Read Dagara, Northern Sɛb-sõw yielu 70 Bible Online

Sɛb-sõw yielu 70 - Dagara, Northern bible

Sɛb-sõw yielu 70

¹Yiel-yielbɛ nɩ-kpɛ̃ɛ sɛbɛ pʋɔ yielu nɩ Sɛb-sõw yielu Daviir na maalɩ, kɛ́ Naaŋmɩn tɛr a ʋ tɩɛrʋ a.

²Naaŋmɩn i, faa mɛ̃, Sore e, wa fɔ̃w wa sõw mɛ̃.

³A bɛlɩ dem na bɔbr a ɩ̃ kũu a, vĩ, a nyɔw bɛ, bɛ gɔ zu! A bɛlɩ dem na bɔbr k'aa nãá ɩ m faa a, bɛ nyɛ̃ vĩ lɛb'ɩ pùor!

⁴A bɛlɩ dem na mɩ́ la m a «'Ha'ha!» a, bɛ lɛb pùor, ɛ́ a vĩ ta sàw bɛ dʋɔ zu ɛ.

⁵Ɛcɛ a bɛlɩ dem na bɔbr fʋ a, Sore e, bɛ cɩlɛ ƴawr'ɩ a fʋ̃ʋ zũú! Ɛ́ a bɛlɩ dem za na nɔnɛ fʋ a, fʋ̃ʋ na faarɛ tɩ a, bɛ yere kʋralɛ: «Naaŋmɩn ɩ n kpɛ̃ɛ»!

⁶Mãa ɩ n bãbàal nɩ nã́w sob. Naaŋmɩn i, wa fɔ̃w a ɩ̃ zie. Fʋ̃ʋ n'ɩ a ɩ̃ sõwne nɩ a ɩ̃ faarɛ: Sore e, ta cɛlɛ a waa ƴãw ɛ.