Read Dagara, Northern Sɛb-sõw yielu 64 Bible Online

Sɛb-sõw yielu 64 - Dagara, Northern bible

Sɛb-sõw yielu 64

¹Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Daviir na maalɩ a.

²Naaŋmɩn i, bɛr wõ a ɩ̃ kpɩɛrʋ ɩ̃ na kone kʋ̀rɛ fʋ a, gù a ɩ̃ nyɔ-vʋʋrʋ dɔ̃ sob kãw ƴãw ɩ̃ na zɔrɛ a.

³Sɔwlɩ mɛ̃ zãá nɩ a po-to-dem na bʋ̀rɛ taa a ɩ̃ ƴãw a, zãá nɩ a yel-fa-maalbɛ na ƴɛ̀rɛ wone taa a ɩ̃ ƴãw a.

⁴A bɛ zɛl ɩ n sʋɔ bɛ saalɛ, a bɛ ƴɛ̀rʋ, na 'wɔbr a, ɩ pime bɛ car,

⁵kɛ́ bɛ sɔwlɩ tɛ n a nɩ-mɩŋa: bɛ mɩ́ ùr'a tɛ ʋ, ɛ́ bɛ zɔrɛ bom za ɩ.

⁶Bɛ ƴɛ̀rɛ na sõwne taa a bɛ tõ-faa ƴãw, bɛ bʋ̀rɛ nɩ taa kɛ́ bɛ sɔwlɩ ƴãw bɛrɩ, ɛ́ yere: «Ãa n'ʋ na nyɛ̃ a?»

⁷Bɛ mɩ́ tɩɛr'ɩ a tõ-faar bɛ na na tõ a, ɛ́ yere: «Tɩ cɔbr'ɩ a tɩ yel vla, a pʋ-tɩɛr-sɔwla nɩ a nɩsaal socir zulu tɔ!»

⁸Ɛcɛ Naaŋmɩn tɛ bɛ na, a pĩi n'ɩ ŋan ur nyɔw bɛ:

⁹ʋ ɩ na a bɛ ƴɛ̀rʋ lɛb ŋmɛlɩ nyɔw bɛ. Nɩr za na mɩ́ nyɛ̃ bɛ a, mɩ́ gɔwrɛ nɩ zu.

¹⁰Dɛ̃bɩ̃ɛ mɩ́ nyɔw nɩ nɩsaal za, ʋ manɛ a ton a Naaŋmɩn na tõ a, ɛ́ bãw a ʋ pɛr.

¹¹A nɩ-mɩŋa, ʋ cɩlɛ a Sore ƴãw, ʋ de ʋ, ʋ ɩ a ʋ sɔwlʋ zie. a soci-dẽdẽ dem za na danɛ nɩ bɛ tʋɔra a ʋ ƴãw.