Read Dagara, Northern Sɛb-sõw yielu 150 Bible Online

Sɛb-sõw yielu 150 - Dagara, Northern bible

Sɛb-sõw yielu 150

¹Aleluya! Nyɩ danɛ a Naaŋmɩn a ʋ yir-sõw pʋɔ, nyɩ danɛ ʋ, a salom na ɩ a ʋ fãw ton a zu.

²Nyɩ danɛ ʋ, a ʋ gãda-tome ƴãw, nyɩ danɛ ʋ, ʋ na ɩ kpɛ̃ɛ bɛ dɩ vuo a ƴãw.

³Nyɩ pɛblɛ wɩ́ɛ danɛ nɩ ʋ, nyɩ ŋmɩɛr korijom nɩ pɛ̀nɛ́ danɛ nɩ ʋ.

⁴Nyɩ ƴawr manɛ nɩ a kʋɔr danɛ nɩ ʋ, nyɩ danɛ ʋ nɩ fomie bʋ̃-ŋmɩɛrɩ nɩ 'laa'lɩɛ.

⁵Nyɩ wɔwrɛ a sɛ̃sɛgɛ danɛ nɩ ʋ, nyɩ wɔwrɛ a sɛ̃sɛgɛ cáarɛ nɩ danɛ nɩ ʋ.

⁶Bʋ̃-vʋʋra za, ʋ danɛ a Sore! Aleluya!