Read Dagara, Northern Sɛb-sõw yielu 75 Bible Online

Sɛb-sõw yielu 75 - Dagara, Northern bible

Sɛb-sõw yielu 75

¹Yiel-yielbɛ nɩ-kpɛ̃ɛ sɛbɛ pʋɔ yielu. «Ta sãw bɛr» yielu kɔkɔr'ʋ. Sɛb-sõw yielu Asafʋ na maalɩ a. Yielu.

²Tɩ danɛ fʋ na, Naaŋmɩn i, tɩ danɛ fʋ na, tɩ bʋɔlɛ nɩ a fʋ yúor, fʋ na pɩɛlɩ tɩ a ƴãw, tɩ manɛ nɩ a fʋ nɔ-ɓãa-yele.

³A Naaŋmɩn yere na: «A daar ʋl ɩ̃ na na ƴãw a, ɩ̃ na dɩ n a ƴɛ̀rʋ nɩ mɩnʋ.

⁴A tẽsɔw na tʋ̃ɔ́ na damnɛ, lãwnɩ a bɛlɩ dem za na be a ʋ zu a, ɛcɛ mãa n'ʋ ɩ ʋ kpɛmɛ àr.» Tɛw-àrʋ

⁵Ɩ̃ yel'ɩ a bɛlɩ dem na mɩ́ pɔrɛ a: «Nyɩ ta pɔrɛ a lɛ ɩ!» Ɛ́ yel a nɩ-faar: «Nyɩ ta garɛ baw ɛ!

⁶Nyɩ ta maal garɛ baw a lɛ ɩ, nyɩ bɛr a nyɩ pɔ̀l-ƴɛ̀rʋ.

⁷Bʋ̃ʋ n'ʋ vɛ̃, saa-pɛrɩ́ nɩ mʋ̃tɔ̃w-kpɛb-lowr nɩ wɛja-kpalɛ pʋɔ bɛ n'a a zɛwfʋ yire waar ɛ,

⁸Naaŋmɩn n'ʋ dɩrɛ a ƴɛ̀rʋ: ʋ mɩ́ siwr'ɩ ŋa, ɛ́ zɛw ŋa.»

⁹A Sore tɛr'ɩ koli-nyúura a ʋ nũú, ʋ paalɩ divɛ̃ na kpɛmɛ kpɛmɛ ɛ́ bɩ a. Ʋ pʋrɛ na kʋ̀rɛ a tẽw zu nɩ-faar za. A fɛr'a kɛ́ bɛ za nyũ, ɛ́ baarɩ a kole tɩ lãwnɩ a pɛ-kpɩɩrɛ.

¹⁰Ɛ́ mãa a, ɩ̃ na yiele nɩ a Zakɔb Naaŋmɩn ƴãw kʋralɛ, ɩ̃ na yere nɩ à à ŋá ʋ na yel a:

¹¹«Ɩ̃ na ɩ na a nɩ-faar pɔ̀lʋ za baarɩ, ɛ́ a nɩ-mɩn mɩ̀ nɩ̃ɛ nyɛrɛ zɛwfʋ.»