Read Dagara, Northern Sɛb-sõw yielu 39 Bible Online

Sɛb-sõw yielu 39 - Dagara, Northern bible

Sɛb-sõw yielu 39

¹Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ, nɩ Yedutun [11] yielu. Sɛb-sõw yielu Daviir na maalɩ a.

²Ɩ̃ tɩ yere na: «Ɩ̃ na maal'a ɩrɛ, taa wa mabr a ɩ̃ ƴɛ̀rʋ pʋɔ ɩ. Ɩ̃ na sɛ n a ɩ̃ nʋɔr pàw, lɛn daar za a nɩ-faa na na àr a ɩ̃ niŋé a.»

³Lɛ n'a ɩ̃ tɩ ɩ a wõw, ɩ a gbili, ɩ̃ bɛ sàw yel bom ɛ. Ɛcɛ a 'wɔbrʋ tɩ gãw mɛ̃ na.

⁴Pʋɔ tɩ karɛ mɛ̃ nɩ za, a ɩ̃ 'woi 'woi za mɩ́ tɩ ɩ na mɛ̃ vũu na kab mɛ̃ a! Lɛ n'a ɩ̃ wa vʋʋrɩ gu ɛ́ ƴɛ̀r:

⁵Sore e, ɩ k'ɩ̃ bãw a ɩ̃ nyɔ-vʋʋrʋ baarʋ daar, nɩ a ɩ̃ bibie nʋɔr, ɩ̃ na nyɛ̃ na ɩ̃ na bɛ cɛlɛ a!

⁶Fʋ ɩ na a ɩ̃ bibie wogo za ɩ nũ-ɓal, ɛ́ a ɩ̃ nyɔ-vʋʋrʋ bɛ ta bom za a fʋ zie ɩ. Yel-mɩŋa, ʋlɛ saa kpɛmɛ a, ɛcɛ nɩsaal za ɩ n pɩɛlʋ. Tɛw-àrʋ

⁷Ʋ mɩ́ cen na kɛ́ wa, ɛcɛ ɓaarʋ tɛwr'ʋ. Ʋ mɩ́ damnɛ na, ɛcɛ sɛsɛb tɛwr'ʋ. ʋ mɩ́ bɔbr'a bine, ɛ́ bɛ bãw ãa n'ʋ na de a a ɩ.

⁸Ƴɛrɛŋa a, bʋ̃ʋ n'ʋ ɩ̃ na tʋ̃ɔ́ gùre, Sore e? Fʋ̃ʋ yõ zie n'a ɩ̃ ƴãw a ɩ̃ tɩɛrʋ.

⁹Faa mɛ̃ a ɩ̃ yel-bebe za pʋɔ, ta sàw a dãbole ɩrɛ mɛ̃ laar ɛ.

¹⁰Ɩ̃ ɩ n gbili, ɩ̃ bɛ cãà ƴɛ̀rɛ ƴɛ̀rʋ ɛ, fʋ̃ʋ n'ʋ so a ŋmɛ̃ à à ŋá a ɩ̃ zie.

¹¹Ɛcɛ bɛr a ɩ̃ ŋmɛb lɛ, ɩ̃ bɛ cãà laar'ɩ a fʋ ŋmɩɛrʋ ɛ.

¹²A nɩsaal na mɩ́ sãw, fʋ dɔwr'ʋ a, fʋ mɩ́ kpãa ʋ na. Fʋ mɩ́ sãw nɩ a bom ʋ na nɔnɛ a bɛr, mɛ̃ zãzul na mɩ́ kpɛ sãw tɩ-wɔm a. Nɩsaal za ɩ n pɩɛlʋ tɛwr! Tɛw-àrʋ

¹³Sore e, bɛr wõ a ɩ̃ puoru, ƴãw tobr a ɩ̃ cɛlsɩ ƴãw, ta nyɛ̃ a ɩ̃ mʋta-kʋ̃ɔ ɛ́ cãà kpɛ mimi-kõw ɛ, bʋ̃ʋ n'ʋ vɛ̃, sãan nɛ m a fʋ zie, nɩ-tɔla nɛ m tɔlɛ, mɛ̃ a ɩ̃ sãàkʋm-kore za a.

¹⁴Bɛr mɛ̃ ɩ̃ pɩ̃ɛnɩ blã, tʋ̃ɔ́ mɩ́ lɛb la, ɛ́ bãw kule, ta cãà ɩ bom za ɩ.