Read Dagara, Northern Sɛb-sõw yielu 65 Bible Online

Sɛb-sõw yielu 65 - Dagara, Northern bible

Sɛb-sõw yielu 65

¹Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Daviir na maalɩ a. Yielu.

²Naaŋmɩn i, fʋ sɩrɩ na sɛwnɩ danʋ a Sɩyɔ̃ tẽw pʋɔ, ɛ́ bɛ na mɩ́ ír'ɩ a nɛ́ɛ bɛ na kõ kʋ̀ b a,

³fʋ̃ʋ na mɩ́ sàw de a puoru a. A nɩsaalbɛ za waar'ɩ a fʋ zie,

⁴tuo a bɛ sãwna. A tɩ sãwna tɩbrɛ na zuo tɩ, ɛcɛ fʋ na tʋ̃ɔ́ na ɩ a baarɩ.

⁵Zu-nʋ̃ɔ̀ dem'ɩ a bɛl fʋ na kaa ír, ɛ́ ɩ kɛ̀ bɛ taw pɩɛlɩ a, bɛ na kpɩɛr'ɩ a fʋ davʋrɩ pʋɔ. Tɩ na dɩ n a fʋ yir bome tɩw, a bʋ̃-son na be a fʋ yir pʋɔ a.

⁶Naaŋmɩn tɩ Faarɛ ɛ, fʋ ŋmɛ̃ n fʋ ŋmɛ̃a, fʋ mɩ́ maal'ɩ nɔ-ɓãa-yele sɔw nɩ tɩ, fʋ̃ʋ a tẽw baarʋ zie nɩbɛ, nɩ a kʋ̃ɔ-kpɛ̃ɛ-sɔgɔ-ten na zãá a nɩbɛ na tɩɛrɛ a.

⁷Fʋ ɩ n a tan a kpɛmɛ àr nɩ a fʋ fãw, fʋ sɛ n a kpɛnʋ mɛ̃ kpàwr a.

⁸Fʋ mɩ́ ɩ n a kʋ̃ɔ-bɛrɛ gɔmɛ a baarɩ, a kʋ̃ɔ-bɛrɛ kʋ̃ɔ-mie gɔmɛ, nɩ a nɩ-bʋʋrɛ damnʋ.

⁹A nɩbɛ na kpɩɛr a tẽw baarʋ ziir a, bɛ nyɛ̃ nɩ a fʋ nɔ-ɓãa-yele, na ɩ bãwfʋ sãá a, a ɩ bɛ dɛ̃bɩ̃ɛ. Fʋ ɩ na a mʋ̃tɔ̃w-puru-lowr nɩ a mʋ̃tɔ̃w-kpɛb-lowr ten lɔbr nʋ̃ɔ̀ cɛlsɩ.

¹⁰Fʋ mɩ́ kaa nɩ a tẽsɔw zie, ɩ k'ʋ nyũ kʋ̃ɔ, fʋ mɩ́ paal'ʋ na nɩ na-bome. A Naaŋmɩn man-gbɛ́r paal'ɩ kʋ̃ɔ yi nʋɔr, fʋ cɔbrɛ nɩ a ble a nɩsaalbɛ ƴãw. À ŋá n'a fʋ cɔbrɛ a tẽsɔw:

¹¹fʋ mɩ́ cɔr'ɩ a ʋ garɩ fʋɔlɩ, fʋ mɩ́ ŋmɛr'ɩ a ʋ tã-dɛgɛ, fʋ mɩ́ ɩ na a saa wa ƴãw ʋ bur ʋ za, fʋ mɩ́ maal'ɩ a ʋ bʋ̃-bule.

¹²Yũon-ɓil za n'ʋ mɩ́ nyɛ̃ a fʋ maalʋ, fʋ mɩ́ cere na tɔlɛ ɛ́ bom za ʋr.

¹³A dʋn mʋ̃ɔ 'wɔbrʋ zie a wɛja-kpalɛ pʋɔ ʋr'a, ɛ́ a tãli sɛ a nʋ̃ɔ̀ mɛ̃ kpàwr a.

¹⁴A dʋn yɛ́r'a pàw a dʋn mʋ̃ɔ 'wɔbrʋ ziir, ɛ́ a bà-fʋɔlɩ ɩ ble tɛwr. Nʋ̃ɔ̀ cɛlsɩ nɩ yielu n'a pàw a ziir za.