Read Dagara, Northern Zɔb 26 Bible Online

Zɔb 26 - Dagara, Northern bible

Zɔb 26

¹Lɛ n'a a Zɔb tɩ de a ƴɛ̀rʋ yel:

²Nyɛ̃ sõwfʋ kãw na sõwne bãbàal a, nyɛ̃ sõwfʋ kãw na sõwne nɩr na bɛ tɛr fãw a!

³Nyɛ̃ yã kãw na wule sob nɛ na bɛ tɛr yã-bãwfʋ a, nyɛ̃ bãwfʋ kãw fʋ na wul kɛ́ fʋ bãw nɩ yele za a!

⁴Ãa n'ʋ fʋ ƴɛ̀rɛ à à ŋá kʋ̀rɛ? Ãa n'ʋ waalɩ a ƴɛ̀rʋ á ŋá kʋ̀ b fʋ ƴɛ̀rɛ?

⁵A kpɩmɛ tẽw dem màwr'ɩ bɛ za, bɛl na be a kʋ̃ɔ-kpɛ̃ɛ nɩ a ʋ pʋɔ bʋ̃-vʋʋrɩ pile pile za a.

⁶Bʋ̃ʋ n'ʋ vɛ̃, a Naaŋmɩn niŋé a, a kpɩmɛ tẽw sãá nɩ nyɩraa lɛ, ɛ́ bom za bɛ pàw a bɔw-zulu zulu a ʋ niŋé ɩ.

⁷Ʋlɛ n'ʋ dɔl a saa-pɛrɩ́-gʋba-lowr salom bɛr a vuo pʋɔ ɛ́ 'lẽ a tẽw yawlɩ a zi-vuo pʋɔ.

⁸Ʋlɛ n'ʋ mɩ́ ɩ a kʋ̃ɔ paalɩ a zũzuwe, ɛ́ bɛ sàw a kʋ̃ɔ tɩbrʋ cɩɛr'a bɛr ɛ.

⁹Ʋlɛ n'ʋ mɩ́ nyɔw zũzuwr taw pàw a ʋ naalʋ-dà-kɔw.

¹⁰Ʋ tʋ̃ɔ̀ nɩ tʋra viiri koli a kʋ̃ɔ-kpɛ̃ɛ, a be a cãà na mɩ́ tɛw ɛ́ a lige tĩ a.

¹¹Ʋ mɩ́ tanɩ nɩ a salom, pʋ̀lá vʋ̃ɔ ʋ, ʋ dãdawlɛ a ʋ kpule zu.

¹²Ʋ tʋ̃ɔ́ nɩ a Kʋ̃ɔ-kpɛ̃ɛ[15] nɩ a ʋ fãw, ɛ́ ƴɛ́r a dʋ̃-bɩɛ Arahab ŋmɛr nɩ a ʋ yã.

¹³A ʋ nʋɔr pɩɛlʋ pɩɩr'ɩ a salom, ɛ́ a ʋ nũu cɔ̀r a Levɩatã, a wa-gõlõgõlõ, col.

¹⁴À á ŋá za wa ɩ a ʋ ɩ-ɩrɩ wɔlmɛ̃ a, — a blã za zie tɩ na mɩ́ páw nyɛ̃ a — Ãa n'ʋ pãa na tʋ̃ɔ́ bãw a lɛ a ʋ gãda-tome na bɛrmɛ sɛw a?