Read Dagara, Northern Zɔb 41 Bible Online

Zɔb 41 - Dagara, Northern bible

Zɔb 41

¹Nɩr wa manɛ k'ʋʋ na tʋ̃ɔ́ ʋ na a, ʋ bɛlɛ nɩ ʋ tʋɔra! A ʋ nyɛ́b tɛwr mɩ́ ɩ na fʋ lɩɛb tɩ lo!

²Ãa n'ʋ kpɛ pʋra na sàw damnɛ ʋ? A na ɩ à ŋá a, ãa n'ʋ pãa na sàw bà gbɛ́r a ɩ̃ niŋé?

³Ãa san n'ʋ ɩ̃ dɩ a fɛr k'ɩ̃ɩ ya ʋ? Mãa so bom za na be a tẽw zu a.

⁴Ɛcɛ ɩ̃ kʋ̃ bɛr a ʋ ƴã-gã-ɓɛrmɛ manʋ ɛ, a ʋ fãw nɩ a ʋ mɩɛrʋ na mɛ vla za a manʋ ɛ!

⁵Ãa n'ʋ sɩ a ʋ po-gan? Ãa n'ʋ sàw tɔl a ʋ kokamɛ ayi cara pʋɔ?

⁶Ãa n'ʋ fɛr ʋ ƴãw ʋ háa a ʋ nʋɔr ʋ za? A ʋ nyɩmɛ ɩrɛ nɩ dɛ̃bɩ̃ɛ.

⁷A pɛgɛ ɩ na mɛ̃ zɛbr kur-pãgalɩ na pɩɛrɩ pɩɛrɩ pàw a ʋ zikur za a, a mɛ n taa ɩ pɛwr-kpãkara.

⁸Pɛwr ŋa mɩ́ nyɔw nɩ pɛwr ŋa, kɛ̀ pɩɛl-bir kʋ̃ tʋ̃ɔ́ kpɛ a cara pʋɔ ɩ.

⁹Pɛwr ŋa mɩ́ mɛr'ɩ pɛwr ŋa kɛ̀ bom za kʋ̃ tʋ̃ɔ́ a wɛl ɛ.

¹⁰Ʋ mɩ́ pʋnɩ na, a cãà caalɩ, ɛ́ a ʋ mimie ɩ mɛ̃ zi-wɛl-paala cãà a.

¹¹Vũu-zɛlɛ yire nɩ a ʋ nʋɔrɩ́, vũu mɩ́ ɩ n pʋ̀rpʋ̀rpʋ̀r wa yi.

¹²Uuru yire nɩ a ʋ nyɔbɔgɛ pʋɔ, mɛ̃ a uuru na mɩ́ yire bom na karɛ ziduwle pʋɔ bɩɩ dʋw bɛ na dʋwlɩ a pʋɔ a.

¹³A ʋ nyɔbɔgɛ pɩɛlʋ mɩ́ ɩ n vũu bie a hɛw, vũu-zɛlɛ yire nɩ a ʋ nʋɔrɩ́.

¹⁴A ʋ nyũumɩ́ n'a a ʋ fãw be, a ʋ niŋé a, pʋ̀lá mɩ́ ƴaw fʋ na.

¹⁵A ʋ ƴã-gan pili pili na, fʋ̃ʋ saa nɛbr fʋ kʋ̃ tʋ̃ɔ́ nɛ̃ kpɛ ɩ.

¹⁶A ʋ socir kpawl'a mɛ̃ kʋsɩɛr a, ʋ kpɛmɛ na mɛ̃ nɩɛr a.

¹⁷Ʋlɛ wa ìr a, dɛ̃bɩ̃ɛ mɩ́ nyɔw nɩ a gãdaar bɛ zɔ yaarɩ.

¹⁸Bʋ̃ʋ n'ʋ vɛ̃, zɛbr-sɔ-kpɛ̃ɛ bɛ ɩrɛ ʋ bom za ɩ, kafin-wogo, kafin-ŋmãa nɩ pĩi a, ʋ bɛ zɔrɛ a ɩ.

¹⁹Ʋl zie a, a kure ɩ n mur, ɛ́ a kur-zɩɛ ɩ dà-pʋ̃ɔn.

²⁰Bɛ kʋ̃ tʋ̃ɔ́ tɛ ʋ ʋ zɔ ɩ, ʋl zie a, a kpala kube ɩ na mɛ̃ mur a.

²¹Ʋl zie a, kukuli-ŋmãa ɩ n mur-ŋmale, a kafine gɔmɛ ɩrɛ ʋ nɩ laarʋ.

²²A ʋ púor ɩ n pime nyãnyãa, ʋ mɩ́ nya n a mɛ̃mɛrɛ tɔl'ɩ mɛ̃ kur-jajaa a.

²³Ʋlɛ wa kpɩɛr a kʋ̃ɔ pʋɔ wa báarɛ a, a kʋ̃ɔ mɩ́ kárɛ na. Ʋ mɩ́ ɩ n kʋ̃ɔ puuru pàw a kʋ̃ɔ-kpɛ̃ɛ.

²⁴Ʋ mɩ́ tɔl'a ɛ́ puo sɔr-pla parpar. A kʋ̃ɔ-zulu mɩ́ ɩ na mɛ̃ a bul'ɩ zukɔbr-pɛlɛ a.

²⁵Ʋ bɛ tɛr ʋ tɔ a tẽw zu ɛ, ɩ̃ ír ʋ na ʋ bɛ bãw dɛ̃bɩ̃ɛ ɩ.

²⁶Ʋ bɛ zɔrɛ a dʋn al na yel kɛ́ a bɛ wõ a ɩ, ʋlɛ n'ɩ a wɛ-dʋ̃-faar za nãà.