Read Dagara, Northern Zɔb 35 Bible Online

Zɔb 35 - Dagara, Northern bible

Zɔb 35

¹Lɛ n'a a Elihu tɩ lɛb de a ƴɛ̀rʋ yel:

²Fʋ̃ʋ zie a, Zɔb i, fʋ tɛr'ɩ yel-mɩŋa fʋ na mɩ́ wa yel a Naaŋmɩn: «Mãa bɛ wa tɛr sãwna a, a bɛ ɩrɛ fʋ bom za ɩ! Mãa kɔnɩ a, ɩ̃ bɛ nyɛrɛ tɔnɛ kãw za a pʋɔ ɩ!» Fʋ tɩɛrɛ nɩ sɩza kɛ́ fʋ mɩ́ yel'ɩ yel-mɩŋa a Naaŋmɩn niŋé e?

⁴Cɛlɛ, mãa na sɔw na kʋ̀ b, fʋ̃ʋ nɩ a fʋ bárɩ za!

⁵Jɩ́r a salom vla, bɛl a zũzuge kaa: a do na gãw fʋ pol pol!

⁶Fʋ̃ʋ wa maalɛ a yel-bier a, a Naaŋmɩn n'ʋ fʋ malɛ ɛ? Fʋ̃ʋ wa zawrɛ a nɛ́ɛ suwle taa a, bʋ̃ʋ n'a a ɩrɛ ʋ?

⁷Fʋ̃ʋ wa ɩ nɩ-mɩŋa a, ʋ nyɛrɛ nɩ tɔnɛ kãw a pʋɔ bɩɩ? Bʋ̃ʋ n'ʋ ʋ páwr a fʋ zie?

⁸A fʋ nɩsaal-taabɛ nɛbɛ a fʋ nɩ-fa-ɩb malɛ, bɛl tɛwr nɛbɛ nyɛrɛ tɔnɛ a fʋ nɩ-mɩŋa ɩb pʋɔ.

⁹A dɔwrʋ na mɩ́ wa zuo a nɩbɛ a, bɛ mɩ́ kone na, bɛ mɩ́ ŋmɩɛr'ɩ cɛlsɩ a na-mɩnɛ na mɩ́ ɩrɛ a kpɩɛr bɛ a ƴãw.

¹⁰Ɛcɛ kãw za kʋ̃ yel: «Nyɩnɛ n'a a Naaŋmɩn na maalɩ mɛ̃ a be? Ʋl na mɩ́ ƴãw tɩ yielu tɩɛrʋ a kpɩɛrʋ daar a,

¹¹ʋl na mɩ́ ɩ tɩ bãw yele zuo a wɛ-dʋn a, ɛ́ ɩ tɩ ɩ yã-bãwnbɛ zuo a saa-zu lili a?»

¹²A nɩbɛ mɩ́ ŋmɩɛr'ɩ cɛlsɩ ziir za bɔbr'ɩ sõwfʋ, a yel-fa-maalbɛ na ɩ pɔ̀lʋ tɛwr a zũú, ɛcɛ a Naaŋmɩn bɛ mɩ́ sɔw bɛ ɩ.

¹³Sɩza n'a, a Naaŋmɩn kpɛnʋ-za-sob bɛ bɛrɛ wone a bɛ ƴɛ̀rʋ na bɛ tɛr pɛr a ɩ, ʋ bɛ ŋmɛlɛ kaar a ɩ.

¹⁴Ɛcɛ, Zɔb i, fʋ sʋ̃ɔm'a bul yel kɛ́ fʋ bɛ nyɛ̃ ʋ ɛ, kɛ́ fʋ man nɩ a fʋ yele kʋ̀ ʋ ɛ́ pãa gùre ʋ!

¹⁵Ɛcɛ ƴɛrɛŋa a, a Naaŋmɩn suur bɛ wa ìr a, ɛ́ ʋlɛ bɛ wa bãw bʋ̃ʋ n'ʋ so a nɩsaal gaarɛ a,

¹⁶a Zɔb ƴɛ̀rʋ na bɛ tɛr pɛr a n'a so, ʋ ƴɛ̀rɛ nɩ yaga yaga suwle taa ɛ́ bɛ bãw bom nɛ ʋ na yere a ɩ.