Read Dagara, Northern Sɛb-sõw yielu 2 Bible Online

Sɛb-sõw yielu 2 - Dagara, Northern bible

Sɛb-sõw yielu 2

¹Bʋnʋ ƴãw n'a a nɩ-bʋʋr-yoru damnɛ, ɛ́ a nɩ-bʋʋrɛ tɩɛrɛ tɩɛr-zawlɛ?

²A tẽw na-mɩnɛ cɔbrɛ na na zɛb, ɛ́ a nɩ-bɛrɛ bʋ̀rɛ taa kɛ́ bɛ zɛb'ɩ a Sore[2] nɩ a ʋ nɩ-kabra.

³Bɛ yere na: «Nyɩ ɩ tɩ ŋma a gbãgba-mie bɛ na 'lẽ nɩ tɩ a bɛr, tɩ ta sàw bɛ cãà dɩrɛ naalʋ tɩ zu ɛ!»

⁴Ɛcɛ a Sore nyɔw nɩ laarʋ, a sob nɛ na zɩ̃ a salom zu a ɩrɛ bɛ na laar.

⁵Al pùorí, ʋ ƴɛ̀rɛ nɩ suur a bɛ zie, ɛ́ ƴãwnɛ bɛ pʋl-vʋ̃ɔ nɩ a ʋ su-yãyaar:

⁶ʋ yere na: «Mãa n'ʋ cir a kãá ƴãw a ɩ̃ nãà, a Sɩyɔ̃ na ɩ a ɩ̃ tãw-sõw a zu.»

⁷Nyɩ vɛ̃ ɩ̃ lɛb yel a lɛ a Sore na yel a[3], ʋ yel mɛ̃ na: «Fʋ̃ʋ n'ɩ a ɩ̃ bidɛb, dɩ̃a bio na vɩɛ a, mãa n'ʋ ɩ a fʋ sãà.

⁸Zɛlɩ mɛ̃, ɩ̃ɩ na kʋ̀ b'ɩ a nɩ-bʋʋr-yoru fʋ só bɛ, fʋ na só nɩ a tẽw za.

⁹Kure dabɔl'ʋ fʋ na tʋ̃ɔ́ nɩ bɛ, fʋ na ŋmɛ bɛ na ŋmɛr pɩrɩsɩsɩ mɛ̃ yawra laa a.»

¹⁰Ƴɛrɛŋa a, nyɩɩm na-mɩnɛ ɛ, nyɩ zanɩ yã, tẽ-daa ƴɛ̀r-dɩrbɛ ɛ, nyɩ sàw bɛ wul nyɩ.

¹¹Nyɩ sàwr a Sore nʋɔr ɛ́ ƴãwnɛ ʋ, nyɩ cɩlɛ síwre nɩ nyɩ tʋɔra.

¹²Nyɩ ƴãwnɛ ʋ, alɛ bɛ ɩ lɛ, ʋ nãà mab'a nyɛ̃ suur nyɩ kpi a sɔ́r zu, bʋ̃-bile blã, ɛ́ a ʋ suur mɩ́ 'lere na mɛ̃ vũu a. Zu-nʋ̃ɔ̀ dem'ɩ a bɛlɩ dem za na zɔrɛ kpɩɛr a ʋ naayir a!