Read Dagara, Northern Zʋkpaɩ 13 Bible Online

Zʋkpaɩ 13 - Dagara, Northern bible

Zʋkpaɩ 13

¹Bibile na tɛr yã a mɩ́ bɛrɛ na wone a ʋ sãà wulu, ɛcɛ bibile zu na kpɛmɛ a bɛ sàwr dier kpãàfʋ kãw za ɩ.

²Ŋa za na tʋ̃ɔ́ na mɩ́ nyɛ̃ tɔnɛ a ʋ mɩŋa ƴɛ̀rʋ pʋɔ, ɛcɛ a nɩ-mɩlbɛ vʋʋrʋ ɩ n po-to-fãw-ɩb tɛwr.

³Nɩr na maal tɛr a ʋ nʋɔr a gùre nɩ a ʋl mɩŋa nyɔ-vʋʋrʋ. Ɛcɛ nɩr na bʋ̀nɛ ƴɛ̀rɛ a wɩɛr'ɩ a ʋ loba zie.

⁴Zawlalɛ n'a a ƴã-tuo sob mɩ́ nyɛ̃ a bom bɔbr, ɛcɛ a bɛlɩ dem na mɩ́ mʋ̃ɔ mimir a tome ƴãw a mɩ́ páw nɩ a alɩ bome nɛ za bɛ na bɔbr a.

⁵Nɩ-mɩŋa bɛ nɔnɛ a ziri ɛ, ɛcɛ a nɩ-faa mɩ́ ƴãwnɛ nɩ vĩ a ʋ taabɛ ɛ́ tʋʋr bɛ.

⁶A mɩnʋ mɩ́ gùre nɩ sob nɛ na ɩrɛ vla a. Ɛcɛ a yel-bier mɩ́ so nɩ a nɩ-faar loba.

⁷Nɩbɛ bɛ mɩnɛ mɩ́ ɩrɛ nɩ na-ɩb ɛ́ bɛ tɛr bom ɛ, ɛ́ bɛ mɩnɛ ɩrɛ nã́w-ɩb ɛ́ na-bome kʋrɛ bɛ.

⁸Tɛra sob tɛra mɩ́ gù ʋ na, ɛcɛ bom bɛ jɩɛrɛ a nã́w sob ɛ.

⁹A nɩ-mɩn cãà na caalɛ nɩ vla vla, ɛ́ a nɩ-faar fɩ̃tɩlɛ kpiire.

¹⁰A pɔ̀lʋ waar'ɩ nɩ zɛb-taa. Ɛcɛ yã-bãwfʋ mɩ́ be n a bɛlɩ dem na sàwr a wulu a zie.

¹¹A naalʋ fʋ na kpɛ a fʋrfʋr a na siwre na. Ɛcɛ tɛra fʋ na páwr bɩɛlbɩɛl a mɩ́ dɔwlɛ na cere.

¹²A tɩ́ɛrʋ na kʋ̃ maalɩ fɔ̃w a tɩrɛ nɩ pʋ-sãwna, ɛcɛ a tɩ́ɛrʋ na maalɩ a ɩ na mɛ̃ nyɔ-vʋʋrʋ tɩɛ a[22].

¹³Nɩr na bɛ cɛlɛ yã bɛ na wule ʋ a zie a ɩrɛ nɩ ʋ tʋɔra. Nɩr na tuur a lɛ bɛ na yere kʋ̀rɛ ʋ a na nyɛ̃ nɩ maalʋ.

¹⁴A yã-bãwnɛ wulu ɩ n nyɔ-vʋʋrʋ yib zie. A mɩ́ sõw na fʋ nɩɩrɩ a kũu bɛrɩ bɛr.

¹⁵Nɩr na tɛr yã yaga a mɩ́ pɛlɩ nɩ a nɩbɛ pʋɔ. Ɛcɛ, a nɩ-mɩlbɛ bɛ tɛr tu-tɔlʋ zie ɩ.

¹⁶Nɩr na tɛr maal-ɩrɛ a mɩ́ tɩɛr'a ɛ́ bãw ɩ a bom, ɛcɛ a dãbol mɩ́ wul'ɩ a ʋ dãbolu a sãá.

¹⁷Nɩ-faa bɛ na tõ a na lo n kpɩɛrʋ pʋɔ, ɛ́ nɩ-tona na bɛ yire fʋ pùor a ɩ tɩ̃ɩ.

¹⁸Bɛlɩ dem na bɛ sàwr a wulu a, bɛlɛ so nã́w nɩ vĩ, ɛcɛ bɛlɩ dem na sàwr a kpãàfʋ a, bɛ na nyɛ̃ nɩ ƴãwfʋ.

¹⁹Tɩ́ɛrʋ na maalɩ a ɩrɛ nɩ nʋ̃ɔ̀. Alɛ so a dãbole bɛ nɔnɛ kɛ́ bɛ mɩ́ zãá nɩ a yel-faa ɩ.

²⁰Nɩr na tuur yã-bãwnbɛ a na lɩɛb'ɩ yã-bãwnɛ, ɛcɛ nɩr na dɛnɛ nɩ a dãbole a, a na wõ ʋ na.

²¹A kpɩɛrʋ mɩ́ ta na tu a yel-bebe dem, ɛ́ a vla ɩ a nɩ-mɩn sã-ya[23].

²²A nɩ-vla mɩ́ bɛr'ɩ gbã-dɩ-bom kʋ̀ a ʋ yan, ɛcɛ a nɩ-mɩn nãà so a yel-bier sob tɛra.

²³A nã́w sob púo na kɔ vla a mɩ́ tɩr'ɩ bʋ̃-dɩrɩ yaga, ɛcɛ nɩr a ɩb na bɛ tori a fãw mɩ́ siwre nɩ bɩɛlbɩɛl.

²⁴Nɩr na bɛ ŋmɩɛr a ʋ bie a bɛ nɔnɛ ʋ ɛ, ɛcɛ nɩr na nɔnɛ a ʋ bie a bɛ mɩ́ yaa kɛ́ kpãà ʋ ɛ.

²⁵A nɩ-mɩŋa mɩ́ dɩ na tɩw, ɛ́ a nɩ-faar kone a kɔ̃.