Read Dagara, Northern Sɛb-sõw yielu 36 Bible Online

Sɛb-sõw yielu 36 - Dagara, Northern bible

Sɛb-sõw yielu 36

¹A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. A Sore tõ-tõ-bie Daviir so ʋ.

²A nɩ-faa nɔ-gaara ʋ na ƴɛ̀r a, ɩ̃ tɛr ʋ na tɩɛrɛ: ʋl zie a, «A Naaŋmɩn zɔba bɛ tɛr pɛr ɛ.»

³Ʋ nɔnɛ nɩ ʋ tʋɔra zuo, nɩ ʋ na na sàw a ʋ sãwna, ɛ́ hɩ̃ɛn a sãwna ŋa a.

⁴Ziri nɩ bɛlʋ nʋɔr tɛwr'ʋ ʋ ƴãw, ʋ bɛ cãà tɛr a yel-vla maalʋ yã ɩ.

⁵A ʋ bʋ̃-gana zu n'a ʋ mɩ́ tɩɛrɩ a faa, ʋ kpãa nɩ tobr tuur sɔ́r na bɛ vɩɛl a, ʋ bɛ zawrɛ a yel-faa bɛrɛ ɩ.

⁶Sore e, a fʋ nɔ̃wfʋ do na tɔ a salom, a fʋ yel-mɩŋa do na ta a zũzuge.

⁷A fʋ mɩnʋ ɩ na mɛ̃ a tã-kɛrɩ a, ɛ́ a ƴɛ̀rʋ fʋ na dɩ a, ɩ mɛ̃ kʋ̃ɔ-kpɛ̃ɛ na zulme a. Sore e, fʋ mɩ́ faa nɩ a nɩbɛ nɩ a dʋn.

⁸Naaŋmɩn i, nyɛ̃ a fʋ nɔ̃wfʋ na ɩ bʋ̃-sɩza sɛw a! A nɩsaalbɛ zɔrɛ na sɔwlɛ a fʋ pɩgɛ ɓaarʋ́.

⁹Bɛ mɩ́ dɩ n a fʋ yir bʋ̃-dɩ-nʋʋr tɩ tɩw, ɛ́ páw a fʋ bʋ̃-vɩɛlɩ a gbɔlɛ mɛ̃ man kʋ̃ɔ a.

¹⁰Bʋ̃ʋ n'ʋ vɛ̃, fʋ̃ʋ zie n'a a nyɔ-vʋʋrʋ bul-nʋɔr be, a fʋ cãà n'a mɩ́ ɩ tɩ nyɛ̃ a cãà.

¹¹Tɛr a fʋ nɔ̃wfʋ a bɛlɩ dem na bãw fʋ a zie, nɩ a fʋ mɩnʋ a soci-dẽdẽ dem zie.

¹²A pɔ̀lʋ sob, ʋ taa tarɛ mɛ̃ ɩ, ɛ́ a nɩ-faar taa ɩrɛ k'ɩ̃ zɔrɛ ɩ!

¹³A fʋ zie ka n'a a yel-fa-maalbɛ mɩ́ lo, bɛ ŋmɛ bɛ na lɔb bɛ kʋ̃ lɛb tʋ̃ɔ́ ìr ɛ.