Read Dagara, Northern Sɛb-sõw yielu 15 Bible Online

Sɛb-sõw yielu 15 - Dagara, Northern bible

Sɛb-sõw yielu 15

¹Daviir yielu kãw n'ʋ. — Sore e, ãa n'ʋ fʋ na tʋ̃ɔ́ sàw de a fʋ yir pʋɔ? Ãa n'ʋ na kpɩɛr a fʋ tãw-sõw zu?

²— Sob nɛ na bɛ tɛr sãwna bɛ yere a n'ʋ, ʋ tuur'ɩ yel-mɩnʋ, ɛ́ yere a ʋ pʋɔ yel-mɩŋa.

³Ʋ bɛ manɛ a ʋ taabɛ yel-faar ɛ, ʋ bɛ malɛ a ʋ tɔ ɩ, ɛ́ bɛ ƴãwnɛ a ʋ kpɛ-pɩɛl vĩ ɛ.

⁴Ʋ bɛ ŋmɛlɛ kaar bɛlɩ dem Naaŋmɩn na bɛ de a bɛ yele a ɩ, ɛcɛ ʋ mɩ́ ƴãwnɛ nɩ a bɛlɩ dem na ƴãwnɛ a Sore a. Ʋlɛ wa pɔ, a lɛb wa fɛrɛ ʋ a, ʋ bɛ mɩ́ lɩɛbɩ a nʋɔr bɛr ɛ.

⁵Ʋ bɛ mɩ́ pɛ̃w a ʋ libie bɔbr'ɩ dɔwlɛ ɩ, ʋ bɛ sàwr bɛ ŋmɩɛr ʋ nʋɔr nɩr na bɛ sãw a nyɔwfʋ ƴãw ɛ. Sob nɛ na ɩrɛ à à ŋá a bɛ be za na lo ɩ.