Read Dagara, Northern Sɛb-sõw yielu 87 Bible Online

Sɛb-sõw yielu 87 - Dagara, Northern bible

Sɛb-sõw yielu 87

¹Koore bibiir yielu. Sɛb-sõw yielu. Yielu. A Sore mɛ n a Zerizalɛm a tan-son zu.

²Ʋ nɔnɛ nɩ a Sɩyɔ̃ gãw a Zakɔb tẽw tẽ-bɛrɛ za.

³Naaŋmɩn tẽ-kpɛ̃ɛ ɛ, yel-vɩɛlɩ n'a ʋ manɛ a fʋ ƴãw: Tɛw-àrʋ

⁴«A nɩbɛ na bãw mɛ̃ a pʋɔ a, ɩ̃ pore nɩ Eziptɩ nɩ Babɩlɔn, Filisɩti, Tɩ́ɩ̀r nɩ Etiopi ten dem yúor. A ten á ŋá pʋɔ n'a bɛ dɔw.

⁵Ɛcɛ a Sɩyɔ̃ ƴãw a, a fɛr'a kɛ́ bɛ mɩ́ yel: Nɩsaal za dɔw nɩ a ʋ pʋɔ. A Naaŋmɩn-na-do-saa-bɛ-pɩɛl-a mɩŋa n'ʋ mɛ ʋ.»

⁶A Sore sɔrɛ nɩ a nɩ-bʋʋrɛ ɛ́ sɛbr yere: «Ka n'a bón dɔw.» Tɛw-àrʋ

⁷Naaŋmɩn tẽ-kpɛ̃ɛ ɛ, a nɩbɛ ƴawr'a ɛ́ yiele yere nɩ: «Fʋ pʋɔ n'a a tɩ nʋ̃ɔ̀ za be.»