Read Dagara, Northern Sɛb-sõw yielu 58 Bible Online

Sɛb-sõw yielu 58 - Dagara, Northern bible

Sɛb-sõw yielu 58

¹Yiel-yielbɛ nɩ-kpɛ̃ɛ sɛbɛ pʋɔ yielu. «Ta sãw bɛr» yielu kɔkɔr'ʋ. Daviir danʋ yielu.

²Nyɩɩm ƴɛ̀r-dɩrbɛ ɛ, sɩza n'a nyɩ mɩ́ dɩ a ƴɛ̀rʋ ʋ? Nyɩ na mɩ́ dɩrɛ nɩ a nɩsaalbɛ a ƴɛ̀rʋ a, nyɩ mɩ́ dɩ n a tu sɔ́r ɩ?

³Ʋ̃ʋ'hʋ̃! Nyɩ mɩ́ bãw na kɛ́ ɩrɛ a ɩ-faar, nyɩ bɛr'ɩ vuo a po-to-fãw ɩ-ɩrɩ ƴãw a tẽw zu.

⁴Bɛ mɩ́ dɔw nɩ a nɩ-faar lɔbr wa báarɛ bɛ gaarɩ, bɛlɛ wa dɔwr bɛ wa báarɛ a, bɛ mɩ́ bɛr'ɩ a sɔr-vla ɛ́ ŋmarɛ ziri.

⁵Bɛ tɛr'ɩ lɔw mɛ̃ waab lɔw a. Bɛ mɩ́ bãw na kɛ́ wõw mɛ̃ dɔpan

⁶na bɛ bɛrɛ wone a bɛlbɛlbɛ kɔkɔr a, a bɛlbɛl-kara za kɔkɔr a.

⁷Naaŋmɩn i, kár bɛ a nyɩmɛ a nʋɔrɩ́, kár a bɛ gben nyɩmɛ, Sore e.

⁸Bɛ bɔr mɛ̃ a kʋ̃ɔ na mɩ́ zɔ tɔl a, bɛ vàr vàr mɛ̃ a mʋ̃ɔ bɛ na mɩ́ nɛb a!

⁹Bɛ ɩ mɛ̃ a wel na mɩ́ vure ɛ́ bɛrɛ kʋ̃ɔ-saalʋ tɩ kpi n a, mɛ̃ a bi-cur-bɛra a, bɛ ta nyɛ̃ a mʋ̃tɔ̃w cãà ɛ.

¹⁰A gʋʋr, gɔ-ɓaar bɩɩ gʋʋr na nyɔw vũu a, kʋ̃ tɔ a nyɩ ziduwli sɛr ɛ, ɛ́ a Naaŋmɩn pɩɩrɩ bɛ tɔl'ɩ.

¹¹A nɩ-mɩŋa na nyɛ̃ nɩ a san a Naaŋmɩn na yáa a, ɛ́ cɩlɛ, ʋ na 'lɔr'ɩ a ʋ gbɛ́ɛ a nɩ-faa zɩ̃ɩ pʋɔ.

¹²A nɩbɛ na yere na: «Yel-mɩŋa, tɔnɛ be n be a nɩ-mɩŋa ƴãw, yel-mɩŋa, Naaŋmɩn be n be dɩrɛ a ƴɛ̀rʋ a tẽw zu.»