Read Dagara, Northern Sɛb-sõw yielu 86 Bible Online

Sɛb-sõw yielu 86 - Dagara, Northern bible

Sɛb-sõw yielu 86

¹Daviir puoru. Sore e, cɩɩl tobr cɔw mɛ̃, sɔw mɛ̃, ɩ̃ na ɩ bãbàal nɩ nã́w sob a ƴãw.

²Gùre mɛ̃, ɩ̃ na tu b a ƴãw. Ɩ̃ ɩ n a fʋ tõ-tõ-bie, ɩ̃ tɩɛrɛ fʋ na, faa mɛ̃, fʋ̃ʋ na ɩ a ɩ̃ Naaŋmɩn a.

³Zɔ ɩ̃ nɩbaalʋ, Sore e, bibir za, fʋ̃ʋ n'ʋ ɩ̃ mɩ́ bʋɔlɛ.

⁴Sore e, a mãa na ɩ a fʋ tõ-tõ-bie a, ɩ̃ lɩɛbɛ nɩ a niwn cɔwr fʋ, ɩ k'ɩ̃ nyɛ̃ nʋ̃ɔ̀.

⁵Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

⁶Sore e, bɛr wõ a ɩ̃ puoru vla, cɛlɛ be wõ a ɩ̃ yãayãa zɛlʋ.

⁷Mãa wa be a kpɩɛrʋ pʋɔ a, ɩ̃ mɩ́ bʋɔlɛ fʋ na, ɛ́ fʋ mɩ́ sɔw mɛ̃ na.

⁸A naaŋmɩmɛ pʋɔ a, kãw za bɛ be be ŋmɛ̃ mɛ̃ a fʋ̃ʋ a ɩ, Sore e, ton mɩ̀ bɛ be be ŋmɛ̃ taa nɩ a fʋ tome ɩ.

⁹A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

¹⁰Bʋ̃ʋ n'ʋ vɛ̃, fʋ ɩ n kpɛ̃ɛ ɛ́ maalɛ nɔ-ɓãa-yele, fʋ̃ʋ yõ tẽtẽ n'ʋ ɩ Naaŋmɩn.

¹¹Sore e, wul mɛ̃ a fʋ pʋ-tɩɛrʋ sɔ́r, a ɩ̃ cenu tʋ̃ɔ́ tuur a fʋ yel-mɩŋa. Lãw a ɩ̃ tɩɛrʋ taa, ɩ̃ tɛr ƴãwfʋ a fʋ yúor ƴãw.

¹²Sore ɩ̃ Naaŋmɩn i, ɩ̃ na danɛ fʋ na nɩ ɩ̃ pʋɔ za, ɩ̃ na íre nɩ a fʋ yúor kʋralɛ.

¹³Fʋ sɩrɩ na nɔnɛ mɛ̃ bɛ dɩ vuo ɩ, fʋ ír mɛ̃ nɩ a kpɩmɛ tẽw bɔw-zulu pʋɔ.

¹⁴Naaŋmɩn i, pɔ̀lʋ dem ìr'a àr a ɩ̃ ƴãw, po-to-nɩbɛ lãw nɩ taa bɔbr a ɩ̃ kʋb. Bɛ bɛ ŋmɛlɛ kaar fʋ ɛ.

¹⁵Ɛcɛ fʋ̃ʋ a, Sore e, fʋ ɩ n Naaŋmɩn na ɩ su-ɓaarʋ sob ɛ́ zɔrɛ nɩbaalʋ a, a fʋ suur bɛ pawr ɛ, ɛ́ fʋ ɩ nɔ̃wfʋ nɩ pùor-bɛ-lɛbrʋ tɛwr.

¹⁶Lɩɛb kaa mɛ̃ ɛ́ zɔ ɩ̃ nɩbaalʋ. Ɩ̃ ɩ n a fʋ tõ-tõ-bie, kʋ̀ m a fʋ fãw, faa mɛ̃, mãa fʋ tõ-tõ-bi-pɔw bie.

¹⁷Wul mɛ̃ a fʋ nɔ̃wfʋ bãwfʋ kãw. Lɛ n'a a ɩ̃ bɛ-nɔnbɛ na nyɛ̃ vĩ. Bɛ na nyɛ̃ na k'aa fʋ̃ʋ a, Sore e, fʋ sõwne mɛ̃ na ɛ́ mɔwlɛ mɛ̃.