Read Dagara, Northern Zɔb 30 Bible Online

Zɔb 30 - Dagara, Northern bible

Zɔb 30

¹Ɛcɛ ƴɛrɛŋa a, bibi-nyɔ-fɛrɛ ɩrɛ mɛ̃ na laar. A bɛl ɩ̃ na bɛ tɩ sàw na ƴãw a bɛ sãà mɩnɛ pʋɔ a ɩ̃ baar pʋɔ gùre a ɩ̃ dʋn a.

²Mɔ̃ mɩ̀, bʋ̃ʋ n'ʋ bɛ nãá tʋ̃ɔ́ ɩ? A bɛ fãw za tɩ baar'a.

³A Nãw-woro nɩ a kɔ̃ tɩ ɩ na bɛ cɛ kɔbɛ tɛwr, dɩlãpʋɔ pʋɔ n'a bɛ tɩ bɔbr bom kãw kɛ́ bɛ nyĩ, zie na liw gã ɩ deboru, ɛ́ nɩr za bɛ ka be a.

⁴Va-nʋʋr'a bɛ tɩ ɓɛlɛ a tuwr pʋɔ, tɩ-nyɩgɛ n'a tɩ ɩ a bɛ dɩb.

⁵Bɛ tɩ diw bɛ na bɛr a nɩbɛ pʋɔ, bɛ tɩ 'húore bɛ na mɛ̃ nyãnyuwr a.

⁶Tan sɩɩr ƴãw n'a bɛ tɩ kpɩɛr, tẽsɔw bɔwrɩ nɩ pie bɔwrɩ pʋɔ.

⁷Bɛ tɩ ùore nɩ a tuw pʋɔ, ɛ́ tɩ gbõ taa a gʋʋr pile.

⁸Bɛ tɩ ɩ n yãyaar dem, nɩbɛ na bɛ tɛr pɛr a! Bɛ tɩ diw bɛ na pɔb'ɩ dabɔlɛ bɛ yi a tẽw pʋɔ.

⁹Ɛcɛ ƴɛrɛŋa a, mãa n'ʋ a nɩbɛ bɛ ŋa lore nɩ nuru, mãa yele n'a bɛ manɛ.

¹⁰Ɩ̃ ɩrɛ bɛ nɩ kɔkɔrʋ bɛ tawr zãánɛ nɩ mɛ̃, bɛ cɩrɛ nɩ mʋtaar waarɛ mɛ̃ a niwn ɛ́ a bɛ ɩrɛ bɛ bom ɛ.

¹¹Naaŋmɩn n'a n'ʋ bàl mɛ̃ bɛr ɛ́ ƴãw mɛ̃ a vĩ a, bɛ mɩ́ bɛr'ɩ yã ɛ́ ɩrɛ mɛ̃ lɛ bɛ na bɔbr a!

¹²Bɛ ìr'ɩ yaga yaga a ɩ̃ dʋrʋ lowr vaarɛ a ɩ̃ gbɛ́ɛ k'ɩ̃ɩ lo, bɛ puo nɩ sɔ́r waar a ɩ̃ kʋb ƴãw.

¹³Bɛ fur mɛ̃ nɩ a voru za, ɛ́ ƴãw fãw tone a ɩ̃ loba ƴãw, bɛ been kãw za bɛ tɛr sõwfʋ yel-ɩra ɩ.

¹⁴Bɛ cɛ n a ɩ̃ yir dacin puo kpɛ, bɛ darɛ nɩ taa waar a ɩ̃ ƴãw a dacin ŋmaarɛ nɩ a tã-dɛgɛ pʋɔ.

¹⁵Pʋl-vʋ̃ɔ nyɔw mɛ̃ na, a nɩr ɩ̃ na tɩ ɩ a, a tɔl'a mɛ̃ sɛsɛb na fu a, a ɩ̃ nʋ̃ɔ̀ tɔl'a mɛ̃ zũzuwr a.

¹⁶Ɛcɛ ƴɛrɛŋa a, a ɩ̃ nyɔ-vʋʋrʋ báarɛ na cere, kpɩɛrʋ bibie n'a tɛr mɛ̃.

¹⁷A tɩ̃ɩsɔw a, a 'wɔbrʋ mɩ́ 'wɔb mɛ̃ na tɩ tɔ a ɩ̃ kɔbɛ, ɛ́ a ɩ̃ jiile bɛ be na pɩ̃ɛnɩ ɛ.

¹⁸Naaŋmɩn ŋmʋr'a nyɔw mɛ̃ a kparʋ ƴãw, ʋ fɩɩrɩ mɛ̃ nɩ a kɔkɛɛ mɛ̃ kparʋ kɔkɔr na ɩ fɩɩra a.

¹⁹Ʋ lɔb mɛ̃ na ƴãw mɛ̃mɛrɛ pʋɔ, mãa n'ɩ ŋan ɩ mɛ̃ uuru nɩ tãpɛlʋ a.

²⁰Ɩ̃ Naaŋmɩn i, ɩ̃ lɔbr'ɩ cɛlsɩ bʋɔlɛ nɩ fʋ, ɛ́ fʋ bɛ sɔwr a ɩ̃ bʋɔlʋ ɛ, ɩ̃ àr'ɩ a fʋ niŋé, ɛ́ fʋ bɛ ŋmɛlɛ kaar mɛ̃ ɩ.

²¹Fʋ lɩɛb'ɩ po-to-sob a ɩ̃ zie, a fʋ fãw za n'a fʋ dɔwrɛ nɩ mɛ̃.

²²Fʋ ɩ n a sɛsɛb ɓáw mɛ̃, garɛ nɩ mɛ̃ mɛ̃ wur a, saa-sɛsɛb fure na ŋmɩɛr mɛ̃ a ziir za,

²³Ɩ̃ bãwnɩ a na, kũu zie n'a fʋ cere nɩ mɛ̃, a bʋ̃-vʋʋrɩ za tuor-taa zie.

²⁴Ɛcɛ sob nɛ na na kpi a, ʋ bɛ mɩ́ dɔl nũu bɔbr ɩ nyɔwfʋ zie ɩ? Sob nɛ na be kpɩɛrʋ pʋɔ a, ʋ bɛ mɩ́ kone bʋɔlɛ sõwne ɩ?

²⁵Ɛcɛ, ɩ̃ bɛ mɩ́ tɩ lãw nɩ a bɛlɩ dem a na wone a kone ɩ? A nã́w sob kpɩɛrʋ bɛ mɩ́ tɩ kpɩɛr mɛ̃ ɩ?

²⁶Ɩ̃ɩ na tɩ tɩɛrɛ a nʋ̃ɔ̀ a, kpɩɛrʋ n'a ta m, ɩ̃ tɩ gùre nɩ cãà ɛ́ lige n'a ta.

²⁷A socir mɩ́ tʋɔr mɛ̃ nɩ gerger, a ɩ̃ kpɩɛrʋ bibie á ŋá ƴãw.

²⁸Kpɩɛrʋ n'a ɩ̃ tɛr cere nɩ, cãà bɛ ka be a ɩ̃ ƴãw ɛ! Ɩ̃ mɩ́ ìr'ɩ a nɩ-yaga sɔgɔ ŋmɩɛr cɛlsɩ bɔbr'ɩ sõwfʋ.

²⁹A ɩ̃ kon ɩ na ɩ̃ lɩɛbɩ gbõgbo-cili yɛb ɛ́ vìíri ɩ a ɩ̃ taabɛ.

³⁰A ɩ̃ ƴã-gan ko na 'lawrɛ, ƴã-tʋlʋ vuule mɛ̃ n'a tɩ tɔ a kɔbɛ.

³¹A ɩ̃ korijom ŋmɩɛr'ɩ kuor zʋkpaɩ tɛwr, ɛ́ a kon-konbɛ kɔkɛɛ nɩ a ɩ̃ wele dem de taa.