Read Dagara, Northern Ekilezɩasɩ 9 Bible Online

Ekilezɩasɩ 9 - Dagara, Northern bible

Ekilezɩasɩ 9

¹Sɩza, ɩ̃ tɩɛr'ɩ yele á ŋá vla vla, ɛ́ nyɛ̃ a ʋlɩ bom nɛ ɩ̃ na nyɛ̃ a: Ɩ̃ nyɛ̃ na k'aa nɩ-mɩn, a yã-bãwnbɛ nɩ a bɛ tome za be n a Naaŋmɩn nuru pʋɔ. A nɩsaalbɛ bɛ mɩ́ bãw bɛ na bãw nɩ nɔ̃wfʋ bɩɩ hɩ̃ɛnʋ ɛ. Bɛ kʋ̃ tʋ̃ɔ́ mɩ́ dãw bãw nɩ bom za ɩ.

²Yel-been n'ʋ a nɩbɛ za zie. Yel-been n'ʋ mɩ́ ta a nɩbɛ na ɩrɛ a vla nɩ a nɩbɛ na bɛ ɩrɛ a vla a, a nɩ-vla nɩ a nɩ-faa, a nɩbɛ na bɛ tɛr dɛwr nɩ a nɩbɛ na tɛr dɛwr a, a nɩbɛ na maalɛ a bàwr nɩ a nɩbɛ na bɛ maalɛ a bàwr a zie. Owru bɛ ka be a nɩ-vla nɩ a nɩ-faa cara pʋɔ ɩ. Owru bɛ ka be a nɩr na mɩ́ pɔ nɩ a nɩr na zɔrɛ dɛ̃bɩ̃ɛ a pɔb ƴãw a cara pʋɔ ɩ.

³A yel-been na n'ʋ mɩ́ ta a nɩbɛ za a, ʋ ɩ n yel-faa na be a yele za na ɩrɛ a tẽw zu ka a pʋɔ. Alɛ n'a so a nɩsaalbɛ socie paalɩ a yel-faar tɛwr, ɛ́ bɛ mɩ́ ɩ dãbole a bɛ nyɔ-vʋʋrʋ daar za. Al pùorí bɛ kpi.

⁴Ɛcɛ, nɩr na vʋʋrɛ a n'ʋ na cãà tʋ̃ɔ́ gùre bom. Ba-mimir sa n gbẽw-kũu!

⁵Sɩza, a nɩ-vʋʋrɩ bãwnɩ a na kɛ́ bɛ na kpi na, ɛcɛ a kũuni bɛ bãw bom za ɩ. Bɛl a, bɛ bɛ lɛb gùre bom za ɩ, bʋ̃ʋ n'ʋ vɛ̃, bɛ yiiri bɛ na bɛr.

⁶A bɛ nɔ̃wfʋ, a bɛ hɩ̃ɛnʋ, a bɛ nyuur lãwnɩ bɛ na bɔr. Bɛ bɛ be za na lɛb pʋɔ yel kãw za na ɩrɛ a tẽw zu ka a pʋɔ ɩ.

⁷A lɛ pʋɔ a, mɩ́ dɩ a fʋ bʋ̃-dɩra nɩ nʋ̃ɔ̀, ɛ́ nyũ a fʋ divɛ̃ nɩ cɩlʋ, bʋ̃ʋ n'ʋ vɛ̃, koro kãw za n'a Naaŋmɩn sàw de a fʋ tome.

⁸Mɩ́ su cuw kparɩ kʋralɛ, ɛ́ taa yiire a parfɛ̃ ŋmɛb ɛ.

⁹Wone a nyɔ-vʋʋrʋ nʋ̃ɔ̀ nɩ a pɔw ʋl fʋ na nɔnɛ a, a fʋ nyɔ-vʋʋr-ŋmãa ŋa a Naaŋmɩn na kʋ̀rɛ fʋ a tẽw zu ka bibie za a pʋɔ. Sɩza, a fʋ nyɔ-vʋʋrʋ ɩ n ŋmãa, ɛ́ a fʋ dem'ʋ fʋ páw a lɛ, a fʋ tẽw zu ka tome fʋ na tone a ƴãw.

¹⁰Alɩ bome nɛ za fʋ na na tʋ̃ɔ́ ɩ n a fʋ yõ fãw a, ɩ a. Bʋ̃ʋ n'ʋ vɛ̃, a kpɩmɛ tẽw fʋ na na cen a, nɩr kʋ̃ tʋ̃ɔ́ ɩ bom za ɩ, nɩr kʋ̃ tʋ̃ɔ́ tɩɛrɩ ɛ, bãwfʋ nɩ yã-bãwfʋ bɛ ka be ɩ.

¹¹Ɩ̃ lɛb'a nyɛ̃ yele a mɩnɛ a tẽw zu ka. A bɛlɩ dem na tʋ̃ɔ́ a zɔba a bɛ nɛbɛ mɩ́ zɔ páw kʋralɛ ɩ. A gãdaar bɛ nɛbɛ mɩ́ zɛb tʋ̃ɔ́ kʋralɛ ɩ. Kʋralɛ bɛ n'a a yã-bãwnbɛ mɩ́ páw a bɛ dɩb mɔlɛ lɛ ɩ. Kʋralɛ bɛ n'a a yã sob mɩ́ kpɛ a naalʋ ɛ. Kʋralɛ bɛ n'a a bãw-bãwnbɛ mɩ́ páw a ƴãwfʋ ɛ. Bʋ̃ʋ n'ʋ vɛ̃, a zu-nʋ̃ɔ̀ nɩ a zu-bio mɩ́ ta n bɛ za.

¹²A nɩsaal bɛ mɩ́ bãw debor'a a kpɩɛrʋ na ta ɩ. Mɛ̃ a lɛ a zʋ́mɛ́ na mɩ́ lo a mɩ̃ɛ pʋɔ, a ɩ a zu-faa a, mɛ̃ a lɛ a bɛra na mɩ́ nyɔw a lili a, lɛ mɩ̀ n'a a nɩsaal mɩ́ nyɛ̃ a kpɩɛrʋ a ùr lo a ʋ zu.

¹³Ɩ̃ lɛb'a nyɛ̃ a yã-bãwfʋ kãw a tẽw zu ka, ʋ ɩ n yel na ƴãwnɛ mɛ̃ tɩɛrʋ a.

¹⁴Tẽle kãw tɩ be n be tɛr nɩbɛ bɛ bɛ saalɩ ɛ. Na-kpɛ̃ɛ kãw tɩ wa na wa zɛb'ɩ ʋ. Ʋ tɩ wɛr'ɩ bɔwrɩ a ʋ ƴãw.

¹⁵Nɩr kãw tɩ be n a be ɩ nã́w sob ɛ́ tɛr yã-bãwfʋ. Ʋ nãà tɩ tʋ̃ɔ́ na faa a tẽw a ʋ yã-bãwfʋ zũú. Ɛcɛ nɩr bɛ tɩ tɛr a nã́w sob ŋa tɩɛrʋ ɛ.

¹⁶Alɛ n'a so ɩ̃ yel à ŋá: a yã-bãwfʋ sa n a fãw. Ɛcɛ a nɩbɛ mɩ́ jewre nɩ a yã-bãwnɛ na ɩ nã́w sob a, ɛ́ bɛ mɩ́ bɛrɛ wone a ʋ ƴɛ̀rʋ ɛ.

¹⁷Ɛcɛ a yã-bãwnɛ na ƴɛ̀rɛ bàalʋ bàalʋ a bɛr-wob sa n nɩ-kpɛ̃ɛ na ŋmɛrɛ kɔkɛɛ dãbole zie a.

¹⁸A yã-bãwfʋ sa n zɛbr bome, ɛcɛ nɩ-been na bɛ bãw a maal-ɩb a mɩ́ sãw nɩ a vla al za a yã-bãwfʋ na waar'ɩ a bɛr.