʋrʋ a bɩɩ? Bɩɩ a fʋ yome tɔlɛ nɩ fɔ̃w mɛ̃ a tɩ dem a?

⁶Bʋ̃ʋ n'ʋ so fʋ bɔbr kɛ́ fʋ bãw a ɩ̃ sãwna, fʋ bɔbr kɛ́ fʋ sowri bãw a ɩ̃ yel-bebe?

⁷Fʋ mɩŋa za bãwnɩ a na ɩ̃ na bɛ sãw a, ɛ́ bãwnɩ a nɩr na kʋ̃ tʋ̃ɔ́ faa mɛ̃ a fʋ nũú a.

⁸A fʋ nuru n'a ír mɛ̃ ɛ́ mɛ m, ɛ́ wa kʋrɛ mɛ̃ ƴɛrɛŋa!

⁹Lɛb tɩɛrɩ nyɛ̃: fʋ mɛ m'a mɛ̃ yawra bom a, ɛ́ ɩrɛ ɩ̃ lɛb lɩɛbɛ tanɛ!

¹⁰Fʋ̃ʋ bɛ n'ʋ maalɩ mɛ̃ a ɩ̃ mã púorí mɛ̃ bʋ̀rʋ bɛ na ƴãw lale pʋɔ a ŋma cɩ̃cɩlɛ a ɩ?

¹¹Fʋ pàw mɛ̃ na nɩ gán nɩ nɛn-buwr ɛ́ ƴãw mɛ̃ kɔbɛ nɩ jiile.

¹²Fʋ nɔ̃w na kʋ̀ m a nyɔ-vʋʋrʋ, ɛ́ kaa a ʋ zie vla vla.

¹³Zɩ̃ kɛ́ bom ŋa n'ʋ fʋ tɩ sɔwlɛ a fʋ socir pʋɔ, ɩ̃ bãwnɩ a na à ŋá na n'a fʋ tɩ tɩɛrɛ a:

¹⁴kɛ́ mãa dɛ wa maalɛ yel-bier a, fʋ̃ʋ nyɔw mɛ̃ a yel-bier zu ɛ́ ta bɛr a ɩ̃ sãwna kãw za ʋ tɔl ɛ.

¹⁵Mãa wa ɩ sãw a, ɩ̃ kab'a! Mãa saa wa ɩ yel-mɩŋa sob a, ɩ̃ bɛ zɛwr zu ɛ, vĩ bɛ mɩ́ bɛrɛ mɛ̃ ɩ, ɛ́ a nãw-woro kʋrɛ mɛ̃.

¹⁶Mãa wa dɛ zɛwr zu a, fʋ̃ʋ n'ɩ ŋan mɩ́ ta tu m mɛ̃ gbẽw a, lɛb tɩ nɛ̃ m bin nɩ a fʋ kpɛnʋ.

¹⁷Fʋ mɩ́ zɛb'ɩ mɛ̃ na, zɩ̃ pɩ̃ɛnɩ zɛb'ɩ, fʋ mɩ́ lɛb'a bãw nyɛ̃ nɩ mɛ̃ suur ɛ́ sojarɩ lɩɛrɛ taa a ɩ̃ ƴãw.

¹⁸Bʋ̃ʋ pãa so fʋ ɩ ɩ̃ yi a ɩ̃ mã púorí a? Ɩ̃ nãá tɩ kpi n a be, mimir bɛ nyɛ̃ m ɛ.

¹⁹A nãá ɩ na mɛ̃ ɩ̃ bɛ dãw be a, ɩ̃ nãá yi n a ɩ̃ mã púorí bɛ ɓáw mɛ̃ daadaalɛ tɩ ũù.

²⁰Ƴɛrɛŋa a, a ɩ̃ nyɔ-vʋʋrʋ bɛ cãà wõwme ɩ, bɛr mɛ̃ ɩ̃ vʋʋrɩ wõ nʋ̃ɔ̀ blã.

²¹Ɩ̃ kʋ̃ yaa kɛ́ kul a lige nɩ a tɩ̃ɩsɔw-varkpara tẽw ɛ́ kʋ̃ lɛb wa ɩ.

²²A be a, a lige nɩ a nyãbʋnʋ n'a, ɛ́ a cãà tɔr za ɩ mɛ̃ a tɩ̃ɩsɔw-sɛbla a.