Read Dagara, Northern Zʋkpaɩ 18 Bible Online

Zʋkpaɩ 18 - Dagara, Northern bible

Zʋkpaɩ 18

¹Nɩr na bɛ pɩɛlɛ a ʋ taabɛ a mɩ́ bɔbr'ɩ ʋl yõ tɔnɛ. Bɛlɛ wa bɔbr kɛ́ bɛ sõw ʋ a, ʋ mɩ́ nyɛ̃ nɩ suur.

²Bom nɛ na mɩ́ pɛlɩ a dãbol pʋɔ a, a bɛ ɩ a yele pɛr bãwfʋ n'a ɩ, ɛcɛ a ʋ tɩ́ɛrʋ manʋ n'a.

³A faalʋ mɩ́ waar'ɩ nɩ a ɩ-lab, ɛ́ zʋmɛ waar'ɩ a vĩ.

⁴A nɩsaal ƴɛ̀rʋ ɩ na mɛ̃ kʋ̃ɔnɩ na zulme a. A ɩ na mɛ̃ bà-fʋɔla na paalɩ yi nɛ́ɛ a, mɛ̃ yã-bãwfʋ bul-nʋɔr a.

⁵Yel-faa n'ɩ fʋ na ƴɛ̀r kpɛ a sãwna sob, ɛ́ bɛ wul a nɩ-mɩŋa yel-mɩnʋ a ƴɛ̀rʋ-dɩb pʋɔ a.

⁶A dãbol sob ƴɛ̀rʋ mɩ́ ɩ na kɛ̀ zɛbr be be, a lɛ ʋ na mɩ́ yel a mɩ́ wa n nɩ zɛb-taa.

⁷A dãbol sob ƴɛ̀rʋ wɩɛr'ɩ ʋ nɩ a ʋ kũu zie, a ʋ nʋɔr ɩ n bɛra a ʋl mɩŋa ƴãw.

⁸A gɛgɛra ƴɛ̀rʋ ɩ na mɛ̃ bʋ̃-dɩ-nʋ̃ɔ̀ nʋ̃ɔ̀ a, a mɩ́ siw na tɩ kpɛ a tɩ pʋ̃ɔmɩ pʋ̃ɔmɩ za.

⁹Nɩr na bɛ cãà tʋlɛ a ʋ tome pʋɔ a nɩ nɩr na sãwnɛ a ʋ tome bɛrɛ a ŋmɛ n taa mɛ̃ yɛbr a.

¹⁰A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

¹¹A tɛra sob naalʋ n'ɩ a ʋ tẽ-kpɛ̃ɛ na kpɛmɛ a. A ʋ tɩ́ɛrʋ pʋɔ a, a ɩ na mɛ̃ dacĩ-kpɛ̃ɛ na piw ʋ tɛr a.

¹²A nɩsaal pɔ̀lʋ mɩ́ wɩɛr'ɩ ʋ nɩ a ʋ loba zie. A tʋɔra-siwru pùorí n'a fʋ mɩ́ nyɛ̃ ƴãwfʋ.

¹³Nɩr na mɩ́ sɔw a ƴɛ̀rʋ ɛ́ bɛ de niwn bɛr wõ a mɩ́ wul'ɩ a ʋ dãbolu ɛ́ ƴãw ʋ tʋɔra vĩ.

¹⁴A baafʋ tɩ́ɛrʋ n'a mɩ́ sõwne a bàal, ɛcɛ a tɩ́ɛrʋ ŋa wa sãw a, ãa n'ʋ na ɩ ʋ lɛb be be?

¹⁵Nɩr na tɛr yã a mɩ́ zanɩ nɩ yele bãw, ƴɛ̀rʋ na tɛr wulu a n'a a yã-bãwnɛ nɔnɛ k'ʋʋ mɩ́ bɛrɛ wone.

¹⁶A bʋ̃-kʋ̀rɩ mɩ́ yuo nɩ a dɩ̃dɛɛ kʋ̀ a nɩr, ɛ́ ɩ k'ʋ tuori nɩ-bɛrɛ.

¹⁷Nɩr wa de niwn ƴɛ̀r a ƴɛ̀rʋ-dɩb zie a, ʋ mɩ́ sãá nɩ a yel-mɩŋa sob tɩ ta n a lɛn daar a ʋ tɔ sob nãà wa yel kɛ́ lɛ bɛ n'a a.

¹⁸A bie lɔbrʋ[31] mɩ́ ɩ n a zɛb-taa baarɩ, ɛ́ wɛl a ƴɛ̀rʋ a nɩ-kpɛn cará.

¹⁹Yɛb fʋ na sãw a tab kpɛmɛ na zuo zɛbr-yir-kpɛ̃w tab. A zɛb-taa mɩ́ pàw nɩ a socie mɛ̃ dà-jɩ̀rɩ́ na jɩ̀r tẽ-kpɛ̃ɛ pamɛ a.

²⁰Nɩr na tʋ̃ɔ́ na páw bʋ̃-dɩrɩ a ʋ nʋɔr ƴɛ̀rʋ zũú, a lɛ ʋ na mɩ́ yel a mɩ́ sõw ʋ na ʋ páw a ʋ nyɔ-vʋʋrʋ.

²¹A ƴɛ̀rʋ pʋɔ n'a a kũu nɩ a nyɔ-vʋʋrʋ yire. Sob nɛ na nɔnɛ a ƴɛ̀rʋ a, a fɛr'a k'ʋʋ mɩ́ sàw a yele a ƴɛ̀rʋ na waar'ɩ a.

²²Nɩr na nyɛ̃ pɔw a nyɛ̃ nɩ a nʋ̃ɔ̀. Maalʋ n'a a Sore maal'ʋ.

²³A nã́w sob mɩ́ ƴɛ̀rɛ na zɛlɛ nɩ yãayãa, ɛ́ a nãà sɔw nɩ kɔkɔr-kpɛ̃w.

²⁴Tu-ta-taabɛ yaga tɛrʋ na tʋ̃ɔ́ na ɩ kpɩɛrʋ kʋ̀ nɩr. Ɛcɛ, bá-sɩza mɩ́ tu fʋ na zuo yɛb.