Read Dagara, Northern Sɛb-sõw yielu 61 Bible Online

Sɛb-sõw yielu 61 - Dagara, Northern bible

Sɛb-sõw yielu 61

¹Yiel-yielbɛ nɩ-kpɛ̃ɛ sɛbɛ pʋɔ yielu. Fomie bʋ̃-ŋmɩɛrɩ n'a bɛ mɩ́ ŋmɩɛr'ɩ ƴãwn. Daviir yielu.

²Naaŋmɩn i, bɛr wõ a ɩ̃ cɛlsɩ, ƴãw tobr a ɩ̃ puoru ƴãw.

³A ta-tẽw za ɩ̃ na wɩɛr tɩ be a, ɩ̃ mɩ́ kone na bʋɔlɛ fʋ, ɩ̃ na bɛ mɩ́ wa cãà laar a. Tɛr mɛ̃ do n a pìir na kɛrɩ zuo a ɩ̃ dob ƴãw a zu,

⁴fʋ ɩ n a ɩ̃ sɔwlʋ zie, zɛbr-yir-kpɛ̃w a dɔ̃ sob niŋé.

⁵Ɩ̃ bɔbr'a k'ɩ̃ɩ nãá kpɩɛr a fʋ yir kʋralɛ, ɛ́ nyɛrɛ sɔwlʋ zie a be, a fʋ pɩgɛ ɓaarʋ́. Tɛw-àrʋ

⁶Naaŋmɩn i, fʋ̃ʋ n'ʋ mɩ́ wõ a alɩ bome nɛ ɩ̃ na bɔbr a, ɛ́ mɩ́ kʋ̀ a bɛ gbã-dɩ-bom a bɛlɩ dem na zɔrɛ fʋ a.

⁷Kʋ̀ a nãà nyɔ-vʋʋr-wogo, ɩ k'ʋ kpɛ a tẽw zu cɛlɩ yaga yaga za.

⁸Naaŋmɩn i, ʋ́ dɩrɛ naalʋ a fʋ niŋé kʋralɛ, a fʋ nɔ̃wfʋ nɩ a fʋ yel-mɩŋa, a gùre ʋ!

⁹Lɛ n'a ɩ̃ na yiele danɛ nɩ fʋ kʋralɛ, ɛ́ bibir za ɩ̃ mɩ́ ír a nɛ́ɛ ɩ̃ na kõ kʋ̀ b a.