Read Dagara, Northern Sɛb-sõw yielu 20 Bible Online

Sɛb-sõw yielu 20 - Dagara, Northern bible

Sɛb-sõw yielu 20

¹A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ.

²A Sore, ʋ sɔw fʋ a kpɩɛrʋ bibir! A Zakɔb Naaŋmɩn, ʋ gùre fʋ ʋl mɩŋa!

³Ʋ be a ʋ zi-sõw pʋɔ, ɛ́ tɩr a sõwfʋ kʋ̀ b, ʋ be a Sɩyɔ̃ ɛ́ tɩɛ fʋ tɛr!

⁴Ʋ taa yiire a fʋ de-kʋ̀b-bʋ̃-been bɛrɛ ɩ, ʋ sàw de a fʋ nyɩw-a-za-bagɛ za! Tɛw-àrʋ

⁵Ʋ kʋ̀ b a ʋlɩ bom nɛ fʋ na bɔbr a, ɛ́ maalɩ a fʋ pʋ-tɩɛrʋ za!

⁶Lɛ n'a tɩ na cáarɛ a faafʋ fʋ na nyɛ̃ a ƴãw, tɩ na zɛw a dɩrapo[5] a tɩ Naaŋmɩn yúor ƴãw. A Sore, ʋ tu a fʋ zɛlʋ za pùor maalɩ fʋ!

⁷Ƴɛrɛŋa a, ɩ̃ bãwnɩ a na, a Sore sõwne nɩ a ʋ nɩ-kabra, ʋ be n a ʋ zi-sõw pʋɔ a salom zu, ɛ́ sɔwr ʋ, a ʋ dʋrʋ nũu tone nɩ gãda-tome a ʋ faafʋ ƴãw.

⁸Bɛ mɩnɛ a, a bɛ zɛbr-torkori ƴãw n'a bɛ ɩrɛ ƴãwn, ɛ́ bɛ mɩnɛ ɩrɛ ƴãwn a bɛ wie ƴãw, ɛ́ a tɩɩm a, a Sore tɩ Naaŋmɩn ƴãw n'a tɩ ɩrɛ ƴãwn, a ʋ yúor'ʋ tɩ bʋɔlɛ.

⁹A bɛl a, bɛ bɛ tʋ́ɔr ɛ, bɛ lore na, tɩɩm a, tɩ ba n gbɛ́r, àr saaƴẽwn.

¹⁰Sore e, faa a nãà, ʋ tʋ̃ɔ́ mɩ́ sɔw tɩ a bibir ʋl tɩ na bʋɔlɛ ʋ a.