Read Dagara, Northern Sɛb-sõw yielu 12 Bible Online

Sɛb-sõw yielu 12 - Dagara, Northern bible

Sɛb-sõw yielu 12

¹A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Fomie ani korijom'ʋ bɛ mɩ́ yiele ŋmɩɛr'ɩ ƴãwn. Daviir yielu kãw n'ʋ.

²Sore e, faa wɛ! A nɩ-mɩn báarɛ na, yel-mɩŋa kãw za bɛ cãà be a nɩsaalbɛ cara pʋɔ ɩ.

³Ziri tɛwr'a bɛ ŋmarɛ kʋ̀rɛ taa. A nʋɔr mɩ́ ɩ n nɔ-kãá, ɛ́ a tɩɛrʋ ɩ ziir ayi.

⁴A Sore, ʋ ɩ a nɔ-kãánɩ dem za bɔr, nɩ a bɛlɩ dem na mɩ́ ƴɛ̀rɛ garɛ nɩ baw a,

⁵nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

⁶«Ɛcɛ ƴɛrɛŋa a, a Sore yere na, a nan dem bɛ na dɔwrɛ a, nɩ a bãbàalbɛ na kone a ƴãw, ɩ̃ ìre na. Ɩ̃ na faa nɩ a sob nɛ bɛ na pɩ́rɛ nɩ nũu bɛrɛ a.»

⁷A Sore ƴɛ̀rʋ ɩ n ƴɛ̀rʋ na ɩ cãà a, mɛ̃ salm-pla bɛ na zuw ír tanɛ pʋɔ a, bɛ na zuw gb'a ayopõi ír a dɛwr bɛr a.

⁸A fʋ̃ʋ a, Sore e, fʋ na tu n a fʋ ƴɛ̀rʋ pùor, fʋ na gù tɩ nɩ kʋralɛ a nɩbɛ bɛ ŋa ƴãw.

⁹A nɩ-faar lanɛ na gʋɔr a ziir za, ɛ́ a nɩsaalbɛ fàrɛ cere.