Read Dagara, Northern Sɛb-sõw yielu 111 Bible Online

Sɛb-sõw yielu 111 - Dagara, Northern bible

Sɛb-sõw yielu 111

¹Aleluya! Ɩ̃ na danɛ nɩ a Sore nɩ ɩ̃ pʋɔ za, a soci-vɩɛlɩ dem sɔgɔ nɩ a ʋ nɩbɛ lãw pʋɔ.

²A Sore tome ɩ n tõ-bɛrɛ bɛrɛ! Bɛlɩ dem za na nɔnɛ a a mɩ́ jɛlɛ a na kaar.

³Yúor nɩ vɩɛlʋ tɛwr mɩ́ n'ɩ a ʋ ton, ɛ́ a ʋ mɩnʋ be be kʋralɛ.

⁴Ʋ bɔbr'a kɛ́ bɛ mɩ́ tɛr a ʋ nɔ-ɓãa-yele tɩɛrʋ. A Sore ɩ n su-ɓaarʋ sob nɩ nɩbaal-zɔrɛ.

⁵Ʋ guole nɩ a bɛlɩ dem na zɔrɛ ʋ a, ʋ bãwnɩ nɩ a ʋ wõ-taa kʋralɛ.

⁶A Sore wul'ɩ a ʋ nɩ-bʋʋrɛ a ʋ fãw, ʋ na de a nɩ-bʋʋr-yoru tẽw kʋ̀ bɛ a.

⁷Yel za ʋ na maalɛ a mɩ́ ɩ n yel-mɩŋa ɛ́ tu sɔ́r, a ʋ nɛ-ƴãwnɩ za sɛwnɩ nɩ deb.

⁸A bɛ lɩɛbɛ towtow ɛ, a na ɩ yel-mɩŋa ɛ́ tu sɔ́r a ƴãw.

⁹A Sore tõ na bɛ tɩ faa a ʋ nɩ-bʋʋrɛ, ʋ maal'ɩ bɛ nɩ wõ-taa na be kʋralɛ a. A Sore ɩ n sõw ɛ́ bɛ tɛr dɩ̃ɛnʋ ɛ.

¹⁰A yã-bãwfʋ tib zie n'ɩ a Sore zɔba. Bɛlɩ dem za na sàwr a ʋ nɛ́ɛ a sɩrɩ na ɩ yã-bãwnbɛ. A Sore danʋ be n be kʋralɛ.