Read Dagara, Northern Zɔb 4 Bible Online

Zɔb 4 - Dagara, Northern bible

Zɔb 4

¹Lɛ n'a a Teman tẽw, Elifaazɩ, tɩ de a ƴɛ̀rʋ yel a Zɔb:

²Ɩ̃ bɛ sàw ƴɛ̀r a fʋ zie, a fʋ kanyir za na baar'a ƴãw. Ɛcɛ ɩ̃ kʋ̃ tʋ̃ɔ́ cãà ɩ gbili ɛ.

³Fʋ̃ʋ na tɩ wul nɩ-yaga yaga ɛ́ mɩ́ tɩ ɩ a bɛlɩ dem na bàl a bɛ lɛb tɛr kanyir a,

⁴fʋ̃ʋ a ƴɛ̀rʋ na mɩ́ tɩ nyɔw a bɛlɩ dem na sar lo a bɛ lɛb ìr a, ɛ́ ɩ a bɛlɩ dem na gɔ a bɛ lɛb dʋɔ a,

⁵fʋ̃ʋ n'ɩ ŋan a kpɩɛrʋ ta fʋ lore! Fʋ̃ʋ n'ɩ ŋan a kpɩɛrʋ páw fʋ yarɛ!

⁶A fʋ tɛra tɛwr'a tɩ so fʋ zɔrɛ a Naaŋmɩn ɩ? A alɩ bome nɛ ƴãw fʋ na tɩ ƴãw a fʋ tɩɛrʋ a, al tɛwr'a tɩ so fʋ ɩrɛ a vla a?

⁷Tɩɛrɩ vla nyɛ̃ Zɔb i: kpɩɛrʋ dãw na kʋ nɩbɛ na bɛ tɛr sãwna a, bɩɩ kʋ nɩ-mɩn ɩ?

⁸Yel ŋa n'ʋ mãa nyɛ̃: a bɛlɩ dem na kʋɔr a faalʋ ɛ́ bʋ̀rɛ a nãw-woro a, a faalʋ nɩ a nãw-woro n'a bɛ mɩ́ cɛ.

⁹Naaŋmɩn nʋɔr pɩɛlʋ mɩ́ kʋ bɛ na, a ʋ suur vũu mɩ́ dɩ bɛ na kʋ.

¹⁰Ʋ mɩ́ ɩ n a bɛ gbẽw uoru a baarɩ, ɛ́ kar a dʋ̃-faar á ŋá nyɩmɛ.

¹¹Lɛ n'a a gbẽw kpi, ʋ na bɛ tɛr bom za na dɩ a ƴãw, ɛ́ a gbẽw-nyãw bili zɔ yaarɩ.

¹²Ƴɛ̀rʋ kãw sɔwl'a ta m, a ɩ̃ tobr wõ n waalʋ na waalɛ zaa bɛ̀lbɛ̀l a.

¹³A tɩ̃ɩsɔw zánʋ pʋɔ, a lɛn daar a nɩsaalbɛ na mɩ́ gúr kpalɩtam a,

¹⁴dɛ̃bɩ̃-mawfʋ kãw tɩ nyɔw mɛ̃ na ɩ̃ màwr ɩ̃ za.

¹⁵Pɩɛlʋ kãw tɩ ŋmɛ m'ɩ a niwn ɛ́ ɩ zugamɛ bɩrɛ mɛ̃.

¹⁶Nɩr kãw tɩ àr'ɩ saaƴẽwn a be, ɩ̃ tɩ bãw ʋ na gu, dasule tɩ be n a ɩ̃ niŋé. Gbili tɩ n'a sɛr, ɛ́ a pùorí ɩ̃ wõ a ʋ kɔkɔr ʋ yere:

¹⁷«A nɩsaal na tʋ̃ɔ́ na ɩ nɩ-mɩŋa zuo a Naaŋmɩn ɩ? A nɩsaal na tʋ̃ɔ́ na vɩɛl zuo a ʋ Íre e?»

¹⁸Bɛl nyɛ̃: a Naaŋmɩn bɛ mɩ́ wa ƴãw a ʋ tɩɛrʋ a ʋ malkɩ mɩnɛ ƴãw a, ʋlɛ mɩ́ wa nyɛ̃ sãwna yere a tõ-tõ-biir na be a ʋ zie a salom zu a zie a,

¹⁹ŋmɩŋmɩn n'a ʋ na tʋ̃ɔ́ ƴãw a ʋ tɩɛrʋ a nɩsaalbɛ ƴãw? Bʋ̃ʋ n'ʋ vɛ̃, yawra n'a bɛ mɛ n bɛ, ɛ́ a bɛ ƴã-gamɛ ɩ uuru tɛwr! Bɛ na tʋ̃ɔ́ na taalɩ bɛ kʋ mɛ̃ nazʋɔ a.

²⁰Mʋ̃tɔ̃-been yõ, bɛ ƴɛ́r bɛ na ŋmɛr bɛ bɔr a nʋɔr kʋ, ɛ́ nɩr bɛ cɛlɛ be ɩ.

²¹Nɩ-yoru de nɩ a na-bome bɛ na páw a, ɛ́ bɛlɛ n'ɩ bɛ ŋa kpi bɛ za, bɛ na bɛ bãw yã a.