Read Dagara, Northern Zʋkpaɩ 29 Bible Online

Zʋkpaɩ 29 - Dagara, Northern bible

Zʋkpaɩ 29

¹Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

²A nɩ-mɩn wa so a zie a, a nɩbɛ mɩ́ cɩlɛ na, ɛcɛ a nɩ-faa wa n'ʋ dɩrɛ a naalʋ a, a mɩ́ ɩ n kon a nɩbɛ zie.

³Nɩr na nɔnɛ a yã-bãwfʋ a, a mɩ́ ɩrɛ nɩ a ʋ sãà nʋ̃ɔ̀, ɛcɛ nɩr na tuur a pɔw-yɛmɛ a sãwnɛ nɩ a ʋ tɛra za bɛrɛ.

⁴Nãà na ɩrɛ lɛ-na-tu-sɔr-a mɩ́ ɩ na a ʋ tẽw àr vla. Ɛcɛ a ʋl na nɔnɛ a zuru-yar ƴãwfʋ a mɩ́ sãw ʋ na bɛr.

⁵Nɩr na bɛ̀lɛ a ʋ tɔ a ƴãwnɛ ʋ nɩ bɛra.

⁶A nɩ-faa yel-bier pʋɔ a, bɛra mɩ́ be n be, ɛcɛ a nɩ-mɩn mɩ́ cɩlɛ na ƴawr'ɩ.

⁷A nɩ-mɩŋa mɩ́ bãw nɩ a alɩ bome nɛ ƴãw a bãbàalbɛ na tɛr sɔ́r a. A nɩ-faa bɛ tɛr yã k'a sɛw ʋ na bãw a ɩ.

⁸A nɩbɛ na mɩ́ bʋ taa bɛ sàwr a tẽw nɩ-kpɛ̃ɛnʋ a mɩ́ dam'ɩ a tẽ-kpɛ̃ɛ, ɛcɛ a yã-bãwnbɛ mɩ́ lɛb'a ɓãa a nɩbɛ suur.

⁹Yã-bãwnɛ wa tɛr ƴɛ̀rʋ nɩ dãbol a, ʋlɛ saa nyɛ̃ suur bɩɩ laar a, ʋ kʋ̃ bãw pɩ̃ɛnʋ ɛ.

¹⁰A nɩ-kʋrbɛ bɛ mɩ́ nɔnɛ a nɩbɛ a ɩb na tori a ɩ, ɛcɛ a nɩsaal-dẽdẽ mɩnɛ mɩ́ nɔnɛ nɩ a bɛ tub.

¹¹Dãbol mɩ́ wul'ɩ a ʋ suur ʋ za k'ʋ sãá, ɛcɛ a yã-bãwnɛ mɩ́ nyɔw nɩ a ʋ dem, ɛ́ ɩ ʋ ɓãa.

¹²A nɩ-kpɛ̃ɛ wa bɛrɛ wone a ziri a, a ʋ tõ-tõ-biir za mɩ́ lɩɛb'ɩ nɩ-faar.

¹³A nã́w sob nɩ a ʋ nɛbrɛ lãw nɩ bom ŋa: a Sore n'ʋ mɩ́ kʋ̀ a mimie a bɛ za ayi kɛ́ bɛ tʋ̃ɔ́ nyɛrɛ.

¹⁴Nãà na mɩ́ dɩ ƴɛ̀rʋ nɩ mɩnʋ kʋ̀ a bãbàalbɛ a mɩ́ ɩ n a ʋ naalʋ tɛr fãw kʋralɛ.

¹⁵A ŋmɩɛrʋ nɩ a nɩr na sãw fʋ yel ʋ a waar'ɩ nɩ yã-bãwfʋ, ɛcɛ bibile bɛ na bɛr ʋ ɩrɛ ʋ ɩb a mɩ́ ƴãw nɩ a ʋ mã vĩ.

¹⁶A nɩ-faar wa yãwmɛ a, a yel-bebe mɩ̀ mɩ́ yãwmɛ na, ɛcɛ a nɩ-mɩn na nyɛ̃ nɩ a bɛ loba.

¹⁷Kpãànɛ a fʋ bie, fʋ na mɩ́ bɛr'ɩ tɩ́ɛrʋ, ʋʋ na ƴãwnɛ fʋ nɩ nʋ̃ɔ̀.

¹⁸A nɩdaar yele bɛ wa cãà nyɛrɛ a, a nɩbɛ mɩ́ bʋ̀nɛ na ɩrɛ. Ɛcɛ zu-nʋ̃ɔ̀ sob'ɩ a sob nɛ na tuur a wulu a.

¹⁹Ƴɛ̀rʋ bɛ n'a bɛ mɩ́ wul'ɩ a tõ-tõ-bie ɩ, bʋ̃ʋ n'ʋ vɛ̃, ʋlɛ saa bãw a pɛr a, ʋ kʋ̃ tu ɛ.

²⁰Fʋ̃ʋ wa nyɛ̃ nɩr ʋ pawr a ƴɛ̀rʋ ƴãw a, fʋ na gùre bom dãbol sob zie a sa fʋ na na gùre bom a nɩr ŋa tɔ zie a.

²¹Nɩr na tĩ sãw a ʋ tõ-tõ-bie bɛr a pʋrɩ daarɩ́ za a na ɩ na k'ʋ ɩ ƴã-tuo sob.

²²A suur sob mɩ́ ɩrɛ na a zɛbr ìre, ʋʋ maalɛ yel-bebe yaga.

²³A nɩsaal pɔ̀lʋ na siwr'ʋ na, ɛcɛ su-siwra sob na nyɛ̃ nɩ ƴãwfʋ.

²⁴Nɩr nɩ nyãnyuwe na kpɛ taa a, a sob malɛ nɩ ʋ tʋɔra. Ʋ bãw nɩ a ŋmɛ-ƴãw al na jɩɛrɛ ʋ a[44], ɛ́ zawrɩ a nyãnyuwe wób.

²⁵Sob nɛ na zɔrɛ a ʋ taabɛ a mɩ́ lo n bɛra pʋɔ, ɛcɛ sob nɛ na mɩ́ ƴãw a ʋ tɩ́ɛrʋ a Sore ƴãw a bɛ mɩ́ bãw damnʋ ɛ.

²⁶Nɩ-yaga mɩ́ bɔbr'ɩ a nɩ-kpɛ̃ɛ mʋʋrʋ, ɛcɛ a Sore n'ʋ dɩrɛ nɩ ŋa za a ƴɛ̀rʋ.

²⁷A nɩ-mɩn bɛ mɩ́ nɔnɛ a yel-fa-maalbɛ ɩ, a nɩ-faar bɛ mɩ́ nɔnɛ a bɛlɩ dem na ɩrɛ vla a ɩ.