Read Dagara, Northern Zɔb 3 Bible Online

Zɔb 3 - Dagara, Northern bible

Zɔb 3

¹A Zɔb pãa wa tɩ háa nɩ nʋɔr ŋmɛ ƴãw a ʋ dɔwfʋ bibir.

²Ʋ tɩ de nɩ a ƴɛ̀rʋ yel à ŋá:

³A ɩ̃ dɔwfʋ bibir, ʋ bɔr nɩ a tɩ̃ɩsɔw ʋl na yel: «Bɛ ŋmãa nɩ dɛble sɩɛ!»

⁴A bibir ŋa, ʋ lɩɛbɩ lige! A Naaŋmɩn na be a saa-zu za a, ʋ taa ŋmɛlɛ kaar ʋ ɛ! Cãà kãw za taa caalɛ ʋ ɛ!

⁵Liw-varkpara, ʋ so a bibir ŋa, zũzuwr sɛbla malmal, ʋ piw ʋ tɛr, a zie, ʋ sɔb a mʋ̃tɔ̃-tuo.

⁶A tɩ̃ɩsɔw ŋa, ʋ lɛb bãw liw, bɛ ta sɔ́r ʋ ƴãw a yũon bibie pʋɔ ɩ, ʋ ta pʋɔ a cuwr sɔ́rʋ pʋɔ ɩ!

⁷Pɔw za, ʋ ta lɛb ŋmãa bie sɩɛ a tɩ̃ɩsɔw ŋa ɩ! Nʋ̃ɔ̀ cɛlnyɛ̃ za ta lɛb ŋmɛ a tɩ̃ɩsɔw ŋa ɩ!

⁸A bɛlɩ dem na ŋmɩɛr ƴãwn a bibie a, bɛ ŋmɛ ƴãw ʋ, bɛl na bãw a wa-bɩɛ Levɩatã[4] sɩ̃wfʋ a.

⁹A ʋ vɩɛfʋ daar ŋmar-bie, a lɩɛbɩ lige! A tɩ̃ɩsɔw ŋa, ʋ tɩɛrɛ a cãà ɛ́ taa nyɛrɛ ʋ ɛ! Ʋ taa nyɛrɛ a zie na vɩɛrɛ a cãà ɩ.

¹⁰Ʋ na bɛ ɩ bom za piw a ɩ̃ dɔwfʋ a ƴãw, ɛ́ bɛ ɩ bom za ʋ sɔwlɩ a kpɩɛrʋ a ɩ̃ zie a ƴãw.

¹¹Bʋ̃ʋ pãa ɩ, ɩ̃ bɛ kpi a ɩ̃ mã púorí a? Bʋ̃ʋ pãa so bɛ bɛ dɔw mɛ̃ lɔbr wa báarɛ ɩ̃ ŋmãa vʋʋrʋ a?

¹²Bʋ̃ʋ pãa ɩ gbɛ́ɛ ayi be be de m ɛ́ bɩrɛ ayi be be ɩ̃ ƴɛnɩ a?

¹³Yi dɩ̃a a, ɩ̃ nãá tɩ be n bɔw pʋɔ gã zoom, ɩ̃ nãá tɩ gúre na pɩ̃ɛnɛ,

¹⁴mãa nɩ a na-mɩnɛ nɩ a tẽw nɩ-bɛrɛ, a bɛl na mɩ́ lɛb líbre a deboru a,

¹⁵bɩɩ mãa nɩ a na-mɩnɛ bɛl na so a salm-zɩɩr a nãá tɩ n'a, a bɛl na tɛr salm-pɛlɛ paal'ɩ a bɛ yie a.

¹⁶Bɩɩ mɛ̃ bi-cur-bɛra bɛ na ga pàw a, ɩ̃ kʋ̃ʋ tɩ be ɩ, mɛ̃ a bibiir na bɛ tɩ nyɛ̃ a cãà a.

¹⁷A bɔw pʋɔ a, a nɩ-faar ɩb mɩ́ baar'a, ɛ́ a bɛlɩ dem na bàl a pãa páw pɩ̃ɛnʋ.

¹⁸A gaso pʋɔ nɩbɛ mɩ̀ mɩ́ nyɛ̃ nɩ ƴã-ɓaarʋ, bɛ bɛ mɩ́ cãà wone a gɔmɛ a bɛ gùre na pàwr a ɩ.

¹⁹A be a, nɩr na tɛr yúor nɩ nɩr na bɛ tɛr yúor a bɛ ka be ɩ, ɛ́ a gbãgbaa mɩ́ lɛb'a so ʋ tʋɔra.

²⁰Bʋ̃ʋ n'ʋ so a Naaŋmɩn mɩ́ ɩ a tuo-wonbɛ nyɛ̃ a cãà? Bʋ̃ʋ n'ʋ so ʋ mɩ́ kʋ̀ a nyɔ-vʋʋrʋ a wʋ̀ʋr dem?

²¹Bɛ mɩ́ gùre nɩ a kũu, ʋʋ bɛ waar ɛ. Bɛ mɩ́ bɔbr ʋ na zuo na-bom.

²²Bɛlɛ tɩ nyɛ̃ ũufʋ zie a, nʋ̃ɔ̀ nãá ɩrɛ bɛ na bɛ dɩ vuo ɩ, bɛ nãá tɩ ŋmɩɛr'ɩ nʋ̃ɔ̀ cɛlsɩ.

²³Ɩ̃ ɩ n nɩr na bɛ bãw be ʋ na cere a ɩ, ɛ́ a Naaŋmɩn mɛ dacin piw nɩ mɛ̃!

²⁴A kon ɩ̃ na kone siwre a n'ɩ a ɩ̃ dɩb, ɛ́ a ɩ̃ kpɩɛrʋ cɛlsɩ yire bɛ tɛr ŋmãafʋ daar ɛ.

²⁵A ʋlɩ bom nɛ ɩ̃ na zɔrɛ a, ʋlɛ n'ʋ mɩ́ ta m, ɛ́ a bom ʋl na vʋ̃ɔnɛ mɛ̃ pʋ̀lá a, ʋlɛ n'ʋ mɩ́ lo a ɩ̃ zu.

²⁶Ɩ̃ bɛ cãà bãw zɩ̃-zoom, ƴã-ɓaarʋ nɩ pɩ̃ɛnʋ ɛ, wob tɛwr'a wone mɛ̃.