Read Dagara, Northern Zɔb 29 Bible Online

Zɔb 29 - Dagara, Northern bible

Zɔb 29

¹Lɛ n'a a Zɔb tɩ lɛb cow a ʋ ƴɛ̀rʋ yel:

²Áa! Ɩ̃ kʋ̃ʋ tɩ lɛb páw a ɩ̃ dãwdãw nyɔ-vʋʋrʋ ʋ, a lɛn daar a Naaŋmɩn na tɩ gùre mɛ̃ a,

³a lɛn daar a ʋ fɩ̃tɩlɛ na tɩ cãà caalɛ a ɩ̃ zu-sɔw, ɛ́ a ʋ cãà caalɛ mɛ̃ a tɩ̃ɩsɔw ɩ̃ cere a!

⁴Ɩ̃ tɩ bɩ n nɩr baar a lɛn daar, ɛ́ a Naaŋmɩn tɩ kaarɛ a ɩ̃ yir zie mɛ̃ bá a!

⁵A lɛn daar, a Kpɛnʋ-za-sob tɩ cãà na be a ɩ̃ zie, ɛ́ a ɩ̃ bidɛbr mɩ́ tɩ jil koli mɛ̃.

⁶A lɛn daar a, a ɩ̃ tɛra tɩ ʋr'a, ɛ́ kãá mɩ́ tɩ gbɔlɛ yire a ɩ̃ kãá-ƴɛ́rʋ zie mɛ̃ kʋ̃ɔ a.

⁷Ɩ̃ na mɩ́ tɩ yi a tẽw dɩ̃dɔrɩ́ tɩ bin a ɩ̃ bʋ̃-zɩna a nɩ-yaga tuor-taa zie a,

⁸a pɔ́lɛ́ mɩ́ tɩ taw na yi pùor bɛlɛ wa nyɛrɛ mɛ̃ a, ɛ́ a dɛb-nyamɛ ìr àr saaƴẽwn.

⁹A nɩ-tɩbrɛ mɩ́ tɩ bɛr'ɩ a ƴɛ̀rʋ, ɛ́ ír nũu pàw nɩ a nʋɔr.

¹⁰A tẽw nɩ-bɛrɛ mɩ́ tɩ siwr'ɩ a kɔkɔr ɛ́ mɩ́ tɩ ɩ gbili.

¹¹A bɛlɩ dem na mɩ́ tɩ wõ a ɩ̃ ƴɛ̀rʋ a mɩ́ tɩ mʋʋrɛ mɛ̃ na, a bɛlɩ dem na mɩ́ tɩ nyɛ̃ m a, bɛ mɩ́ tɩ pore nɩ a ɩ̃ yo-vla:

¹²ɩ̃ mɩ́ tɩ faa nɩ a nã́w sob na kone zɛlɛ sõwfʋ a, nɩ a bi-kpieb na bɛ tɛr sõwne a.

¹³Mãa n'ʋ a bɛlɩ dem na ŋmaar vʋʋrʋ a mɩ́ tɩ ƴɛ̀r a nɔ-vla kʋ̀, ɩ̃ɩ mɩ́ tɩ ɩ na ƴãw ɓãá a pɔw-kɔbɛ.

¹⁴Ɩ̃ mɩ́ tɩ su n a mɩnʋ mɛ̃ bʋ̃-suura a, a lɛ-na-tu-sɔr-a tɩ n'ɩ a ɩ̃ kpar-kpɛ̃ɛ nɩ a ɩ̃ zu-pɛn-vila.

¹⁵Mãa tɩ n'ɩ a zɔ̃w mimie, nɩ a gbɛr gbɛ́ɛ.

¹⁶Ɩ̃ tɩ ɩ n sãà a bãbàalbɛ zie, ɩ̃ mɩ́ tɩ kaa nɩ nɩr ɩ̃ na bɛ bãw a yele zie vla.

¹⁷Ɩ̃ mɩ́ tɩ ŋmɛ n a nɩ-faar kõkamɛ kar, ɛ́ faa a bom bɛ na cab'ɩ a nyɩmɛ a.

¹⁸Ɩ̃ tɩ tɩɛrɛ nɩ ɩ̃ pʋɔ: «Ɩ̃ na kpi n a ɩ̃ cow pʋɔ, ɛcɛ ɩ̃ na lɛb'a vʋʋrɩ kɔwrɩ mɛ̃ a mʋ̃ɔ pʋɔ lile ʋl na dɩ fenisɩ[17] a.

¹⁹Ɩ̃ ɩ na mɛ̃ tɩɛ a nyɩgɛ na 'lɔr kʋ̃ɔmɩ́ a, a tɩ̃ɩsɔw ɓɩɛlʋ mɩ́ lo n a ɩ̃ wuli zu.

²⁰A ɩ̃ yúor na tɩ yi a na lɛb'a yi, ɛ́ a ɩ̃ tam na lɛb'a kpɛmɛ a ɩ̃ nũú.»

²¹A lɛn daar a, a nɩbɛ mɩ́ tɩ bɛr'a wõ a ɩ̃ ƴɛ̀rʋ, bɛ mɩ́ tɩ gù m a, bɛ mɩ́ tɩ ŋmãa nɩ vʋʋrʋ ɛ́ sàw de a ɩ̃ ƴɛ̀rʋ.

²²Ɩ̃ na mɩ́ tɩ ƴɛ̀r baar'a, nɔkpɛn bɛ mɩ́ tɩ be be ɩ, a ɩ̃ ƴɛ̀rʋ mɩ́ tɩ tɛnɛ na kpɩɛr bɛ.

²³Bɛ mɩ́ tɩ gùre mɛ̃ na mɛ̃ nɩbɛ na gùre saa a, mɛ̃ nɩbɛ na gùre sɩ̃ɛ-kpɛ-paala saa a.

²⁴Ɩ̃ na mɩ́ tɩ la sɔw bɛ a, bɛ bɛ mɩ́ tɩ sàw kɛ́ sɩza n'a ɩ, a ɩ̃ niw-vla bɛ na mɩ́ tɩ nyɛ̃ a, mɩ́ tɩ lɛb'a kʋ̀ bɛ fãw.

²⁵Ɩ̃ mɩ́ tɩ ɩ n a bɛ niw-diere, ɛ́ mɩ́ tɩ wule bɛ a sɔ́r. Ɩ̃ mɩ́ tɩ be n a bɛ zie mɛ̃ nãà na be a ʋ sojarɩ sɔgɔ a, mɛ̃ nɩr na ɓaalɛ kpɩɛrʋ dem a.