Read Dagara, Northern Sɛb-sõw yielu 146 Bible Online

Sɛb-sõw yielu 146 - Dagara, Northern bible

Sɛb-sõw yielu 146

¹Aleluya! Ɩ̃ sɩ́ɛ ɛ, danɛ a Sore yoo!

²Ɩ̃ na danɛ nɩ a Sore a ɩ̃ nyɔ-vʋʋrʋ daar za, ɩ̃ na yiele na danɛ nɩ a ɩ̃ Naaŋmɩn, lɛn daar za ɩ̃ na na cãà a.

³Nyɩ ta ƴãw a nyɩ tɩɛrʋ a tẽw ŋa zu nɩ-yée ƴãw ɛ: nɩsaalbɛ tɛwr nɛbɛ, bɛ kʋ̃ tʋ̃ɔ́ faa nɩr ɛ.

⁴Bɛlɛ wa kpi a, bɛ mɩ́ lɛb'a lɩɛbɩ tanɛ, ɛ́ a bɛ tɩɛrʋ mɩ̀ wɛ a ʋlɩ bibir.

⁵Zu-nʋ̃ɔ̀ sob'ɩ sob nɛ a Zakɔb Naaŋmɩn na ɩ a sõwne a, ʋʋ mɩ́ ƴãw a ʋ tɩɛrʋ a Sore ʋ Naaŋmɩn ƴãw a!

⁶A Sore n'ʋ ír a salom nɩ a tẽw, a kʋ̃ɔ-kpɛ̃ɛ nɩ bom za na be a pʋɔ a. Ʋlɛ n'ɩ a yel-mɩŋa gure kʋralɛ.

⁷Ʋ mɩ́ kpɛ n a bɛlɩ dem bɛ na dɔwrɛ a, ʋ mɩ́ kʋ̀ n bʋ̃-dɩrɩ a kɔ̃ dem. A Sore mɩ́ yuo nɩ a nɩ-pàwrɩ bɛr,

⁸a Sore mɩ́ ɩ na a zɔn lɛb nyɛrɛ, a Sore mɩ́ nyɔw nɩ a bɛlɩ dem na bɛ tɛr fãw a, bɛ lɛb ìr, a Sore nɔnɛ nɩ a nɩ-mɩn.

⁹A Sore kaarɛ nɩ a nʋʋrɩ zie, ʋ mɩ́ tɩɛ nɩ a bi-kpieb nɩ a pɔw-kʋɔr, ɛcɛ ʋ mɩ́ ɩ n a nɩ-faar tɩɛrʋ a wɛ.

¹⁰A Sore na dɩrɛ nɩ naalʋ kʋralɛ! Ʋlɛ n'ɩ a fʋ Naaŋmɩn, Sɩyɔ̃ i, a yome yome za! Aleluya!