Read Dagara, Northern Sɛb-sõw yielu 14 Bible Online

Sɛb-sõw yielu 14 - Dagara, Northern bible

Sɛb-sõw yielu 14

¹A yiel-yielbɛ nɩ-kpɛ̃ɛ sɛbɛ pʋɔ yielu nɩ Daviir yielu n'ʋ. A dãbole mɩ́ tɩɛrɛ nɩ nɩ bɛ pʋɔ yere: «Naaŋmɩn bɛ ka ɩ!» A nɩbɛ bɛ ŋa sãw nɩ bɛ za, a bɛ ɩ-ɩrɩ bɛ maal'ɩ wob ɛ, been kãw za bɛ ɩrɛ vla ɩ.

²A Sore be n a salom zu ɛ́ vuoli k'ʋʋ jɩ́r a nɩsaalbɛ kaa, k'ʋʋ nyɛ̃ yã-bãwnɛ wa be be bɔbr ʋ a.

³Bɛ za bɛr'ɩ a sɔ́r, bɛ lãw na sãw bɛ za. Kãw za bɛ ɩrɛ vla ɩ, ʋ bɛ ka be ɩ been mɩ̀ ɛ.

⁴A Sore yere na: «Bɛ sɩrɩ bɛ bãw bom za ɩ, a yel-fa-maalbɛ bɛ ŋa za, na nɛbr a ɩ̃ nɩ-bʋʋrɛ, dɩrɛ nɩ a bɛ bʋ̃-dɩrɩ, ɛ́ bɛ ŋmɛlɛ kaar mɛ̃ towtow a.»

⁵Bɛlɛ n'ɩ bɛ ŋan pʋl-vʋ̃ɔ nyɔw, bʋ̃ʋ n'ʋ vɛ̃, Naaŋmɩn be n a nɩ-mɩn lowr.

⁶Nyɩ mɩ́ yel kɛ́ nyɩ sãw a su-siwra sob tɩɛrʋ, ɛcɛ a Sore n'ɩ a ʋ naayir kpɛb zie.

⁷Ãa n'ʋ na be a Sɩyɔ̃ ɛ́ kʋ̀ a Ɩsɩrayɛl a faafʋ? A Sore wa lɛb maalɩ a ʋ nɩbɛ yele ƴãw a, a Zakɔb bʋʋrɛ na cɩlɛ na, nʋ̃ɔ̀ na ɩrɛ nɩ a Ɩsɩrayɛl.