Read Dagara, Northern Sɛb-sõw yielu 112 Bible Online

Sɛb-sõw yielu 112 - Dagara, Northern bible

Sɛb-sõw yielu 112

¹Aleluya! Zu-nʋ̃ɔ̀ sob'ɩ a nɩr na zɔrɛ a Sore, ɛ́ nɔnɛ a ʋ nɛ-ƴãwnɩ a.

²A ʋ bibiir na tɛr'ɩ fãw a tẽw pʋɔ, bʋ̃ʋ n'ʋ vɛ̃, Naaŋmɩn mɩ́ maal'ɩ a soci-vɩɛlɩ dem.

³A nɩr ŋa mɩ́ kpɛ n naalʋ, ɛ́ bom za bɛ fɛrɛ ʋ ɛ, ɛ́ a ʋ mɩnʋ be be kʋralɛ.

⁴Cãà mɩ́ pur'ɩ a lige pʋɔ a soci-vla sob ƴãw. Nɩ-mɩŋa nɩ nɩ-vla n'ʋ, su-ɓaarʋ sob'ʋ.

⁵Nɩ-vla n'ɩ a sob nɛ na zɔrɛ nɩbaalʋ ɛ́ pɛ̃wn a ʋ bome a, ʋ mɩ́ ɩ n a ʋ yele za a tu sɔ́r.

⁶A nɩ-mɩŋa bɛ be za na lo ɩ, a nɩbɛ na tɛr'ɩ a ʋ tɩɛrʋ kʋralɛ.

⁷Ʋ kʋ̃ zɔrɛ a yel-faar bɛ nãà wa yel ʋ a dɛ̃bɩ̃ɛ ɩ. A ʋ socir bɛ màwr ɛ, ʋ ƴãw nɩ a ʋ tɩɛrʋ a Sore ƴãw.

⁸Ʋ kpɛmɛ nɩ socir, ʋ bɛ zɔrɛ bom za ɩ, ɛ́ gù ʋ wa tɩ nyɛ̃ a ʋ dɔ̃ dem vĩ.

⁹Ʋ bɛ tɩrɛ zʋmnɛ nɩ ɛ, ʋ kʋ̀ n a nan dem, a ʋ mɩnʋ be n be kʋralɛ. A ʋ fãw kɛrɛ na lãwnɩ a ʋ yúor.

¹⁰A nɩ-faa nyɛ̃ nɩ a lɛ suur kʋrɛ ʋ, ʋ 'wɔbr'ɩ a ʋ nyɩmɛ, ɛ́ a ʋ ƴã-gan sɩrɛ. A nɩ-faar tɩɛrʋ na wɛ na.