Read Dagara, Northern Sɛb-sõw yielu 54 Bible Online

Sɛb-sõw yielu 54 - Dagara, Northern bible

Sɛb-sõw yielu 54

¹Yiel-yielbɛ nɩ-kpɛ̃ɛ sɛbɛ pʋɔ yielu kãw. Bʋ̃-ŋmɩɛrɩ bɛ na maal'ɩ fomie a n'a bɛ mɩ́ ŋmɩɛr ƴãwn. Daviir yielu kãw na wule yã a.

²A Zifɩ tẽw dem na tɩ cen tɩ páw a Sawul yel ʋ k'aa Daviir sɔwl'ɩ a bɛ zie a yele n'a.

³Naaŋmɩn i, faa mɛ̃ a fʋ yúor zũú, ɩ a fʋ fãw ɩb wul a ɩ̃ yel-mɩŋa.

⁴Naaŋmɩn i, wõ a ɩ̃ puoru, ƴãw tobr bɛr wõ a ɩ̃ nʋɔr ƴɛ̀rʋ.

⁵Pɔ̀lʋ dem ìr'ɩ a ɩ̃ ƴãw, po-to-dem bɔbr'ɩ a ɩ̃ kʋb. Bɛ tobr bɛ ka Naaŋmɩn ƴãw ɛ. Tɛw-àrʋ

⁶Ɛcɛ Naaŋmɩn na sõw mɛ̃ na, a Sore na tɩɛ mɛ̃ na.

⁷A faa, ʋ́ lɛb lo a ɩ̃ dɔ̃ dem zu! Kʋ bɛ pàw pɛr a fʋ nɔ̃wfʋ ƴãw.

⁸Ɩ̃ na pɛlɩ nɩ pʋɔ maalɩ bàwr kʋ̀ b. Ɩ̃ na danɩ nɩ a fʋ yúor, Sore e, fʋ na vɩɛl a ƴãw.

⁹Fʋ faa mɛ̃ nɩ kpɩɛrʋ za pʋɔ, ɛ́ ɩ̃ nyɛ̃ nɩ a ɩ̃ dɔ̃ dem loba.