Read Dagara, Northern Sɛb-sõw yielu 41 Bible Online

Sɛb-sõw yielu 41 - Dagara, Northern bible

Sɛb-sõw yielu 41

¹Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Sɛb-sõw yielu Daviir na maalɩ a n'ʋ.

²Zu-nʋ̃ɔ̀ sob'ɩ sob nɛ na mɩ́ tɛr a bãbàal tɩɛrʋ a! A bibi-faa na mɩ́ wa vɩɛ a, a Sore mɩ́ faa ʋ na.

³A Sore mɩ́ bɛr ʋ na ʋ vʋʋrɛ, ɛ́ ɩ k'ʋ nyɛrɛ nʋ̃ɔ̀ a tẽw zu, ʋ bɛ mɩ́ sàw ʋ lo a ʋ dɔ̃ dem nuru pʋɔ ɩ.

⁴A na mɩ́ wone ʋ a ʋ bʋ̃-gana zu a, a Sore mɩ́ sõwne ʋ na, ʋ na mɩ́ kaarɛ a ʋ zie a ʋ bàalʋ pʋɔ a ƴãw.

⁵Mãa ƴãw a, ɩ̃ yel'ɩ a Sore: «Sore e, zɔ ɩ̃ nɩbaalʋ ɛ́ sanɩ mɛ̃, bʋ̃ʋ n'ʋ vɛ̃, ɩ̃ sãw fʋ na.»

⁶A ɩ̃ dɔ̃ dem ƴɛ̀rɛ nɩ po-to-ƴɛ̀rʋ a ɩ̃ ƴãw yere: «Debor'a ʋ na kpi mɔ̃, a ʋ yúor ta cãà pore?»

⁷Nɩr wa wa a ɩ̃ nyɛ́b a, ƴɛ̀r-zawlɛ n'a ʋ mɩ́ ƴɛ̀rɛ, ɛ́ a ʋ pʋɔ paalɩ a faa tɛwr. Ɛ́ ʋlɛ wa yire wa báarɛ a, ʋ manɛ na gʋɔr'ɩ.

⁸A ɩ̃ bɛ-nɔnbɛ ɓã n taa 'hũ'hune a ɩ̃ ƴãw, bɛ bãwnɛ nɩ a faa na ta m a yere nɩ:

⁹«Yel-faa na bɛ tɛr ɩb a n'ʋ páw ʋ, ʋ na gã à ŋá a, ʋ bɛ lɛb ìre ɩ.»

¹⁰A ɩ̃ bá-tuo tɔr za, a ʋl ƴãw ɩ̃ na ƴãw a ɩ̃ tɩɛrʋ, ɛ́ mãa nɩ ʋl lãw dɩrɛ a, ʋ lɩɛb'ɩ a ɩ̃ dɔ̃ sob.

¹¹Ɛcɛ fʋ̃ʋ a, Sore e, zɔ ɩ̃ nɩbaalʋ ɛ́ nyɔw mɛ̃ ɩ̃ lɛb ìr, ɩ̃ɩ na yáa nɩ a san a bɛ zu.

¹²À ŋá n'a ɩ̃ na bãw kɛ́ fʋ de nɩ a ɩ̃ yele: a ɩ̃ dɔ̃ sob bɛ wa tʋ̃ɔ́ mɛ̃ a.

¹³Fʋ tɩɛ mɛ̃ na tɛr, ɩ̃ za na n'ɩ ŋan a, ɛ́ fʋ na ɩ na k'ɩ̃ be a fʋ niŋé kʋralɛ.

¹⁴A Sore, a Ɩsɩrayɛl Naaŋmɩn, tɛr'ɩ puoru, a dɩta-pɛ-yome za nɩ kʋralɛ! Amɛn, lɛb maal Amɛn!