Read Dagara, Northern Zɔb 9 Bible Online

Zɔb 9 - Dagara, Northern bible

Zɔb 9

¹Lɛ n'a a Zɔb tɩ de a ƴɛ̀rʋ yel:

²Sɩza n'a, ɩ̃ bãw na kɛ́ à ŋá n'a a ɩ. Ŋmɩŋmɩn za n'a nɩsaal na tɛr yel-mɩŋa a Naaŋmɩn niŋé?

³Alɛ ɩ mɛ̃ bɛ ŋmɩɛr'ɩ ʋ nɩ nɔkpɛn a, bɛ na ƴɛ̀r'ɩ ƴɛ̀r-bie túr, ʋʋ bɛ sɔw been ɛ.

⁴Yã-bãwfʋ za nãà nɩ fãw za sob, ãa n'ʋ ga bawr a ʋ zu ɛ́ bɛ nyɛ̃ a?

⁵Ʋ mɩ́ ɓáw nɩ a tan tɩ bin zi-yoru, ɛ́ a bɛ bãwnɩ a ɩ, ʋ mɩ́ nyɛ̃ nɩ suur da a lɔb.

⁶Ʋ mɩ́ ɩ n a tẽsɔw ʋ gbiwri tɩ tɔ a pɛr ɛ́ ɩ a kpule na tɩɛ ʋ tɛr a, a damnɛ.

⁷Ʋ mɩ́ ɩ n a mʋ̃tɔ̃w ʋ bɛ pur ɛ, ɛ́ piw a ŋmar-bie tɛr a bɛ nyɩwrɛ ɩ.

⁸Ʋ mɩ́ dɔl'ɩ a salom ʋ yõ, ɛ́ cere a kʋ̃ɔ-kpɛ̃ɛ kʋ̃ɔ-mie zu.

⁹Ʋlɛ n'ʋ maalɛ a Dɛ-kʋɔr-lɛjãw, a Baa-nɩ-ŋmãam-nɩ-pɔw-nyãw, a Kɔ̃wmɛ nɩ a ŋmar-bie al bɛ na bʋɔlɛ Saa-pɛrɩ́-dʋrʋ-lowr diru a.

¹⁰Ʋlɛ n'ʋ maalɛ yel-bɛrɛ na bɛ tɛr bãwfʋ a, nɩr kʋ̃ tʋ̃ɔ́ sɔ́r a ʋ nɔ-ɓãa-yele ɩ.

¹¹Ʋ mɩ́ tɔl'a pɩɛlɩ mɛ̃ ɩ̃ɩ bɛ nyɛ̃ ʋ ɛ, ʋ mɩ́ tɔl'a cen ɩ̃ɩ bɛ bãwnɩ a ɩ.

¹²Ʋlɛ wa de bom nɩ fãw a, ãa n'ʋ na yel k'ʋʋ lɛb tɩr? Ãa n'ʋ na sàw sowr'ʋ: «Bʋ̃ʋ n'ɩ à ŋá fʋ na pãa ɩrɛ a?»

¹³Naaŋmɩn bɛ nyɔwr a ʋ suur ɛ. A kʋ̃ɔ-kpɛ̃ɛ pʋɔ dʋ̃-bɩɩr, a Arahab[6] nɩ a ʋ kpɛ-ta-dem gã nɩ a ʋ pile.

¹⁴A na ɩ à ŋá a, ɩ̃ na tʋ̃ɔ́ na ƴɛ̀r lɩɛr'ɩ ʋ bɩɩ? Ƴɛ̀r-bie abobe n'a ɩ̃ na ƴɛ̀r tʋ̃ɔ́ nɩ ʋ?

¹⁵Mãa saa tɛr yel-mɩŋa a, ɩ̃ bɛ tɛr sɔwfʋ na sɔw ɛ. A ɩ̃ ƴɛ̀r-maalɛ n'ʋ a fɛr k'ɩ̃ɩ zɛlɛ.

¹⁶Mãa saa bʋɔl'ʋ ƴɛ̀rʋ zie ʋ sàw a, ɩ̃ kʋ̃ sàw tɩɛrɛ k'ʋʋ bɛr'a wõ m ɛ.

¹⁷Ʋ dɔwrɛ mɛ̃ na ɛ́ a bɛ tɛr pɛr ɛ, ɛ́ ƴãwnɛ mɛ̃ natɩɛ dɔwlɛ taa zawlalɛ.

¹⁸Ʋ bɛ sàwr ɩ̃ na vʋʋrɩ ɛ, ɛ́ ƴãw mɛ̃ ɩ̃ wone tuo.

¹⁹Fãw yele wa n'a a, ʋlɛ n'ɩ fãw. Ƴɛ̀rʋ maalʋ yele wa n'a a, ãa n'ʋ na bʋɔlɩ mɛ̃ a ƴɛ̀rʋ zie?

²⁰Mãa saa tɛr yel-mɩŋa a, a ɩ̃ nʋɔr na yel'a k'ɩ̃ɩ sãw na, ɩ̃ za saa n'ɩ ŋa a, ʋ na wul'a k'ɩ̃ɩ ɩ n nɩ-faa.

²¹Ɩ̃ za saa n'ɩ ŋa a, a mãa tɔr za kʋ̃ bãwnɩ a ɩ. A nyɔ-vʋʋrʋ bɛ ɩrɛ mɛ̃ vʋla ɩ.

²²Mãa zie a, nɩr na bɛ tɛr sãwna bɩɩ nɩr na tɛr sãwna a, a za ɩ n been, alɛ so ɩ̃ sàw yel k'aa Naaŋmɩn mɩ́ kʋ n a nɩr na bɛ tɛr sãwna a lãwnɩ a nɩr na tɛr sãwna a.

²³Yel-faa wa ùr ta kʋrɛ nɩbɛ na bɛ tɛr sãwna a, a Naaŋmɩn mɩ́ laar'a, a na wone bɛ a ƴãw.

²⁴Tẽw kãw wa lo nɩ-kʋrbɛ nuru pʋɔ a, ʋ mɩ́ ƴãw na a ƴɛ̀r-maalbɛ bɛ nyɛ̃ a ɩ! Ʋlɛ bɛ wa n'ʋ mɩ́ ɩ à à ŋá, ãa pãa n'ʋ a?

²⁵A ɩ̃ bibie baar'ɩ fɔ̃w zuo zɔ-zɔrɛ na zɔrɛ a, a tɔl'a ɛ́ bɛ bãw nʋ̃ɔ̀ ɩ,

²⁶a tɔl'a mɛ̃ bàa-kɛkɛɛ gbor-kpɛ̃ɛ na tʋ̃ɔ̀nɛ kʋ̃ɔ zu a, a tɔl'a mɛ̃ sɩla na siw fĩi ʋ nɛn ƴãw a.

²⁷Mãa wa yel ɩ̃ tʋɔra: yiiri a fʋ kpɩɛrʋ, ɩ a fʋ niwn ʋ vɩɛl, laar,

²⁸a ɩ̃ kpɩɛrʋ za mɩ́ ƴãwnɛ mɛ̃ nɩ dɛ̃bɩ̃ɛ, ɩ̃ɩ bãwnɩ a a Naaŋmɩn na kʋ̃ yel k'ɩ̃ɩ bɛ tɛr sãwna a.

²⁹Mãa wa ɩ sãwna sob a fʋ zie a, ɩ̃ lɛb bãw bàlɛ ɩ̃ tʋɔra zawlalɛ bʋnʋ ƴãw?

³⁰Mãa saa ɩ mɛ̃ ɩ̃ so n kʋ̃ɔ nɩ sɩfan a, mãa saa pɛ́w a ɩ̃ nuru nɩ zɩ̃ɛ a,

³¹fʋ na nyɔw mɛ̃ na 'lɔr mɛ̃mɛrɛ pʋɔ, ɛ́ a lɛn daar a, a ɩ̃ bʋ̃-suuri tɛɛ za na jewre mɛ̃ na.

³²Bʋ̃ʋ n'ʋ vɛ̃, a Naaŋmɩn bɛ ɩ nɩsaal mɛ̃ a mãa a ɩ. Ɩ̃ kʋ̃ tʋ̃ɔ́ sɔw ʋ ɛ, ɛ́ tɩ kʋ̃ tʋ̃ɔ́ lãw cen ƴɛ̀rʋ-dɩb zie ɩ.

³³A tɩ cara pʋɔ a, yel-maalɛ bɛ ka be na ír nũu dɔwlɩ a tɩ za ayi zu ɛ[7]!

³⁴Ʋ nãá piw nɩ a Naaŋmɩn tɛr ʋ ta ŋmɩɛr mɛ̃ ɩ, ɛ́ a dɛ̃bɩ̃ɛ kʋ̃ʋ cãà kʋrɛ mɛ̃ ɩ.

³⁵Ɛcɛ a Naaŋmɩn na faa ƴãwnɛ mɛ̃ a pʋl-vʋ̃ɔ a, ɩ̃ kʋ̃ tʋ̃ɔ́ ƴɛ̀r faa ɩ̃ tʋɔra mɛ̃ a lɛ ɩ̃ nãá ɩ a ɩ.