Read Dagara, Northern Sɛb-sõw yielu 26 Bible Online

Sɛb-sõw yielu 26 - Dagara, Northern bible

Sɛb-sõw yielu 26

¹Daviir so ʋ. Sore e, dɩ n mɛ̃ a ƴɛ̀rʋ wul a ɩ̃ yel-mɩŋa, bʋ̃ʋ n'ʋ vɛ̃, sãwna bɛ be a ɩ̃ cenu pʋɔ ɩ, ɛ́ a tɩɛrʋ ɩ̃ na ƴãw a fʋ ƴãw a, kʋ̃ bãw damnʋ ɛ.

²Ŋmãa a ɩ̃ pùor nyɛ̃, Sore e, ɩ m kaa, jɛl a ɩ̃ tɩɛrʋ nɩ a ɩ̃ pʋɔ za.

³A fʋ nɔ̃wfʋ ɩ-ɩrɩ be n a ɩ̃ niŋé, ɛ́ a fʋ yel-mɩŋa sɔ́r zu n'a ɩ̃ cere.

⁴Ɩ̃ bɛ lãw zɩnɛ nɩ nɩ-bɛlbɛ ɩ, mãa nɩ nɩsaal-libelibe bɛ lãw cere ɩ.

⁵Ɩ̃ bɛ nɔnɛ a yel-fa-maalbɛ lãw ɛ, ɩ̃ bɛ lãw zɩnɛ nɩ nɩ-faar ɛ.

⁶Ɩ̃ na pɛ́w nɩ a ɩ̃ nuru, a wul ɩ̃ na bɛ tɛr sãwna a, ɛ́ ɩ̃ na cen na viiri koli a fʋ bàwr-maal-kuur, Sore e,

⁷puore nɩ fʋ a yãanɩ, ɛ́ manɛ a fʋ nɔ-ɓãa-yel-maalɩ za.

⁸Sore e, ɩ̃ nɔnɛ nɩ a yir fʋ na kpɩɛr a, nɩ a zie ʋl a fʋ yúor-vɩɛlʋ-danʋ na be a.

⁹Ta ɩ mãa nɩ a yel-bebe dem ɩ been ɛ, taa íre a ɩ̃ nyɔ-vʋʋrʋ mɛ̃ a nɩ-kʋrbɛ dem a ɩ.

¹⁰A bɛ nuru tõ n tõ-faar na bɛ maal'ɩ wob a, a paal'ɩ bʋ̃-kʋ̀rɩ a nɩbɛ na ŋmɛ n bɛ a nʋɔr a.

¹¹Mãa a, sãwna bɛ be a ɩ̃ cenu pʋɔ ɩ, zɔ ɩ̃ nɩbaalʋ ɛ́ faa mɛ̃.

¹²Sɔr-vla zu n'a ɩ̃ be, ɩ̃ na manɛ nɩ a Sore vɩɛlʋ a lãw nɩbɛ pʋɔ.