Read Dagara, Northern Sɛb-sõw yielu 57 Bible Online

Sɛb-sõw yielu 57 - Dagara, Northern bible

Sɛb-sõw yielu 57

¹Yiel-yielbɛ nɩ-kpɛ̃ɛ sɛbɛ pʋɔ yielu kãw. «Ta sãw bɛr» yielu kɔkɔr'ʋ. Daviir danʋ yielu. A Sawul na tɩ diwr ʋ, ʋ zɔ tɩ kpɛ a tãw bɔw pʋɔ a yele n'a.

²Zɔ ɩ̃ nɩbaalʋ, Naaŋmɩn i, zɔ ɩ̃ nɩbaalʋ, bʋ̃ʋ n'ʋ vɛ̃, a fʋ naayir'a ɩ̃ zɔrɛ kpɩɛr, a fʋ zie n'a ɩ̃ yel k'ɩ̃ɩ sɔwlɩ, ɛ́ gù a bʋ̃-faa tɔl baarɩ.

³A Naaŋmɩn-na-do-saa-bɛ-pɩɛl-a n'ʋ ɩ̃ bʋɔlɛ, a Naaŋmɩn na na maalɩ bom za a ɩ̃ ƴãw a.

⁴Ʋ́ be a salom zu ɛ́ tɩr a faafʋ kʋ̀ m, ʋ́ ɩ a sob nɛ na bɛ bɛrɛ mɛ̃ a, ʋ nyɛ̃ vĩ, Tɛw-àrʋ ʋ́ tɩr a ʋ nɔ̃wfʋ nɩ a ʋ yel-mɩŋa.

⁵Nɩbɛ na kpɛ po-tuo mɛ̃ gben na 'wɔbr nɩbɛ a sɔgɔ n'a ɩ̃ be. A bɛ nyɩmɛ ɩ na mɛ̃ kafine bɩɩ pime a, ɛ́ a bɛ zɛlɛ ɩ ɓɩlɓɩl mɛ̃ sɔ̀rʋ a.

⁶Ìr do gãw a salom, Naaŋmɩn i, a fʋ yúor-vɩɛlʋ-danʋ, ʋ nyɩwrɛ pàw a tẽw za!

⁷Bɛ ƴãw nɩ mɩ̃ɛ a ɩ̃ tɔlʋ zie, ɩ̃ tɩ cɛ blã na lo a ʋ pʋɔ. Bɛ tuw nɩ bɔw a ɩ̃ nisɔw, Tɛw-àrʋ ɛcɛ bɛlɛ nɛbɛ lo a ʋ pʋɔ.

⁸Ɩ̃ bɛr'ɩ dɛ̃bɩ̃ɛ, Naaŋmɩn i, ɩ̃ bɛr'ɩ dɛ̃bɩ̃ɛ, ɩ̃ na yiele na, ɩ̃ na yiele na danɛ nɩ fʋ.

⁹Ɩ̃ sɩ́ɛ ɛ, ìr, nyɩ mɩ̀ ìr, ɩ̃ korijom nɩ ɩ̃ kãkaara a, bʋ̃ʋ n'ʋ vɛ̃, a fɛr'a k'ɩ̃ɩ sɩ̃w a zi-wɛl-paala.

¹⁰Sore e, ɩ̃ na danɛ fʋ nɩ a nɩbɛ sɔgɔ, ɩ̃ na yiele na ŋmɩɛr'ɩ bome a fʋ ƴãw a nɩ-bʋʋr-yoru sɔgɔ:

¹¹a fʋ nɔ̃wfʋ do na tɩ tɔ a salom, ɛ́ a fʋ yel-mɩŋa tɔ a zũzuge.

¹²Ìr do gãw a salom, Naaŋmɩn i, a fʋ yúor-vɩɛlʋ-danʋ, ʋ́ nyɩwrɩ pàw a tẽw za!