Read Dagara, Northern Sɛb-sõw yielu 115 Bible Online

Sɛb-sõw yielu 115 - Dagara, Northern bible

Sɛb-sõw yielu 115

¹Sore e, tɩmɛ bɛ nɛbɛ fʋ na kʋ̀ a yúor-vɩɛlʋ-danʋ ɛ, tɩmɛ bɛ nɛbɛ ɩ, a fʋ̃ʋ n'ʋ, a fʋ nɔ̃wfʋ nɩ a fʋ yel-mɩŋa zũú.

²Bʋnʋ ƴãw n'a a nɩ-bʋʋr-yoru na yere: «Nyɩnɛ n'a a bɛ Naaŋmɩn be mɔ̃?»

³A tɩ Naaŋmɩn be n a salom zu, ʋ mɩ́ maal'ɩ bom za ʋ na bɔbr'a.

⁴Ɛcɛ salm-pla nɩ salm-zɩɛ n'a bɛ maal'ɩ a bɛ tɩbɛ, nɩsaalbɛ nuru bʋ̃-maalɩ n'a.

⁵A tɛr'ɩ nʋɔr, ɛ́ bɛ ƴɛ̀rɛ ɩ, tɛr mimie, ɛ́ bɛ nyɛrɛ ɩ,

⁶tɛr tobe, ɛ́ bɛ wone ɩ, tɛr nyɔbɔgɛ, ɛ́ bɛ wone nyuure ɩ,

⁷tɛr nuru, ɛ́ bɛ tʋ̀ɔr bom ɛ, tɛr gbɛ́ɛ, ɛ́ bɛ cere ɩ. Fʋ kʋ̃ wõ a kɔkɔr ɛ.

⁸A bɛlɩ dem na maalɩ a a, bɛ ŋmɛ̃ taa nɩ a, nɩ a bɛlɩ dem za na ƴãw a bɛ tɩɛrʋ a ƴãw a.

⁹— Ɩsɩrayɛl dɔwlʋ nɩbɛ ɛ, nyɩ ƴãw a nyɩ tɩɛrʋ a Sore ƴãw. — Ʋlɛ n'ɩ a bɛ sõwne nɩ a bɛ zɛbr-kur-pãgala.

¹⁰— Aarɔ̃ yir dem i[40], nyɩ ƴãw a nyɩ tɩɛrʋ a Sore ƴãw. — Ʋlɛ n'ɩ a bɛ sõwne nɩ a bɛ zɛbr-kur-pãgala.

¹¹— Nyɩɩm na zɔrɛ a Sore a, nyɩ ƴãw a nyɩ tɩɛrʋ a Sore ƴãw. — Ʋlɛ n'ɩ a bɛ sõwne nɩ a bɛ zɛbr-kur-pãgala.

¹²— A Sore bãwnɩ tɩ na, ɛ́ na maalɩ tɩ. — Ʋ na maal'ɩ a Ɩsɩrayɛl dɔwlʋ nɩbɛ, ʋ na maal'ɩ a Aarɔ̃ yir dem!

¹³— Ʋ na maal'ɩ a bɛlɩ dem za na zɔrɛ ʋ a, a pʋrmɛ lãwnɩ a bɛrɛ.

¹⁴A Sore, ʋ ɩ nyɩ yɛ̀r yãwmɛ, nyɩɩm nɩ a nyɩ bibiir.

¹⁵A Sore ʋ maalɩ nyɩ, ʋl na ír a salom nɩ a tẽw a!

¹⁶A salom a, a Sore salom'ʋ, ʋʋ kʋ̀ a tẽsɔw a nɩsaalbɛ.

¹⁷Kũuni bɛ danɛ a Sore ɩ, bɛl na siwr a gbili tẽw[41] a.

¹⁸Tɩɩm a, tɩ puore nɩ a Sore yãanɩ, ƴɛrɛŋa nɩ kʋralɛ. Aleluya!